Harsatnak Vanvun

Harsatnak Vanvun

Ka pa hi tlawng saya a si. 1950 kum hrawng ahkhan cabu suahtu company pakhat in an company thehlarnak ih an hman mi bezaibu fatakte pakhat an rak kuat.

Cabu te cu zungpibok thum kau, zungpibok li sau, bak a si lo. Cumi cu ka pa in laksawng ah i tthen. Cui cabu te cu a zate’n siar nuam ka ti le ti lo khal ka mang lo. Asinan pangpar mawi tete zuk a tel cih ruangah ka duh zet. Ka nauhak thinlung te i sun zettu bezai tawitakte pakhat a um fawn. Cui bezai cu ka byheart ih ka sal ringring ttheu.

Cui bezai cun catlang dang a nei bet maw ti ka thei lo. A ngantu le suahtu khal ka thei nawn lo. Asinan a bezai cu a hnuailam vek hin a si.

Harsatnak vanvun ka tong
Pahtlang a ttul, pah ka zir.
Siseh, ka hna ka vun thong,
Harsatnak tomtawhlot hlir.
Ka ton ve mi harsatnak
Harnak hmuah ruah cun a mal
Ka ton lo mi harsatnak
Zate’n siar in ka nuam sal.

Himi bezai ngantu hi zo a si khalle a parah lungawithu ka sim duh. Ziangahtile nauhak ih byheart theih ding in a tawi ih, pitar ih duh ding khop in a thuk fawn. Himi bezai hi ka theih thok ihsin ka thinharnak hnemtu a si ringring.

Harsatnak vanvun lakah ka pil ih ka theihawk tinte’n, keimah lawng ka si lo timi hi ka thin hahdamtertu a si. Mi hmuahhmuah in harsatnak kan tong cio a si. Keimah hi mi vanduai ka si ce lo.

Sirhsan: Betty Killebrew ih “A Heap of Troubles.”