Pathian ih Nupi Na Si Maw?
Kum hra hrawng a si mi mipa nauhak pakhat cu lamzin kap ih dawr hmai ah kedam hruh lo in a ding ih, khawsik lakah khur rero phah in, tukvirh ihsin dawr sung cu a bih rero.
Cumi cu nunau pakhat in a hmuh tikah, "Nau, tukvirh ihsin ziangmi si phur zet ih na zoh rero?" tiah a sut.
Nauhak cun, "Pathian hnenah kedam kop khat i pe ding in ka dil," tiah a sawn.
Nunau cun nauhak cu a kut in a kai ih dawr sungah a luhpi. Nunau in dawr kiltu cu kedam kop ruk pe ding in a sim. Tidai cawhtawlh khat le towel pakhat khal a dil. Cu thluh ah dawr dunglam ah nauhak cu a hruai ih a ke a khawlh sak hnu ah, towel thawn a hnul ro sak.
Cu thluh ah kedam kop khat cu a bunter ih, a dang kop nga khal nauhak cu a pe cih. Cu thluh ah, "Tu ahcun na um a nuam deuh thlang ding ti aw, nau?" tiah a sut.
Cu thluh in hmun dang ih feh a tum. Cutikah nauhak cun a kut in a kai ding lawk ih, a mithmai ah zoh phah in, mitthli thawn, "Pathian ih nupi na si maw?" tiah a sut.
Hram: Pravs J ih "Socks and Shoes."
13 November, 2017
Pathian ih Nupi Na Si Maw?
Subscribe to:
Post Comments (Atom)
No comments:
Post a Comment