25 February, 2016

Peknak ih Thlawsuah

Peknak ih Thlawsuah

Vei khat ah mi fim putar pakhat in tlangval pathum a ko ih fang ci pathum cio a pe. Cu thluh ah an fang ci hmang in leitlun ah an hrangih nun hmakhua va sial ding in a forhfial hai.

Tlangval pakhat cun a fang ci pathum cu cencerh sa hluahhlo sungah a thlak ih a ei cih.

A pahnihnak tlangval cun, cumi hnakih ttha in ka tuah thei, a ti ih a fang ci pathum cu a cing. Thla malte a rei tikah fang vui bawr thum a nei. Fang vui cu a la hai ih a suang. Vei thum ei a daih.

A pathumnak tlangval cun, cumi hnakih ttha in ka tuah thei, a ti ve. Anih khal in a fang ci pathum cu a cing. Asinan fang vui bawr thum an hung um tikah bawr khat cu a la ih a zate'n a cing thluh sal. Fang vui pahnihnak cu fala duhnung pakhat a pe ih, a dang pakhat cu amah in a ei.

Fang vui bawr khat pumhlum a cin mi ihsin fang vui 200 an hung um. Cumi hmuahhmuah cu, a ei ding ah maltakte ngaingai lawng la in, a cing thluh sal bet. A netnak ahcun ekah za tampi a kau mi fangcang loram a run nei. Mi neinung ih a hung can tikah, fala duhnung cu nupi ah a tthi ih, a nupi ih pai' loram khal a lei. Cutin, a ril a rawng sal dah nawn lo. 

"Siang zet ih mi va hlawm cing in a neih mi pung deuhdeuhtu a um; khawl ding ta rori ruat cing ih retheitu khal a um. Mi tirhsiang cu a neinung ding. Mi bawmtu cu bom a si ve ding." – Thufim 11:24-25

Hram: Ngantu theih lo ih "Blessing from Giving."


No comments: