26 August, 2016

Hreitlung Tat Hriamnak Cang Thiam Aw

Hreitlung Tat Hriamnak Cang Thiam Aw

Kum tinte'n an tuah ttheu mi thinghau zuamawknak ah, tontehnak nei tam zettu putar le thazang cakvak zet lai tlangval cu a pakhatnak cuhawtu ding an si thlang.  An zuamawk dan ding cu a tluangtlam zet. Ni khat sungih thingkung hau tam thei sawntu kha a nehtu an si mai.

Thinghautu mino deuh cu a tha a tho zet ih, neh ding zum aw zet in hramlak ah a feh cih. Sunvu zanvar in cawl lo'n hna a ttuan. Thing a hau lai ahcun thinghautu upa sawn khal in khatlam hramlak ah thing a hau rero ti a thei ban. Mino cun thingkung a hau mi zat a zoh tikah neh khal a zum aw ngaingai.

Sun ahcun khatlam hramlak ihsi thingkung hau thluk awn cu cawlh cang a um phahphah. Cumi a theih tikah mino cu a tha a tho ngaingai. Ziangahtile a zuam mi pa cu a cawl phahphah ti a thei. Asinan anih cu a no lai ruangah cawlh ttul lo in a thazang a hmang thei.

Zuamawknak can bikhiah a cem tikah mino cun a neh ding ti rinngamnak sang zet a nei. A hau thluk mi thingkung pawl a zoh tikah, a cahvah zia langtertu rori an si tiah a ruat ih a uang aw ngaingai.

Laksawng pek puai an tuah tik khal ah champion sinak hreitlung cu amah an hlan ding tiah ruat in a phur zet. A kiang ahcun thinghautu upa sawn cu a ding ve. A zum hnakin, thinghautu putar cu a thazang a cauh hmel lemlo ruangah mino cun mak a ti deuh phah.

Laksawng ngahtu an phuan tikah thinghautu upa sawn in anih hnakin thing a hau tam sawn ti a thei ih, mino cu a riah a se zet. Thinghautu upa sawn hnenah, "Ziangtin a cang thei? Nazi kar tinte'n na cawl ti ka thei. Kei cun sun ihsin zan tiang cawl lo in ka ttuan. Cuihleiah nang hnakin ka cakvak sawn fawn," tiah a sut.

Cutikah thinghautu upa sawn cun, "Nizi kar tinte'n malte cawl phah in ka hreitlung ka tat hriam ttheu," tiah a sawn.

Hram: Roger Darlington's World


No comments: