Pathian Zumngamnak thawn...
Hramlak ngawpi sungah fa hrin cu zukneng pinu pakhat a um. Fa a hrinnak ding hmun a hawl tikah tiva kiang ih hrampi bur pakhat a hmu. Cutawk cu hmun him a si a zum ih, a va pan zik zawng ah a pum a rung na thok.
Cumi lai ah khawdur dum pawl an finkhawm aw ciamco ih ttek a tla. Ttek in thingro a tlak ngah ruangah hramlak cu meisa a kang thok. Zukneng cun a kehlam a zoh tikah amai' lam hoi ih conkiang tinh ciatu ramtawi pa a hmu. A vorhlam a zoh sal tikah amah deh ding ih pel rerotu kiosa rilrawng a hmu lala.
A dinhmun cu a harsa zet. Zukneng fa von cun ziang a tuah thei ding? Fa hring ding in a pum a na zo fawn!
A dinhmun vun zoh tikah ruat ding tampi a suak.
Zukneng cu a nung khawsuak pei maw? A fa a hring thei pei maw? A fa cu a nungdam thei pei maw?
Asilole
Hramlak meisa kang cun ziangkim a kang that thluh pei maw? Ramtawipa ih conkiang ruangah a thei pei maw? Kiosa in a deh pei maw?
Khuarel le amah siatsuahtu pawl in an kharhkhum thluh. Ziang a tuah a ttha pei?
Thil umdan a hmuh tikah zukneng cun a fa hrin ding lawng ah a thinlung a ret. Fa harhdam zet a hring. An nufa in an himdam. Asile ziangtin an himdam thei?
Ttek tla in ramtawipa ih mit a atter. Cumi rual ih a conkiang a sai ruangah zukneng cu a tthelh ih kiosa rilrawng cu a va ngah. Cumi rual thotho ah ruahpi vannawn a rung sur ih hramlak meisa kang cu a mitter.
Zukneng ih thupi bik ih a ret mi cu a fa hrin ding a si ti kan hmu thei. Fa hrin tivek cu cawlh theih a si lo. A thinlung thleng in cangvaihnak pakhatkhat vun tuah sehla, asilole, a dinhmun ttihphan um tuk lawng ruat ciamco sehla, a thih phah men thei.
Kan nun khal ah kil tin ihsin a ttha lo mi ruahnak pawl in in kulh can a um ih, thlipi laifang ah tartahak ih um can kan nei ttheu. Cuvek can ah a thupi bik mi lawng kha thinlung tak ih tuah a ttul. A dang pawl cu Pathian kut ah zumngamnak thawn ret ringring ding an rak si.
Hram: http://moralstories26.com/short-stories-on-faith-in-god-deer-pain/
17 November, 2016
Pathiam Zumngamnak thawn
Subscribe to:
Post Comments (Atom)
No comments:
Post a Comment