Khrih A Rung Tel Thei Ngai Ding Maw?
Vei khat ah mi pakhat hi kawhhran pakhat ah a va khawm aw. Tuante'n a thleng ih a mawțaw a ret. Mawțaw sung ihsi a suah rual ah a kiang ah mawțaw pakhat a ra ding. Cui' mawțaw ihsin mi pakhat a hung suak ih, "Khatawk kha ka mawțaw ka ret ringringnak a si. Ka hmun i long," a ti.
Mikhual cun mak a ti deuh nan zianghman a țong lo. Biakinn sungah a lut ih Sunday School zir ding in tohkham lawnglak pakhat ah a to. Cutikah fala pakhat in, "Khatawk kha ka to ringringnak a si. Ka hmun i long," a ra ti.
Mikhual cu a um a nuam lo sinsin. Asinan zianghman a țong cuang lo.
Sunday School a cem tikah mikhual cu biakkhawmnak ah tel ding in hmun thianghlim ah a va feh ih tohkham lawnglak pakhat ah a va to. Cutawk khal ah mi pakhat in, "Ka to ringringnak i long," a rak ti thotho.
Mikhual cu a riah a se zet thlang. Asinan zianghman a țong cuang lo.
Tawkfang ah kawhhran mipi cun an hnenah Jesuh Khrih rung tel ve ding in thla an cam. Cutikah mikhual cu a ding ih, a hmuihmel a thleng aw. A kut le ke ah thirfung ih khennak hriamhma țihnungza an hung lang.
Cumi cu mi pakhat in a rak hmu ih, "Ziang na cang?" tiah a sut. Cutikah mikhual cun, "Nan hnenah rung taktak sehla nan hmun in kian thei ngai pei maw?" tiah a sut.
Zumtu pawl hin kan hnenah Khrih rung tel ve ding in kan duh cio ko nan, vei tampi ahcun hmun kan kian duh lo țheu. Kan hnenih Khrih a tlem ding le tlem lo ding cu, kan unau zumtu dang parih kan lungput le kan tuah mi ah a lang țheu.
Sirhsan: Ngantu theih lo mi "The Visitor."
23 September, 2017
Khrih A Rung Tel Thei Ngai Pei Maw?
Subscribe to:
Post Comments (Atom)
No comments:
Post a Comment