Satan ih Thlawsuahpawl

Satan ih Thlawsuahpawl

Satan hin mi thlawsuak ih a ngai mi pawl ih thuhla ngan bang sehla, hitivek hin a feh men thei:

1. Zarh khat ah nazi pakhat sung an Khristian unaupawl thawi' can hmang tlang thei lo ding khawp ih a bangcau mi, a buai mi, thu ruat buai mi pawl cu mi thlawsuak an si — annih cu ka hnattuantu tthabik an si.

2. Anmah dil kherkher le lungawithu sim ngiar ringring Khristianpawl cu mi thlawsuak an si—annihpawl cu ka hmang thei.

3. Biakinn ih ih khawm paih nawn lo mi thinlung siava pawl cu mi thlawsuak an si—annih cu ka missionary an si.

4. Buainak tuahsuaktupawl cu mi thlawsuak an si—ka fahniang tiah kawh an si ding.

5. Puhmawh le elkalhnak tuah hmang pawl cu mi thlawsuak an si—an thu ka ngaisak ding.

6. Rongbawltu ih cetcangdan le cangsualnakpawl a ningkhongtupawl cu mi thlawsuak an si— ziangahtile annih cun rongbawltui' sermon ihsin zianghman an ngah lo.

7. Amai' kawhhran rori ih khawm aw ding hman in sawm kherkher a ngiartu kawhhran sungtel cu mi thlawsuak a si—ziangahtile anih cu kawhhran hrangah buainak cingfeltu si lo in, buainak tuahtu a si sawn.

8. Mi relsiat hmang pawl cu mi  thlawsuak an si—ziangahtile ka lungawitertu a si mi tawhawknak le tthentthekawknak an suakter ding.

9. Mi ningna ol pawl cu mi thlawsuak an si—ziangahtile a rei hlan ah an thin a ling ding ih an tlan hlo ding.

10. Pathian hnattuan hrangah an neihsiah a pelotupawl cu mi thlawsuak an si—zangahtile annih cu i bawmtu an si.

11. Pathian ka duhdawt tiah phuang aw cing in Pathian ih unaupawl a huatu cu mi thlawsuak an si—ziangahtile anih cu kumkhua in keimah thawn kan um tlang ding.

12. Nangmah, himi ca na siar tikah midang thuhla a si ih nang thawn a pehpar aw lo ti ih ruattu, khal kha mi thlawsuak na si—nangmah khal ka lo co ngah zo!

#Christian Life Stories ih "The Devil's Beatitudes."