Hni Uar-o Aw (25)

Hni Uar-o Aw (25)

Khaukhih

Greek mifim hminthang Zeno kha khaukhih cia zumtu a si. Ni khat cu a siahhlawh pakhat in thil a ruk lai a kai ngah ih, a vuak ciamco. A siahhlawh cun, "Khaukhih cia ka si hi. Na thil ru ding hrimhrim in ka piang a si lo ding maw?" a ti. Zeno cun, "Si e, ru ding hrimhrim ih khaukhih na si. Na ruk ruangih vuak tuar ding khal in khaukhih cia na si. A lo vawtu ding ah kei khal hi khaukhih cia ka si," a ti an ti.

Bawi Rawl

An innsang ei-in thawt theizia a uang aw. "Kannih cu bawi rawl hlir si kan ei," a ti. A kiang ih um a rualpa cun, "Cuti ih bawi rawl hlir nan ei ahcun, nan bawi cu a thin a va heng thei awm ve," a rak ti san men.

Sawm Hlawhsam

British ramleng sungttuan George Brown kha Peru ram ih a tlawn lai ah, khuallian hmuahnak thawn an rak hmuak. Tawkfang cun a ri deuh thlang a si hmang ding, korfual sendup hruhtu mi pakhat cu lam  a sawm. Anih cun a rak el cih. Ziangahtile: "Pakhatnak ah, zu na ri tuk. Pahnihnak ah, himi hla hi lamnak hla a si lo. Peru phunpi hla (national anthem) a si. A pathumnak ahcun, nunau ka si lo. Puithiam Sang, Cardinal Archbishop of Lima ka si hi."

Zohfeltu hnen Cakuat

Pu Zohfeltu,

Kan kawhhran cangvaihnak thuhla dik lo zet ih nan suah ttheu mi hi nan bansan lo ahcun, tu ihsin nan thuthangca, ka venghnenpai' lei cia ka rak siar ttheu mi hi ka bansan a ttul ding ruangah, ka lo thinphanpi nasa."

Fimkhur Tluktu A Um Lo

Fala: Ziangahmaw kan hnamawk lai ih na mit na men kerker?

Tlangval: Ka mit ka sing duh nawn lamlam leu! Mizan ahkhan ka mit ka sing ih ka paisa hmuahhmuah, ka paisabawm cop in an hlo fai."

Thusuhnak

Himi thusuhnak hi "Aw" timi maw "Aih" timi pahnih lak ih pakhat lawng in sawn aw: "Na sungkuapawl in na at thu hi an thei hrih maw?"

Lungawiter Harbik

Pasal : Boihte, ka lo duh.

Nupi : "Ka, ka, ka" a ti lala, mai' hmakhua hlir sial na hmang tuk aw!

Sibawi Kutngan

Fala pakhat hi sibawi thawn an ngai aw. Asinan a can tam sawn cun sidawr hlir ah a hmang. Ziangahtile a tlangval sibawi ih kutngan kha si zuartu lawng in a siar thiam ruangah ngaizawng cakuat a ngah mi khal cu a va siarter ringring a ttul.

Fast Food

Pawpi le Kiosa an rak bok tlang. Culai ah sakhi pakhat an hmai ihsin a ra tlan vukvi. Pawpi in, "Khami kha ziang saw?" a ti tikah, Kiosa cun, "Fast Food a si kha," a rak ti.

Hnaset

Putar pakhat hi a hna a set ruangah hna sibawi a pan ttheu. Khuimawcin an tuamhlawmawk hnu cun putar ih hna cu a hung ttha sal. Sibawi in, "Na hna a hung tthat sal hi na innsangpawl an lung a awi nasa ding ti aw?" a ti. Putar cun, "Ka sim hrih rengreng lo. An titinak kiang ah hnaset to in ka rak to ih, ka ro cotu ding hman vei thum tiang ka thleng danglam zo," a ti.

Thei Fiang

"Ka pi, Mawite a um maw, kan leng duh i?"

"Aw, um e, nan thei aw cia rengreng maw?"

"Aw, thei aw e."

"Ziangtin nan thei aw?"

"A mawttawsaikal thawn vei thum lai in pah zo."

Ngaih A Va Ttha Lo Ve

Vanzam ih an zuan rero lai ah an vanzam mawngtu cu amahte'n a hni ciamco. A hnihnak san an hun sut tikah, "Mi-a retkhawmnak ihsin ka tlansuak ti an theih tik ahcun an buai nasa ding," a ti. Vanzam to nuam uhle! :P

Khawm Tawi

Khawm rei paih lo tuk mi pakhat kha chairman an ttuanter. A hung ding ih, "Tu ahcun ttantu kan rak sawm ding ih, can cem tiang amah in kai lawlaw ding in a kut ah kan hlan lawlaw ke," a ti ciah cu, sermontu a buai nasa.

Cemlian Hautak

Ketamnu pahnih an titi. Pakhat in, "Aiha maw, ka thin a bang lutuk! Paisa kan neih lo lai fang ah ka fanu in khawmpi zawhnak ding kedam thar a ngen i, vei khat hruh ah kedam kop kul lenglo a ttul fawn si," a ti.

Phawk Aw Fuh Lo

Rualvah hnih thing at tlang cun, "Thaisun cu kan cawl ke," an ti. A thaisun ah an at mi thing an ru tum thup veve khi a rak si. A thaisun ah an thing atnak hmun ahcun an tong aw dukdi. An tum thup mi rel suah ci a si nawn fawn lo, paih lo emem in, sunvute'n thing cu an at tlang sal.

Rawlhmeh

Rawlhmeh thuhla an rel lai ah an len mi fala in, "Kei cu a thu lampang hi cu ka duh thluh si ko," a ti. A innleng lak ih rak to ve a tlangvalpa cun, "Cuti a si ahcun kei hi ka thu tinak ding? In duh nasa emmai," ti'n a rak thinheng kual.

A Sek Nasa

Taksa sawizoinak zirhtu ding le missionary lak ding ni a rak bang aw kherkher ih, a va lut sual pang. Pastor rual an rak to khawm ttheptthep. A hmin, kum, umnak hmun, thiamnak tivekpawl an sut ih a let vivo. A netnak ah tontehnak tarlang ding a neih le neih lo an sut. Cuvete'n a ding vukvi, a hnipuan a hlit ih, a taksa sek zia a hmuh ciamco hai. Pastor rual cu an mang a bang zet nan, sek cu an ti nasa.

Zingtuk leh kha Simtuk ah

Pakhat pa zing tlan (pitti) a atcilh ciamco ih, a tho zing thei nasa. Vei khat cu a rualpa zing tlan a va sawm ih, a sungkaw pawl in, "A it zo," an rak ti.

Tlun Phur Um Lo

Pakhat pa fala a lennak ah a u in a ra ko. "Ka u, ra tlung lohli aw, ka nu in a lo thawi ding, kei khal in thawi zo." Phur lo kei cu aw! :D

Damreinak Thuthup

"Na damreinak san hi taksa sawizoi na uar ruangah a si kan zum, a dik maw?"

"Dik hlah. Taksa sawizoi uar ka rualpipawl ih ruakkuang ka zawn ttheu sawn hi ka damreinak a si sawn ding tiah ka ruat."

.............................................