Nunu In In
Tansan Hlah
Kum
nga a kim ah…..
“Nunu,
na thusim ka ngai ding, in tansan hlah maw.”
Tualleng
Tlawng sangka kiangah a nui’ ke pom in ttap phah in zangfah a dil. Nunu cu a to
ih a kut pahnih in a biang a dom sak.
“Mipa
cu mitthli tlak lo ding si kha. A sung ahkhin nangmah thawi’ lek tlang ding u-u
le pawl tampi an um. Cun, sayama tla in hla tampi a lo zirh ding silawm.
Tthate’n zir awla in ra saksak sal aw maw. Zung kan ttum vete’n ka ra lo hmuak sal ding.”
A
mitthli hnul phah in a lu a sut.
Kum
hra a si lai ah…..
“Nunu…”
Tlawnginn
kot ih a nu a hmuh vete’n a tlan ih a va pom. Nunui’ ttang sungah lunghmui zet
in a lu a nek.
“Na
sang thei maw, pate?”
Full
mark a ngahnak cahnah cu Nunu a pe.
“Nunui’
fapa te cu a va thiam ve. Ra awle, thil pakhatkhat kan va ei ding. Ka lo lomsak a ttul.”
Kum
15 a si lai ah…
“Ka
paih lo, tuition kai ka duh lo. Tuition kai khal a tthahnem cuang lo.”
Nunu
in thinheng zet in a hmai ah answer paper a hmuh ih, “Na hmat cazin hi zoh
hnik! Ziangruangah ka thusim na lung lo? Hivek na si vivo ahcun phunsangtlawng
na thleng thei lo ding. Fimthiamnak na ngah ka duh ruangah paisa cem in tlawng
ah ka lo ret a si hi. Sunvu ih game lak men ding ah a si lo pi!”
Na
zet ih sangka khar bupbi phah in a leng ah a suak. A dunglam ihsin Nunui’ aw in
a rak thlun.
“Pate,
ra tlung sal aw!”
Kum
20 a si lai ah….
“Inn ah ka ra tlung lo ding Nunu. Tui zan cu rualpi thawn
party puai kan
tuah ding. Aw….Nunu, phunsangtlawng luhnak ding form kha ka tuah zo sokhaw
maw,”
Mawngseng
deuh aw thawn Nunu a phone.
“Inn ah ra tlung in ra tuah awla, pate. Nunu tla na ron ta
lo ding maw? Nunu zianghman ron lo in ziangah na rak tuah mei? Ziangmi line si
na dil?”
“Aaa,
Nunu khal hi, na hnok tuk. Ka thuhla cu keimah ka thei si lawm. Rak tel duh
hlah.”
Nunu
in zianghman a rel man hlan ah phone a thlak. Cu thluh in a no a thlir ih a
rualpi pawl ih lam a hoi.
“Nuam
uh si, rual le tla…..cheerssssss”
Kum
sawmthum a si ah……
“Zu
in duhnak thinlung na nei lai mawsi?”
A
kut sung ih rialno long phah in Nunu in a sut.
“Hi
nut e hi a ttha pam ko. Ziangtikah tu ka cawi ding?”
“Anih
cu ka duh lo, Nunu. Khimi nu, khami nu tivek thawn i neihawk tum duh nawn hlah.
Ka hrangah hmunram lawng pakhat I pe aw.”
“Nunui’
ttong hi vei khatte’n ngai awla, pate? Ka lo sim ding….”
“Aaaa….ka
ngai paih lo. Ka nauhak te lai ihsin tu tiang na thu ka lung. Na sim mi pawl
ziangzat si a dik mi um? Ziangzat a dik?”
Kum
sawmli a si ah…
“Paisa
tampi cu a si lo, Nunu. Na ttulhai mi na leinak ah ka lo kuat. Paisa na ttul
tikah in phone leh awla.”
“Zianghman
ka ttul lo, pate. Kum cem ah ka nu le pawl hruai in rat lung uh maw. Ka lo ngai
hai tuk. Cun, lo sim ding mi pakhat ka nei.”
“Kum
cem ah company hnattuannak tam sinsin in kan
tuah ding an ti. Ka rat lung thei lok lo ding Nunu. Remcang a um len kan rel leh pei
cu.”
Phone
a thlak hmaisa.
Kum
sawmli le kum khat a si ah……..
Sikaret
pakhat fawp phah in carek (post office) ihsi ra thleng mi ca pakhat a zoh. Ca-ik
parah a kuattu ih hmin le umnak hmun a ngan aw lo. Ca-ik a vun phelh tikah a
sungah fapa ding ih cawmsiannak lungkimca pakhat, thih thu siilam ca pakhat, ……….kuak
khu lak ahcun a mit an rau ruaro.
Thlan
hmai ih a khuk a bil can ziangtluk a rei ti a thei nawn lo. An thinlung sungril
a kekkuai thluh. Lungzur riahsia awkam thawn Nunu in thei seh ti a duhmi
ttongkam pakhat a vun ttong.
Pialral
ih Nunu in a aw run thei hram seh.
“Nunu….na
thusim ka ngai thlang ding. ..Nunu, in tansan hlah maw.:
Nine
Nine Sanay ih leh mi ihsin leh sin mi a si.
No comments:
Post a Comment