08 September, 2016

Ka Bawipa A Um

Ka Bawipa A Um

Mina pakhat hin cekfelnak pindan ihsin a suah zawng ah, "Sibawipa, thih ka ttih. A khatlam ah ziang a um ti i sim aw," tiah a sut.

Sibawipa cun daite'n, "Ka thei lo," tiah a sawn.

Cutikah mina in, "Na thei lo maw? Na va sakhaw mi hmel lo ve. A khatlam ah ziang a um ti hman na thei lo maw?" tiah a sut sal.

Cumi lai ah sibawipa cun sangka kutkaih a vun kai. Sangka ih khatlam ahcun sangka kheuh awn, ai-awn pawl a um. Sibawipa in sangka a vun on tikah uico pakhat a rung khir lut ih a mei phial vohvo phah le lungawinak langter rero phah in sibawipa cu a pan turto.

Cu thluh ah sibawipa cun, "Ka uico ih um dan kha na rak hmu ngah maw? Hitawk pindan hi vei khat hman a thleng dah lo. A sungah ziang an um ti khal a thei lo ding. A theih mi umsun cu hitawk ah a bawipa keimah ka um timi lawng a si. Asinan sangka a onawk tikah ttihphannak zianghman um lo in a rung khir lut. Kei khal in thihnak ih khatlam ah ziang a um ti hi ka thei mumal lo. Asinan pakhat cu ka thei. Cutawk ah ka bawipa a um. Cumi cu ka hrangah a tawk zo," tiah a sim.

Hram: The Living Treasure ih "Master."


No comments: