Thubuai Cinfelnak Kalhmang
Kan nauhak lai ih kan theih dah mi thuhla pakhat a um. Mirang pawl in, "Laimi pawl cu a vak thei mi vok, caw, ar tivek pawl an thlah zalen ih, a vak thei lo mi anttam, kawpi, khasuan tivek an kulh," tiah an rel thuhla a si. Himi hi an rel taktak maw timi cu thu dang va si sehla, ruahnak ti tamtu pakhat cu a si ve.
Rannung hrangih rawl hawl can kan neih lo ruangah tidan olsam sawn kan hmang cu a si bik ding. Kan ttilva cawm ding hmuahhmuah kan awl theinak ding ah, a vak thei lo mi thil sawn kha, kan ttilva lala hnen ihsi humhim ding ah hruang kan kulh a si hmang. Thubuai um thei mi kan cinfel dan ci khat a si ve mai.
Dutch miphun (Nertherlands ram neitu) in kannih thawn a danglam zet mi cindan pakhat an nei. Annih cu thilri hlun an lei tikah, a zuartu in a rak leinak voucher a neih lo ahcun an lei duh lo. Inn hruangkulh tivek hren lo in an thilri an ret huahhi men. An thirleng le mawttawsaikal mankhung zetzet pawl khal tawh phawi lo in an ret huahhi men ttheu.
Ziangruangahtile, rukru cun rak ru khal sehla a zuar sal duh tikah, a leinak voucher a neih lo ding ruangah zohman in an lei duh lo ding. Curuangah an ru paih lo. A rak ru paih thotho a si khalle a neitu in a voucher, tacik le frame number tivek thawn palik hnenih a hek ahcun, rukru cu thawngtlak lawng a hmabak.
A um dan cu, rukru um lo ding in a bulhram bik ihsin an tuah cia tinak a si. Duhduh ih thilri lei le zuar tahrat in rukru lak ihsi mahte humawk ringring ttul thei mi kha, a bulhram ihsin an rak kham cia. A thirlengtu kha kil ttul nawn lo in, a leinak voucher lawng kil a ttul tikah, a hahdam sutsi ding.
Himi khal hin ruahnak a ti tam duh ve nasa.
Sirhsan: Yone-kyi-yar page ih – Dutch Miphun pawl in Ziangtin Thu An Ruat?
13 September, 2016
Thubuai Cinfelnak Kalhmang
Subscribe to:
Post Comments (Atom)
No comments:
Post a Comment