12 September, 2017

Khrihfa Ci Thum

Khrihfa Ci Thum

Ka bei a dong deuh ih, ziangruangah Pathian in hi zat lawmam i tuarter timi ka ruat rero. Culai fang ah himi hi ka ruahnak ah a rung lang: "Kei hi nikhaw tthat can Krihfa ka si maw?" "Nikhaw tthat can Khrihfa" ka si ahcun, thil ziangkim a feh tluang can ah Pathian zum vekin ka um ding, keimah khal in Pathian zumtu vekin ka ruat aw ding nan ka nun ih thlipi lole nikhaw sia a ra thlen can ah Pathian mawhthluk in ka dungtun lala ding. Tui can ahhin, ka bei a dong ko nan, cuvek Khrihfa cu ka si lo in ka thei aw.

Taktak ahcun, cumi thawi' linglet "Nikhaw siat can Khrihfa" khal an um. Cu pawl cun thlipi lakih tisuar ahcun hnget zet in Pathian an pawk nan, tisuar a let lo mi tidai par ahcun duhlawng (an duhduh) in an vak ih, ziangkim a feh tluang can ahcun anmah rundamtu an ngaihsak nawn lo. Hivek Khrihfa hi na rak thei-tong dah men thei. Ral-relh-khur (foxhole) ahcun Pathian um zumlotu (atheist) an um dah kel lo tiah an rel ttheu (Harsat mangbang cun Pathian kan hlam thluh cio). Riatsiat thlak zet in, kum tampi sung cu hivek Khrihfa ka rak si. Asinan Khrihfa nun ih ka tthansohnak kum khal a rei vivo thlang.

Khrihfa ci thumnak cu ka si duh mi le si thei ka beisei ringring mi a si. Hivek Khrihfa cun thlawsuah an don mi ah lungawinak cang an thiam ih, a nun ih thil ttha hmuahhmuah thawn Pathian an pan. Harsatnak an ton can khal ah Pathian an pan thotho ih, a kaihhruainak an dil. Pathian in an dil mi a pek lo khal ah theihthiam an zuam. Lungawi can le harsat can hmuahhmuah ah, ziangvek a thleng a si khalle, an nun ih Bawipa a um ruangah thin hnangamnak an nei.

Nang teh ziangvek Khrihfa na si?

Hram: B. Killebrew ih "Three Kinds of Christians."


No comments: