Hmuitin Nei Lo Zuamnak
Lothlopa pakhat ih uico hi mawttaw zin kap ah a to ttheu. Mawttaw an rat tikah a rak dawi ih, bo phah in kaih ngah a tum ciamco ttheu.
Ni khat cu a venghnen pakhat in lothlopai' hnenah, "Na uico in mawttaw a dawi ciamco ttheu mi hin a lo hnoksak maw?" tiah a sut.
Cutikah lothlopa cun, "Mawttaw a dawi mi hin i hnoksak lo. Mawttaw pakhatkhat kai ngah sehla ziang a tuah tum timi sawn in ka thinlung a hnokter," tiah a sawn.
Minung tampi cu nuam kan ti ruangah simaw, a remcang kan ti ruangah simaw, hmuitin mi mumal nei lo in thil kan tuah ttheu. Kan thil tuah mi hlawhtling sehla ziang kan tuah ding, ziang a suak ding tivek ruatnak cang kan thiam lo ttheu.
Hmuitin felfai nei ih zuam ttentto lawng ah hlawhtlin a theihnak leitlun ahhin, hmuitin mi fiangfai nei lo ih kan khawsat ahcun hlawhtlinnak cu a rak hla deuh ttheu.
Hram: Pravs J ih "Meaninless Goals."
09 November, 2017
Hmuitin Nei Lo Zuamnak
Subscribe to:
Post Comments (Atom)
No comments:
Post a Comment