Calai Deirel: Kurt Waldheim - United Nations ih Secretary-General Palinak

29 October, 2013

Kurt Waldheim - United Nations ih Secretary-General Palinak

KURT WALDHEIM

Ram Ttangrual Sungttuan-Huapkip palinak Kurt Waldheim hin Ram Ttangrual ih Sungttuan-Huapkip tohkham cu 1972 January 1 ihsin a luah thok. Humhual Khonsil (Security Council) in 1971 December 21 ah thuburnak a tuah ih Huapkip Khawmpi in a zohfel hnu ah a nemhnget.

Sungttuan-Huapkip Kurt Waldheim hi 1918 December 21 ah Austria ram, Vienna khawpi kiang ih Sankt Andra-Wordern ah a suak. Vienna Phunsangtlawng ah daan a zir ih 1944 ah doctorate degree a ngah. Vienna Consular Academy ihsi khal in degree a ngah.

Mr. Waldheim hi Austrian ramleng pehtlaihnak zung ah 1945 ah a lut ih, 1948 ihsin 1951 tiang Paris ih Austrian Ramlengzung ah Pakhatnak Sungttuan (First Secretary) a ttuan. 1951 ihsin 1955 tiang Vienna khawpi hi Ramleng Zeizok Tlangbawizung (Ministry for Foreign Affairs) ih hnattuantupawl hohatu a si.

1955 ah Ram Ttangrual ih Austria aiawh Thlirtu Hngelhnget (Permanent Observer) ah hriltlin a si ih, himi kum nelam ah Ram Ttangrual ih Austria a tellut theinak ding tawlreltu Austrian Mission hohatu a hung si. Amai’ kaihhruainak thawn Austria cu Ram Ttangrual sungtel ah an lut ngah.

1956 ihsin 1960 tiang Mr. Waldheim cu Canada ram ah Austria cozah palai in a um. A hmaisa ahcun Tlangbawi Sangbik (Minister Plenipotentiary) dinhmun in a ttuan ih lehhnu ah Rampalai (Ambassador) dinhmun in a ttuan sal (Minister Plenipotentiary timi cu thuneihnak hmuah hmuah ap thluh mi tlangbawi khi a si). 1960 ihsin 1962 tiang Austrian Ramleng Zeizok Tlangbawizung (Austrian Ministry for Foreign Affairs) ih Ramkhellam Zungtthen (Nitlaklam) ih hotulu a si. Cumi ihsin Ramkhellam Ngaihvennak Zungpi ih Tirhhmuhtu-Huapkip (Director-General) tokham ah 1964 tiang a to.

1964 ihsin 1968 tiang, Mr. Waldheim cu Ram Ttangrual hnenih Austria Palai Hngelhnget (Permanent Representative) a ttuan. Himi can ah Mr. Waldheim hi Tlolak Lengta Remdaitei’ Hmannaklam Tawlreltu Kawmitti ih Chairman khal a ttuan phah. 1968 ahcun Ram Ttangrual ih Tlolak Lengta Laihsuahnak lam le Remdaitei’ Hmannak lam Khawmpi hmaisabik (the first United Nations Conference on the Exploration and Peaceful Uses of Outer Space) ih Hohatu (President) ah hriltlin a si.

1968 January ihsin 1970 April tiang Mr. Waldheim cu Austria Ramleng Zeizok Tlangbawizung ih Tlangbawi a ttuan. Cozah hnattuan a cawlh hnu ah Ramtamhuap Atom Thahram Pawlpi (International Atomic Energy Agency) ih Kilvenawknak Kawmitti (Safeguards Committee) ih Hotu (Chairman) ah zatek kim lungkimnak thawn hriltlin a si. 1970 October thla ahcun Ram Ttangrual hnenih Austria Palai Hngelhnget a ttuan lala; Pawlkom ih Sungttuan-Huapkip a si tiang himi hna hi a kai.

1971 April ih Austria ram President dinhmun luahtu ding zuatkhawl mi pahnih lakih pakhat a si ve fawn.

Sungttuan-Huapkip a ttuan sung ahhin Ram Ttangrual sungtel rampawl sungih ram sung buainak neitu rampawl ah tlawng vivo in remdaihnak hrang hna a ttuan. 1972 March thla ah, Humhual Khonsil in thuneihnak a pek vekin South Africa le Namibia ram ah a tlawng ih an ram sung buainak remfel dingin ttan a lak bawm.

Himi san ih ram sung ral a buai reromi Cyprus khalah 1972 June thla, 1973 August thla, 1974 August thla pawl ah a va tlawngih cozah hruaitupawl thawn tong aw in Cyprus ram sungah Ram Ttangrual ih Remdaihnak-kiltu Ralkapbur (Peace-keeping Force) lut siang ding in thurelpinak a nei. Suahsualthawhnak sosan laifang khal ah Mr. Waldheim cun Cyprus ih Ttuansung Hotu (Acting President) Glafcos Clerides le Rauf Denktash tong in remdaihnak hrang thu ttul pawl a tawlrel.

Sungttuan-Huapkip hi Laili Nisuah (Middle East) khal remdaihnak a um vivo thei beisei in vei tam zet a tlawng. 1973 August thla ah Syria, Lebanon, Israel, Egypt le Jordan pawl a tlawng; 1974 June thla ah Lebanon, Syria, Israel, Jordan le Egypt hruaitupawl a tong ih; 1974 November thla ah Ram Ttangrual Luattermi Zohthlirtu Ralkapbur (United Nations Disengagement Observer Force/UNDOF) tam sinsin ih ret an sianthei beisei in Syria, Israel le Egypt ah a tlawng fawn.

Himi a tlawnnak ihsin Ram Ttangrual ih remdaihnaklam hnattuan khal a darhkauter vivo ih, Laili Nisuah hmun pawl ah Ram Ttangrual Kahcawlhsungnak Hruaikaitu Pawlkom (United Nations Truce Supervision Organization/UNTSO), Ram Ttangrual Cakkhai Ralkapbu (United Nations Emergency Force/UNEF) le UNDOF pawl hmangin remdaihnak hrangah ttan a lakpi.

1973 February thla ah India, Pakistan le Bangladesh rampawl a tlawngih India le Pakistan doawknak ruangih buainak ummi pawl cinfel reh dan ding a ngaihtuahpi hai. Bangladesh khal ah Ram Ttangrual ih Relief Operation (Tundinsalnaklam Hmalaknak) a dinsak. Ram Ttangrual in a dinmi bombawinak lam hmalaknak lakih nasabik a si.

1974 March thla khal ah Sudano-Sahelian hmunram ih ram tampi ah tlawng in ruah-ro-ti-car reipi (prolonged drought) ruangih ttam tuartupawl Ram Ttangrual in bomnak pe sinsin thei ding in a tawlrel.

Cuhlei ah Mr. Waldheim hin Sungttuan-Huapkip a ttuan sung ahhin Ram Ttangrual hohanak ih tuahmi ramtamhuap tonkhawmpi dangdang khal a tawlrel in a kaihruai hai. Cumi lakah Santiago khawpi ah 1972 June thla ih tuahmi Sumdawnnak le Tthansohnak hrang Ram Ttangrual Tonkhawmpi ttum thumnak (the third session of the United Nations Conference on Trade and Development); Stockholm khawpi ah 1972 June thla ih tuahmi Minung Kiangkapboruak hrang Ram Ttangrual Tonkhawmpi (the United Nations Conference on the Human Environment); Caracas khawpi ah 1974 June thla ih tuahmi Tipithuanthum Dan hrang Ram Ttangrual Khawmpi Veithumnak (the Third United Nations Conference on the Law of the Sea); Bucharest khawpi ah 1974 August thla ih tuahmi Leitlun Mipum Tonkhawmpi (World Population Conference), le Rome khawpi ah 1974 November thla ih tuahmi Leitlun Ei-in Tonkhawmpi (World Food Conference) tivekpawl an tel.

An Zungpi (Headquarters) ah tuah lo in Africa (Addis Ababa ah 1972 January) le Latin America (Panama, 1973 March) ih an tuahmi Humhual Khonsil meeting-pawl khal ah Sungttuan-Huapkip hin a rak telpi in a kaihruai hai fawn.

Rabat ah 1972 ih tuahmi African Ttangrual Pawlkom (Organization of African Unity/OAU) meeting, Addis Ababa ah 1973 May thla ih tuahmi OAU ih kumcam hranak (tenth anniversary) meeting le, Mogadiscio ah 1974 ih tuahmi OAU meeting tivekpawl khal telpi in a kaihruai hai. American Ramtthen Pawlkom (Organization of American States/OAS) tonkhawmpi, Washington ah 1972 March thla ih tuahmi, khal a kaihruai.

Cun, 1973 ah Vietnam ralbuai thuhla ih Paris Ramtamhuap Tonkhawmpi (Paris International Conference on Vietnam) a ttawi-awm fawn. Himi kum thotho December thla ah Laili Nisuah hrang Geneva Remdaihnak Tonkhawmpi (Geneva Peace Conference on the Middle East) a kaihruai fawn.

1973 July thla ah Mr. Waldheim cun Helsinki ih Europe Rampawl Humhualnak le Zomkhawmawknak Tonkhawmpi (Conference on European Security and Cooperation in Helsinki) a kaihruai.

Cozahpawl in zahzet ih an sawmnak vekin Sungttuan-Huapkip cun Africa, Asia, Latin America, Middle East le Europe ih ram tampi ah cozah sawmnak khualtlawn (official visit) tam zet a nei.

Ram Ttangrual lenglam ih a hnattuan rel bet sehla. Ram Ttangrual ih Sungttuan-Huapkip ttum hnih a ttuan lawng si lo in, Mr. Waldheim hin Austria Hohatu (President) khal 1986 ihsin 1992 tiang a ttuan fawn.

1936-37 sung cu Austria ralkap a ttuan ih cuihnu ah rampalai thiamnak lam a zir. Asinan Germany cozah in a kai ih hranhram in ralkap a ttuanter. 1941 tiang Russia ramri ah German ralkap a ttuan ih hriamhma tla a ngah. Lehhnu ah amah Waldheim in Leitlun Ralbuaipi II sung cu Vienna Phunsantlawng ah dan lam ka zir a ti. Asinan lehhnu ih an hmuhsuah sal mi hminsincapawl ah 1942 ihsin 1945 cu Balkans tlangtluan ih a tthum aw mi Germany ralkapbu pakhat ah bawi pakhat a ttuan ti an hmuh ruangah rinhlelh a kai phah.

1971 ahkhan People’s Party ihsin Hohatu sinak a cuh nan a neh lo. Asinan 1986 ah a cuh sal lala. Himi ttum ah Germany ih ralkap a ttuan lai ah sualral zet ih a cangvai ttheu tu Germany ralkapbu ah, le Salonika hmun ih Jew miphunpawl Nazi Party ih mi thahnak hmun ih hruaithlengtu ah a tel thu hmuhsuah a si ruangah buainak a tong. Asinan Hohatu sinak cu a ngah ta tho.

Ramtamhuap zingzoitupawl khal in Waldheim hi ralbuai lai ih sualral thawhnak ah a rak tel dah a si tiah an pom. Cumi ruangah Mr. Waldheim khal ramtamhuap khawvel ihsin a hnukdawk aw ih, rampi Hohatu cuhawknak khal ah a ttum hnihnak ahcun a tel nawn lo. Mr. Waldheim ih nun hi minung pakhat ih hringnun danglam theizia langtertu ttha pakhat a si kan ti thei.

Nupi a nei ih fanau pathum ih pa a si. Austria ih ramleng policy umtuzia ngannak cabu The Austrian Example a ngan ih Geman, English le French ttong in suah a si.

Mr. Waldheim cu 2007 June 14 ah amai’ ram Austria ih Vienna khawpi ah kum 88 mi si in a thi.

1 comment:

Anonymous said...: Siar manhla tuk; December 17, 2013 at 3:33 AM

Ngantui' Thuhla

Salai Siang Lian Uk Kianghrol Introduction Salai Siang Lian Uk Kianghrol (born August 18, 1988) is a leading Chin (Falam) poet and literary contributor. In 2011 he published his first work Calai Zirnak Hmaihruai (An Introduction to the Study of Literature) and, in 2014 he published his second and major work Eden Zunzam: Sonnets from Chinland (The Attachment of Eden: Sonnets from Chinland) which contained over 200 sonnets and a crown sonnet. He also wrote a novel Khrih Riantu (A Man Who Serves Christ) which is not published but filmed, and some short stories and one-act plays, and contributed over 600 articles and poems without royalty fees. Life Salai Siang Lian Uk Kianghrol (born Biak Hming Siang LianUk) was born on August 18, 1988 at Darteti village, about 27 miles from Falam town of Chin State, Myanmar. His father, Ro Pum Thang, is a headmaster of primary school and his mother, Za Kip Par, had only a few school education. His mother died when he was two and his grandmother from his father looked after him. He is the second child of his parents, and has two sisters and three brothers. He started his school education under his father's school at Hmawngkawn village, a remote village in the western part of Chin State, near the Mizoram State of India. After attending Kindergarten at Hmawngkawn village, his family transferred to Zahau Dihai village. He attended first standard at Zahau Dihai and, his family transferred to Darteti village, his birthplace. He finished his primary education at Darteti, and he joined the Basic Education Middle School, at Falam. After he had finished Middle School, his family transferred to Letpanchaung village of Kalay township, Sagaing Division, Myanmar. He passed matriculation at Letpanchaung village, from the sub High School of No.2 Basic Education of High School, Kalaymyo. After he had sit matriculation exam, his family transferred to Tahan-Kalaymyo, and he lives there until today. After he had passed matriculation, he cannot join university because of poverty. He worked as students guide at boarding schools and hostels for some time. In 2011, he went to Yangon and worked as the de facto editor of Thuthantu journal, a church based monthly journal. Later, he became managing editor and he handles it until today. From Yangon and Tahan-Kalaymyo he also worked as a freelance journalist for some Chin social media. Six years after he passed the matriculation, with the help of some close friends, in 2010, he joined university with English major and qualified for post-graduate degree. He is now attending post-graduate at Kalay University, Sagaing Division of Myanmar. Salai Siang Lian Uk Kianghrol also composed some songs and he is the composer of the proposed Chin national anthem: Ram ZalenChinram (Chinland, A Land of Freedom). He is also a singer at Klirlungz music band and literary club. He uses his nickname Salai Mhingte for his musical activities. Salai Siang Lian Uk Kianghrol's early life was filled with many difficulties. With the death of his mother, he suffered lack of vitamins and depression. Because of his father's illness which lasted about six years, the property of his family were gone when he attend the final year of Middle School. Because of poverty, he surrendered many of his ambitions. In the end of 2012, he survived the motor-bike accident in which his friend was died. His feelings about the difficulties he faced can be seen in many of his literary works. Writing Career Salai Siang Lian Uk Kianghrol began to write from his early age. He had already read hundreds of books at the age of 16. He had read the whole Bible at the age of twelve. The knowledge he got from his reading made him wrote many manuscripts. However his first printed work was only appeared in the December issue of Vankau Arsi magazine (2005). He used 'Kianghrol' (walking stick) as his pen-name and, later, used only Salai Siang LianUk Kianghrol for his literary career. From that time, he constantly wrote poems and articles for many magazines and journals of Chin language. He wrote for his people because of patriotism as there is usually no royalty fee for writers of Chin language. As Chin people in Myanmar are only about five lakh and, as there is no common language, the readers of Chin literature, who faces poverty the most in the undeveloped country, cannot support the writers and publishers. They write and publish books and writings only for they love their people, and want to develop them. In 2010, a group of friends called Klirlungz, in which Salai SiangLian Uk Kianghrol is involved from 2008, published Biazai Rianriam (A Study of Poetry).[ In 2012, Klirlungz released their second album DuhnakTiamthu (The Oath of Love) in which Salai Siang Lian Uk Kianghrol involved and sung three songs. Klirlungz's first album Phunhnam Duhdawttu (Patriot) was released in 2004 but Salai Siang Lian Uk Kianghrol did not involve]. BiazaiRianram became the literary turnpoint, especially poetry, of Chin Literature and, the first book to introduced western poetry to Chin people. In 2011, the Presbyterian Youth Joint Conference, Chin Synod, published Salai Siang Lian Uk Kianghrol's first book Calai Zirnak Hmaihruai (An Introduction to the Study of Literature). The book was the first book to introduce world literature and literary genres, styles, and techiques and so on, to Chin people. In 2013, SalaiMai Entertainment published Klirlungz's second book, Nau Umtu (Nurse), a collection of nursery rhymes. In 2014, The Chin Times USA published Salai Siang Lian Uk Kianghrol's second and major work Eden Zunzam: Sonnets from Chinland (The Attachment of Eden: Sonnets from Chinland). The book contains five sonnet sequences and a crown sonnet or sonnet corona, and an introduction to sonnet, as appendix. The first sonnet sequence, Eden Biathli (The Story of Eden), contains a sequence of 37 sonnets and is about his view about religion, education, and moral values. The second sonnet sequence, Eden Sunmang (The Dream of Eden), contains a sequence of 32 sonnets and is about his political views and his dreams for Chinland. The third sonnet sequence, Eden Hringnun (The Life of Eden), contains a sequence of 56 sonnets and is about his personal life, his boyhood life, his rural life, and about his fondness of Chin culture. The fourth sonnet sequence, Eden Lasi (Angel of Eden), contains a sequence of 43 sonnets and is about the beauty of a lady, and the sweetness of love. The fifth sonnet sequence, Eden Tahhla (Lamentation of Eden), also contains a sequence of 43 sonnets and it describes a lamentation of a broken-heart, and the sigh of an unlucky person. The crown sonnet illustrated the poet's dreams and love for his native Chinland. From 2012 he compiled a brief history of Chinese, Iranian, Greek, Italian, Arab, Hebrew and Latin literature. In 2014 he posted this literary history on hi his personal blog: Calai Deirel (The Literary Morning Star). He translated some world classic short stories and poems to Chin language. About his 400 writings, including articles, poems, and short stories had been printed in many magazines and journals of Chin language. He also has many other articles which are not printed yet, but are contributed to Chin online media such as Chinland Today (www.chinlandtoday.info) and Chin World (www.chinworld.info). About 400 of his articles can be seen on his personal blog, Calai Deirel (http://www.calaideirel.blogspot.com). References · Siang Lian Uk (Kianghrol), Eden Zunzam: Sonnets from Chinland, Tahan-Kalaymyo: Zolun Offset, 2014. · Kianghrol, Calai Zirnak Hmaihruai, Tahan-Kalaymyo: Zolun Computer and Desktop Publishing, 2011. · Klirlungz, Biazai Rianram, Tahan-Kalaymyo: Zolun Computer and Desktop Publishing, 2010. · Klirlungz, NauUmtu, Tahan-Kalaymyo: Zolun Offset, 2013. · www.chinlandtoday.info External links · http://www.calaideirel.blogspot.com · http://www.facebook.com/sianglianuk-kianghrol.html

29 October, 2013

Kurt Waldheim - United Nations ih Secretary-General Palinak

1 comment:

Blogroll

Blogger news