PATHIAN IH AW
(The Voice of God)
Mino pakhat hi Nilai zan Bible Zirnak ah a feh. Pastor in Pathian ih aw
ngai ding in, le A Thu thlun ding in a zirh hai. Mino cun a ngaihnak a
thei cuca lo, “Pathian in tuisan ah teh minung a be nawn ding mawsi?”
tiah a ringhlel deuh.
Bible Zirnak an ttheh hnu ah a rualpi tthenkhat thawn lakphak dawr ah an to ih khawfi le sang ei phah in Pastor ih thucah cu an relkhawm. Mi dangdang in Pathian ih anamah pakhat cio a kaihhruai hai dan cu a phunphun in an rel.
Mino cu nazi pahra hrawng ah tlung ding in mawttaw thawn a pok. A mawttaw sungih to phah in, “Pathian, tuisan ah minungpawl hnenah na ttong ttheu lai a si ahcun na thu ka thlun ding. A ttha theibik in na duhdan ka thlun ding,” tiah thla a cam. A inn lam pan in lamzinpi ih mawttaw a mawn lai ah cawhnawi kalan (gallon) khat lei ding ih cawlh ta ttul vekin a thinlung sungah a um.
Asinan thil mumal lo vekin a thei ih a lu thing phah in, “Pathian, nangmah mawsi?” tiah a thinlungte’n a sut. Sonnak zianghman a ngah lo ruangah inn lam pan cun a feh vivo. Asinan cawhnawi kalan khat lei cu ttul ta tho cun a thei sal. Mino cun Samuel in Patian ih aw a theihthiam lo dan, le Eli hnenih a va tlan ttheu thu kha a vun ruat. “A ttha e, Pathian, nangmah na si cek ding, cawhnawi cu ka lei mai ke,” a ti. Thlun ding harsa khal a si hran cuang lo. Cawhnawi cu ziangtik khal ih a lei thei mi a si cuh. Curuangah a mawttaw a dinter ih cawhnawi kalan khat a lei hnu ah an inn lam pan in a feh sal.
Lamzin Pasarihnak a thlen laifang ah, “Thlanglam ah kel aw,” ti ih fialtu nei vekin a thei lala. A va aathlak ve ti’n a ruat ih, kel cuang lo in a mawng lan. Asinan Lamzin Pasarihnak ihsin kel a ttul ti’n a thinlung ah a um hnget deuhdeuh. Curuangah a hmailam zinkel ihsin a kir sal ih Lamzin Pasarihnak ah a suk. Hnih-uak phah deuh in, “A ttha e, Pathian, ka tuah ko ding,” a ti phah.
Hlapi ah a feh vivo. Culaiah cawlh a ttul ti’n a ruat lala. A mawttaw a dinter ih kiangkap a zoh. Thilri zuarnak veng pakhat ah a rak thleng hi a si. Zan siim hnu ih thlennak ding tthabik a si cuang lo vek in, a sebik khal cu a si ce lo. Hnattuannak hmunpawl cu an khar thluh zo ih, mi tamsawn cu an it thluh zo a si hmang, an inn khal a thim reprep thluh zo. Culaiah, “Feh awla lamzin khatlam ih inn ahkhin cawhnawi kha va pe aw,” titu nei vekin a thei lala. Mino cun cui’ inn cu a zoh. A thim khepkhep zo ruangah, a sung ih um pawl cu an tlan zo asilole an it zo a bang.
Cui inn sangka cu on a tum lawk nan a kir sal ih mawttaw sungah a va to. “Bawipa, hivek cu a aathlak tuk e. An it zo ih, ka tthang hai ahcun mi-aa ah ka cang ding ual,” a ti phah. Asinan cawhnawi cu va pek ttul ta thotho in a thei lala fawn. A netnak ahcun mawttaw sangka cu a ong ih, “A ttha e, Pathian, nangmah na si ahcun an sangka va ong in cawhnawi ka va pe ding. Mi-aa vek ih canter i duh a si hman ah na thu cu ka thlun ko pei. Sangka dar ka hmeh awn ih zianghman in sawn lo a si ahcun ziangti ttha maw, ka kirsal men a si pei cu.”
Cutin lamzin cu a kan ih sangka dar cu a va hmet. Inn sung ihsin awn a um ti a vun thei. Pacang pakhat in, “Zo si ta? Ziang na duh?” tiah a rak auh. Mino cu tlan mai a tum lawk nan a tlan man hlan ah sangka a ong aw. Pacang cu jean bawngbi le T-shirt hruh a si. A ihnak ihsin a ra tho pekte a si hmang. A mithmai khal a danglam deuh ih, tuvek can ih mikhual an rat ruangah a lung a awi lo hmel deuh fawn. “Ziang si ta?” ti ih pacangpa in a ttong rual ah mino cun cawhnawi kalan cu a pek cih, “Himi hi, nan hrangah ka run lo pe,” a ti phah. Pacang cun cawhnawi cu a la ih innsung lam ah a vung tlan lohli.
Inn sung ihsin nunau pakhat a ra suak cih ih cawhnawi cu coka lam ah a keng. Pacang cun naute cawi phah in a dung a thlun. Naute cu a ttap rero. Pacang cu a mitthli a tla. Ttap phah in mino hnen ahcun, “Thla kan rak cam rero lai a si. Tui thla cu kan sumpai cemliam a luartuk ih paisa kan nei nawn lo. Naute khal cawhnawi kan leih thei nawn lo. Pathian hnenah cawhnawi ngah theidan ding in sim dingah thla ka rak cam rero lai silawm,” tiah a sim. A nupi khal in coka ihsin, “Pathian hnenah kan hnenih Vancungmi run thlah ding in ka dil. Vancungmi na si ding a,” tiah a rak ti.
Mino cun a paisabawm a la ih a sungih um mi paisa hmuahhmuah cu pacangpai’ hnen ah a pe. A mawttaw umnak lam ih a kir lai ahcun a biang ah mitthli an rung luang thla.
(from Christian Life Stories)
Bible Zirnak an ttheh hnu ah a rualpi tthenkhat thawn lakphak dawr ah an to ih khawfi le sang ei phah in Pastor ih thucah cu an relkhawm. Mi dangdang in Pathian ih anamah pakhat cio a kaihhruai hai dan cu a phunphun in an rel.
Mino cu nazi pahra hrawng ah tlung ding in mawttaw thawn a pok. A mawttaw sungih to phah in, “Pathian, tuisan ah minungpawl hnenah na ttong ttheu lai a si ahcun na thu ka thlun ding. A ttha theibik in na duhdan ka thlun ding,” tiah thla a cam. A inn lam pan in lamzinpi ih mawttaw a mawn lai ah cawhnawi kalan (gallon) khat lei ding ih cawlh ta ttul vekin a thinlung sungah a um.
Asinan thil mumal lo vekin a thei ih a lu thing phah in, “Pathian, nangmah mawsi?” tiah a thinlungte’n a sut. Sonnak zianghman a ngah lo ruangah inn lam pan cun a feh vivo. Asinan cawhnawi kalan khat lei cu ttul ta tho cun a thei sal. Mino cun Samuel in Patian ih aw a theihthiam lo dan, le Eli hnenih a va tlan ttheu thu kha a vun ruat. “A ttha e, Pathian, nangmah na si cek ding, cawhnawi cu ka lei mai ke,” a ti. Thlun ding harsa khal a si hran cuang lo. Cawhnawi cu ziangtik khal ih a lei thei mi a si cuh. Curuangah a mawttaw a dinter ih cawhnawi kalan khat a lei hnu ah an inn lam pan in a feh sal.
Lamzin Pasarihnak a thlen laifang ah, “Thlanglam ah kel aw,” ti ih fialtu nei vekin a thei lala. A va aathlak ve ti’n a ruat ih, kel cuang lo in a mawng lan. Asinan Lamzin Pasarihnak ihsin kel a ttul ti’n a thinlung ah a um hnget deuhdeuh. Curuangah a hmailam zinkel ihsin a kir sal ih Lamzin Pasarihnak ah a suk. Hnih-uak phah deuh in, “A ttha e, Pathian, ka tuah ko ding,” a ti phah.
Hlapi ah a feh vivo. Culaiah cawlh a ttul ti’n a ruat lala. A mawttaw a dinter ih kiangkap a zoh. Thilri zuarnak veng pakhat ah a rak thleng hi a si. Zan siim hnu ih thlennak ding tthabik a si cuang lo vek in, a sebik khal cu a si ce lo. Hnattuannak hmunpawl cu an khar thluh zo ih, mi tamsawn cu an it thluh zo a si hmang, an inn khal a thim reprep thluh zo. Culaiah, “Feh awla lamzin khatlam ih inn ahkhin cawhnawi kha va pe aw,” titu nei vekin a thei lala. Mino cun cui’ inn cu a zoh. A thim khepkhep zo ruangah, a sung ih um pawl cu an tlan zo asilole an it zo a bang.
Cui inn sangka cu on a tum lawk nan a kir sal ih mawttaw sungah a va to. “Bawipa, hivek cu a aathlak tuk e. An it zo ih, ka tthang hai ahcun mi-aa ah ka cang ding ual,” a ti phah. Asinan cawhnawi cu va pek ttul ta thotho in a thei lala fawn. A netnak ahcun mawttaw sangka cu a ong ih, “A ttha e, Pathian, nangmah na si ahcun an sangka va ong in cawhnawi ka va pe ding. Mi-aa vek ih canter i duh a si hman ah na thu cu ka thlun ko pei. Sangka dar ka hmeh awn ih zianghman in sawn lo a si ahcun ziangti ttha maw, ka kirsal men a si pei cu.”
Cutin lamzin cu a kan ih sangka dar cu a va hmet. Inn sung ihsin awn a um ti a vun thei. Pacang pakhat in, “Zo si ta? Ziang na duh?” tiah a rak auh. Mino cu tlan mai a tum lawk nan a tlan man hlan ah sangka a ong aw. Pacang cu jean bawngbi le T-shirt hruh a si. A ihnak ihsin a ra tho pekte a si hmang. A mithmai khal a danglam deuh ih, tuvek can ih mikhual an rat ruangah a lung a awi lo hmel deuh fawn. “Ziang si ta?” ti ih pacangpa in a ttong rual ah mino cun cawhnawi kalan cu a pek cih, “Himi hi, nan hrangah ka run lo pe,” a ti phah. Pacang cun cawhnawi cu a la ih innsung lam ah a vung tlan lohli.
Inn sung ihsin nunau pakhat a ra suak cih ih cawhnawi cu coka lam ah a keng. Pacang cun naute cawi phah in a dung a thlun. Naute cu a ttap rero. Pacang cu a mitthli a tla. Ttap phah in mino hnen ahcun, “Thla kan rak cam rero lai a si. Tui thla cu kan sumpai cemliam a luartuk ih paisa kan nei nawn lo. Naute khal cawhnawi kan leih thei nawn lo. Pathian hnenah cawhnawi ngah theidan ding in sim dingah thla ka rak cam rero lai silawm,” tiah a sim. A nupi khal in coka ihsin, “Pathian hnenah kan hnenih Vancungmi run thlah ding in ka dil. Vancungmi na si ding a,” tiah a rak ti.
Mino cun a paisabawm a la ih a sungih um mi paisa hmuahhmuah cu pacangpai’ hnen ah a pe. A mawttaw umnak lam ih a kir lai ahcun a biang ah mitthli an rung luang thla.
(from Christian Life Stories)
No comments:
Post a Comment