Beidong Hlah – Elvis Presley
Rock n Roll Siangpahrang Elvis Presley hi a nauhak lai ihsin sunmang tum zet neitu a si. Zaihla sak ih pumcawm thei ding ah zuam rero phah in, truck mawttaw a khal (drive). Cumi lai ah rei lo te hna a rak ttuanpi dah mi Ronnie Smith thawn an tong aw sal. Ronnie Smith cu kum 16 a si ah awnmawi thawn pumcawm theitu awnmawi band pakhat ah a tel zo.
Cumi laifang ah Ronnie Smith tei' band hotu Eddie Bond cu an band hrangah hlasaktu a hawl rero. Curuangah Ronnie Smith in Elvis Presley cu Eddie Band hnenah hmeltheihnak a tuah. Cutikah Elvis Presley cu zohfelnak ah tel ding in a sawm.
Zohfelnak cu Hi Hat timi club ah an tuah ih, Elvis Presley cun Eddie Bond ih ngai ding ah donsang par ihsin hla pahnih a sak. A sak thluh tikah Eddie cun Elvis cu, "Hlasakthiam a si dah zik lo," ti'n a hnong ih, truck mawttaw khal ih pumcawm maimai ding in a forhfial. Lehhnu ahcun Eddie cun Elvis hnong ding ah Hi Hat club in an dil tiah a sim sal.
Cumi hnu thla malte ah Elvis cun Sun Records hrangah "That's All Right" timi hla a thun ih, Memphis khawpi tlir dutdo ko in a lar. Cutikah Eddie Bond in an hnenih hla ra sak ding ah Elvis Presley va sawm sal ding in, Ronnie Smith a fial. Asinan Elvis Presley cun mawihmang zet in a rak el.
Hram: Unbelievable Facts – 15 Facts About Famous People That Will Inspire You To Never Give Up Hope!
19 September, 2016
Beidong Hlah - Elvis Presley
Subscribe to:
Post Comments (Atom)
No comments:
Post a Comment