Ka Lo Zoh Lo Si Hmang Na Ti Lai ah

Ka Lo Zoh Lo Si Hmang Na Ti Lai ah

Ka lo zoh lo si hmang na ti lai ah, phar parah ka suai mi zuk na tar ih, cutin zuk dang pakhat suai sal duhnak ka nei lohli.

Ka lo zoh lo si hmang na ti lai ah, zawhte vakvai rawl na pek lai ka hmu ih, rannung lainat hi a ttha timi ka zir ngah.

Ka lo zoh lo si hhmang na ti lai ah, ka duh bik mi sang i tuahsak lai ka hmu ih, thil fatakte hman hi hringnun ih thil hleice an si thei timi ka zir ngah.

Ka lo zoh lo si hmang na ti lai ah, thla na cam lai ka hmu ih, ziangtik khal ih ka biak thei mi Pathian a um ti ka thei ih, Pathian rinsan dan ding ka zir ngah.

Ka lo zoh lo si hmang na ti lai ah, rawl na tuah hnu ah a dam lo mi rualpi na va pek lai ka hmu ih, pakhat le pakhat ngaihsak aw cio ding kan si timi ka zir ngah.

Ka lo zoh lo si hmang na ti lai ah, mi anhai pawl hnenah na can le sumpai na pek lai ka hmu ih, a neitu in a neilotu pek hi a ttha timi ka zir ngah.

Ka lo zoh lo si hmang na ti lai ah, kan inn le a sung ih um mi hmuahhmuah na ngaihsak lai ka hmu ih, kan neih mi thil hi ngaihsak ding an si timi ka zir ngah.

Ka lo zoh lo si hmang na ti lai ah, na thin nuam lo lai hman ih na tuanvo pawl na ttuansuahzia ka hmu ih, ka hung pitlin tikah ttuanvo la theitu ka si ve a ttul timi ka zir ngah.

Ka lo zoh lo si hmang na ti lai ah, na mit ihsin mitthli an luan lai ka hmu ih, a cancan ahcun riahsiatnak in petu an um ttheu ih, cumi can ah ttah a ngah ko timi ka zir ngah.

Ka lo zoh lo si hmang na ti lai ah, i rak ngaihsak a si ti ka hmu ih, ka si thei mi hmuahhmuah si thei thluh ka duh phah. 

Ka lo zoh lo si hmang na ti lai ah, ka hung pitlin tikih mi ttha le tthahnem ka si theinak ding ah a ttul mi hringnun zirlai tamsawn ka rak zir ngah.

Ka lo zoh lo si hmang na ti lai ah, ka lo zoh ih, "Ka lo zoh lo si hmang na ti lai ih ka rak hmuh mi hmuahhmuah parah ka lungawi," ti ih lo sim ka duh.

Kanmah pakhat cio (nu le pa, pi le pu, nukhatta le pakhatta, ni le rang, zirhtu le rualpi) hin nauhak ih nun kan rak hliahkhuh.

Tuini ah mi pakhat ih nun ziangtin na zirh ve ding?

Ngantu,
Vei khat lai ih nauhak rak si dah.

Hmin theih lo.

http://www.agiftofinspiration.com.au/index.shtml