Zuamngamnak

Nun Tthansohnak (VI) 

Zuamngamnak

Tthal tir nikhaw nuam zet ni khat ah a si. Leidawm a tha mi hmuan pakhat ah thingkung ci pahnih cu artlang in an um tlang.

                       

Thingkung ci pakhat in hitin a ti.

           

“Thingkung si ka duh, hung thanglian in ka hrampawl hnuailam leilung thukpi sungah lutter ka duh, ka ziknopawl tlunlam leilung pahtlang in a leng ih va suak ka duh, ka parmum nem note ihsi hung pharhaw par-hlappawl cu thantar ah hmangin thal tir rak hmuak ka duh, ka mithmai parih ni tleu-zung  rung thleng khal ka rak dawngsawng duh, zingthlapit daifim daite pawl in ka par-hlap an theh khal ka duh,” tiah a ti.

                       

Cutin amai’ rel vek cun a thanglian vivo ta.

                       

A pahnihnak thingkung ci cun hitin a sim.

           

“Thingfa si dingih hung keuh cu ka ttih, ka hrampawl leilung sungih thul lut ding khal khawthimpi lak ah a si dingih ziang ka tong ding ti theih a si fawn lo, ka tlunlam leilung hak pahtlang ding khalin ka zik note pawl an ttet-tlek ding ka phang......ka parmum a par-parh zik lai ah kharkhem in i ei pang sehla teh, ka par suah hnu ah nauhak pakhat in i la hlo sehla teh ziangtin ka tuah ding, a si thei lo, ral a him ngah tiang hngak hrih a ttha sawn ding,”

                       

Cutin a hngak.

                       

Ni khat ahcun hmuan sungih rawl a hawl rero tu arpi pakhat cun leilung thai phah ih a tawihvahnak ah ral a him ngah tiang a rak hngaktu thingkung ci cu a hmu ih zamrang zetin a vun cuk ih a dawlh ta pan lo maw.

(Patty Hansen ih Risking - Chicken Soup for the Soul)