Calai Deirel: Biazai

Showing posts with label Biazai. Show all posts

09 January, 2024

Țah Hla

Thimkhawzing in a tuam Lai lungrawnte,

Zian rim le khu'n a khuh hlo, kan zautlang!

Va ai-awn an reh, puak awn hlir thang e.

Man sung hlei kan nun vuakvelh mi'h a cang.

Ral ti lian suar hamkha'n nunram a khei.

Van kan sang maw, vanduai hlei tesinfa!

Nunnak sungmuril tiang suntu ral fei

Reh law; cem seh, lung khei hlei tlei zuun hla!

San sia, se sawng sin ko a siatsuahtu

Ral siang-țial-li'n runthang dai maw a bah?

Pialrang thlen cu lo kan sempi' tla cu

Zalem rawn an thleng maw, tuar rual si hlah.

Ir-awm a sawh, țang sung a hnawh khat luar.

Țian kan siang hrih lo, kan lunglai a nuar.

15 September, 2016

Maw Mipa!

Paisa neih lo can ah,
Inn ah hanghnah hangrah hraw na ei;
Paisa neih can ah,
Cuvek hanghnah hangrah thotho kha rawl dawr cangkang ah na va ei.

Paisa neih lo can ah,
Thirleng na to;
Paisa neih can ah
Thirleng vek thotho 'sawizoiawknak cet' na to.

Paisa neih lo can ah,
Ei-in hlawh ding ah ke in na feh;
Paisa neih can ah,
Na thau ralter ding ah ke in na feh.

Maw mipa! Mah le mah bumawk hi
Na bansan thei dah lo!

Paisa neih lo can ah,
Nupi neih thei na beisei;
Paisa neih can ah,
Nupa tthenawk na beisei.

Paisa neih lo can ah,
Na nupi cu na sungttuan ah a cang;
Paisa neih can ah,
Na sungttuan cu na nupi ah a cang.

Paisa neih lo can ah,
Mi neinung vekin na umawter;
Paisa neih can ah,
Mi rethei vekin na umawter.

Maw mipa! Thudik tluangtlam hi
Na simsuak thei dah lo!

Share zuarmual (market) hi a ttha lo na ti,
Asinan na ngaihven ringring.

Sumpai hi thil siava a si na ti,
Asinan na khawlkhawm vivo.

Dinhmun sang neih cu um a har na ti,
Asinan ngah na duh ringring.

Thap-lehnak (gambling) le zu in hi a ttha lo na ti,
Asinan na hnawihnih ringring.

Maw mipa!
A rel mi kha a rel duh mi tak a si lo ih,
A rel duh mi tak kha a rel dah kel lo.

Hram: Man O Man – The Living Treasure

14 May, 2016

Tuini ah Pangpar pawl Ka Ngah

Tuini ah Pangpar pawl Ka Ngah

Tuini ah pangpar pawl ka ngah.
Ka suahcam le ni hleice cu a si hran lo.
Mizan ah nupa tawhawknak hmaisabik kan nei.
Ka ningnater zettu thil sualral tampi a ttong.
A ttong tum cia mi an si lo ih poi a ti ti khal ka thei.
Ziangahtile tuini ah pangpar pawl ka ngah.

Tuini ah pangpar pawl ka ngah.
Kan nupa kumcam le ni hleice cu a si hran lo.
Mizan ahkhan phar ah i tul pet ih, thawsam ko i rek.
Zanmang sia vek a si.
A taktak a si ding hi ka zum thei lo.
Tuizing cu taksa pumhlum hriamhma le durh na thawn ka hung tthangharh.
A riah a se ding ti ka theifiang.
Ziangahtile tuini ah pangpar pawl i kuat.

Tuini ah pangpar pawl ka ngah.
Nui' Ni le ni hleice cu a si hran lo.
Mizan ahkhan, i vaw lala.
Can dang hmuah hnakin a luar sawn fawn.
Anih ka tansan asile, ziang ka tuah ding?
Ka fanau pawl ziangtin ka zohkhen ding?
Sumpai lam teh ziangtin?
Amah ka ttih rual in, tansan ding ka hupphurh fawn.
Asinan a riah a se ding ti ka theifiang.
Ziangahtile tuini ah pangpar pawl i kuat.

Tuini ah pangpar pawl ka ngah.
Tuini hi ni hleice ngaingai a si.
Tuini hi ka ruak vui ni a si.
Mizan ahkhan, a netkhawt ah i that.
Thi ko in i thawi.

Amah tansan ding in
Huaisennak le thazang daihcang rak nei ngah sehla cun
Tuini ahhin pangpar pawl ka ngah lo ding.

#Ngantu theih lo mi "I got flowers today."

..............................

Himi bezai hi Innsang ih Sualhrimnak (Domestic Violence) tuar ruangih thitu pawl le tuar rerotu pawl hmuahhmuah hnenah hlan a si.

05 November, 2014

Roling Nun Bia

ROLING NUN BIA

Rindingh artlang bang nang le kei
Lung khat ttawmawk a rem lo maw!
Ttiannak nunthuleng cu rian ning;
Lung sung Lailungrawn cu a tthing.

Lung khat ttawmawk a rem lo maw!
Ttelh rem lo nang le kei' sunmang;
Lung sung Lailungrawn cu a tthing;
Awthlung a siat ttheh, kan biazai.

Ttelh rem lo nang le kei sunmang
Zuun in ka nitinbu a hrut;
Awthlung a siat ttheh kan biazai.
Zil hranh vutcam bang (in) ka ziamral.

Zuun in ka nitinbu a hrut,
Zanttim thim ah daite'n ka alh.
Zil hranh vutcam bang ka ziamral;
Nunthuleng ah ro kan ling maw!

Ttiannak nunthuleng cu rian ning,
Zanttim thim ah daite'n ka alh.
Rindingh artlang bang nang le kei
Nunthuleng ah ro kan ling maw!

04 November, 2014

Lolak (Zero)

LOLAK (Zero)

Ka palung ih nunkhua rel thei lo khin
Na duhnunnak sungah ka pil, Duhmi.
Ka rak duhdawkvenak lungput cem in
Na lungthin cu ka lungthin thar a si.

Ka hmuh, ka duh, ka ngaihdan an hlo fai;
Na hmuh, na duh, na ngaihdan in ka nung.
Lolak nambat men ah ka cang ngah ngai,
Ka hmai ah na din lawng ah ka man (a) khung.

I duh khal ah, i huat khal ah, ka hrang
Hril ding a um lo, 'lo duh' bak lo cu!

Thutiam

THUTIAM

Vawlei pumpi'n a lo phatsan khal ah

Na lam ka ttang, Duhmi, thinphang hram hlah;

Hnih-no tum sal hram aw, thawpi suah in,

Tlu lut ko aw, ka ttang nuam te ahhin.

Na retheihbik caan ih a lo bawmtu,

Na mualphobik caan ih na kiang'h dingtu,

Na lungngaibik caan ih a lo pomtu,

Si thei huamtu ka lungthin thutiam cu

Tlaihsan le zumngamnak famkim nei in

Zuang lut ko aw, ttang hlum runinn ahhin.

Thlahnak Thucah

THLAHNAK THUCAH

Ka tel lo ih nun cu hril in

Tiamthu na bawhcah tum khallen

Ka lo kham ngam lo, kei men hin;

Feh liam ko aw, thin hna ngam te'n.

Sihmanseh leitlun kan nun hi

A tlaitluan ih mithmai pantei'

Hmansuak ngah ngai a rak har si,

Ka lungthin a nuam thei lo, kei.

Na pan tum mi nunnak tlang sang,

Vansiat zatlak ton ding a tam;

Nun beidong ih na tthah ka phang;

Na retheih ding ka zaang a ram.

Naute bang lungthin thiang neitu,

Na hrang'h a hrokhrawl mi vawlei

A siakha luartuk ti'n ka hmu;

Theihthiam tum hram depde ral-fei.

Na hrang'h sunni tin thla ka cam;

A hlawhtling mi nun va nei hram.

Himi Te Lawng

HIMI TE LAWNG

Thil dang hmuah cu na duhdan in si seh;

Ka thih le ka nun ding khal hi na thu;

Tuah i fial mi hmuah in ka thlun tum ttheh;

Thlun rual lo ttong kam khat ti bak lo cu!

Thil dang ahcun na duh zulh kim ka huam;

Hmur no anka nunnak pumhlum uktu

Phang khat hrelh lo'n na duh kimter ka zuam;

Thlun rual lo ttong kam khat ti bak lo cu!

Kop dang na neih khallen na thu a si;

I huat, i hngilh duh hman ah nangmai' thu;

Ka el lo ding, na lungthin ih hril mi

Thlun rual lo ttong kam khat ti bak lo cu!

"I hua, i hngilh men aw," ti ttongkam hi

Ka lo thlun thei lo mi tak cu a si.

Ngantui' Thuhla

Salai Siang Lian Uk Kianghrol Introduction Salai Siang Lian Uk Kianghrol (born August 18, 1988) is a leading Chin (Falam) poet and literary contributor. In 2011 he published his first work Calai Zirnak Hmaihruai (An Introduction to the Study of Literature) and, in 2014 he published his second and major work Eden Zunzam: Sonnets from Chinland (The Attachment of Eden: Sonnets from Chinland) which contained over 200 sonnets and a crown sonnet. He also wrote a novel Khrih Riantu (A Man Who Serves Christ) which is not published but filmed, and some short stories and one-act plays, and contributed over 600 articles and poems without royalty fees. Life Salai Siang Lian Uk Kianghrol (born Biak Hming Siang LianUk) was born on August 18, 1988 at Darteti village, about 27 miles from Falam town of Chin State, Myanmar. His father, Ro Pum Thang, is a headmaster of primary school and his mother, Za Kip Par, had only a few school education. His mother died when he was two and his grandmother from his father looked after him. He is the second child of his parents, and has two sisters and three brothers. He started his school education under his father's school at Hmawngkawn village, a remote village in the western part of Chin State, near the Mizoram State of India. After attending Kindergarten at Hmawngkawn village, his family transferred to Zahau Dihai village. He attended first standard at Zahau Dihai and, his family transferred to Darteti village, his birthplace. He finished his primary education at Darteti, and he joined the Basic Education Middle School, at Falam. After he had finished Middle School, his family transferred to Letpanchaung village of Kalay township, Sagaing Division, Myanmar. He passed matriculation at Letpanchaung village, from the sub High School of No.2 Basic Education of High School, Kalaymyo. After he had sit matriculation exam, his family transferred to Tahan-Kalaymyo, and he lives there until today. After he had passed matriculation, he cannot join university because of poverty. He worked as students guide at boarding schools and hostels for some time. In 2011, he went to Yangon and worked as the de facto editor of Thuthantu journal, a church based monthly journal. Later, he became managing editor and he handles it until today. From Yangon and Tahan-Kalaymyo he also worked as a freelance journalist for some Chin social media. Six years after he passed the matriculation, with the help of some close friends, in 2010, he joined university with English major and qualified for post-graduate degree. He is now attending post-graduate at Kalay University, Sagaing Division of Myanmar. Salai Siang Lian Uk Kianghrol also composed some songs and he is the composer of the proposed Chin national anthem: Ram ZalenChinram (Chinland, A Land of Freedom). He is also a singer at Klirlungz music band and literary club. He uses his nickname Salai Mhingte for his musical activities. Salai Siang Lian Uk Kianghrol's early life was filled with many difficulties. With the death of his mother, he suffered lack of vitamins and depression. Because of his father's illness which lasted about six years, the property of his family were gone when he attend the final year of Middle School. Because of poverty, he surrendered many of his ambitions. In the end of 2012, he survived the motor-bike accident in which his friend was died. His feelings about the difficulties he faced can be seen in many of his literary works. Writing Career Salai Siang Lian Uk Kianghrol began to write from his early age. He had already read hundreds of books at the age of 16. He had read the whole Bible at the age of twelve. The knowledge he got from his reading made him wrote many manuscripts. However his first printed work was only appeared in the December issue of Vankau Arsi magazine (2005). He used 'Kianghrol' (walking stick) as his pen-name and, later, used only Salai Siang LianUk Kianghrol for his literary career. From that time, he constantly wrote poems and articles for many magazines and journals of Chin language. He wrote for his people because of patriotism as there is usually no royalty fee for writers of Chin language. As Chin people in Myanmar are only about five lakh and, as there is no common language, the readers of Chin literature, who faces poverty the most in the undeveloped country, cannot support the writers and publishers. They write and publish books and writings only for they love their people, and want to develop them. In 2010, a group of friends called Klirlungz, in which Salai SiangLian Uk Kianghrol is involved from 2008, published Biazai Rianriam (A Study of Poetry).[ In 2012, Klirlungz released their second album DuhnakTiamthu (The Oath of Love) in which Salai Siang Lian Uk Kianghrol involved and sung three songs. Klirlungz's first album Phunhnam Duhdawttu (Patriot) was released in 2004 but Salai Siang Lian Uk Kianghrol did not involve]. BiazaiRianram became the literary turnpoint, especially poetry, of Chin Literature and, the first book to introduced western poetry to Chin people. In 2011, the Presbyterian Youth Joint Conference, Chin Synod, published Salai Siang Lian Uk Kianghrol's first book Calai Zirnak Hmaihruai (An Introduction to the Study of Literature). The book was the first book to introduce world literature and literary genres, styles, and techiques and so on, to Chin people. In 2013, SalaiMai Entertainment published Klirlungz's second book, Nau Umtu (Nurse), a collection of nursery rhymes. In 2014, The Chin Times USA published Salai Siang Lian Uk Kianghrol's second and major work Eden Zunzam: Sonnets from Chinland (The Attachment of Eden: Sonnets from Chinland). The book contains five sonnet sequences and a crown sonnet or sonnet corona, and an introduction to sonnet, as appendix. The first sonnet sequence, Eden Biathli (The Story of Eden), contains a sequence of 37 sonnets and is about his view about religion, education, and moral values. The second sonnet sequence, Eden Sunmang (The Dream of Eden), contains a sequence of 32 sonnets and is about his political views and his dreams for Chinland. The third sonnet sequence, Eden Hringnun (The Life of Eden), contains a sequence of 56 sonnets and is about his personal life, his boyhood life, his rural life, and about his fondness of Chin culture. The fourth sonnet sequence, Eden Lasi (Angel of Eden), contains a sequence of 43 sonnets and is about the beauty of a lady, and the sweetness of love. The fifth sonnet sequence, Eden Tahhla (Lamentation of Eden), also contains a sequence of 43 sonnets and it describes a lamentation of a broken-heart, and the sigh of an unlucky person. The crown sonnet illustrated the poet's dreams and love for his native Chinland. From 2012 he compiled a brief history of Chinese, Iranian, Greek, Italian, Arab, Hebrew and Latin literature. In 2014 he posted this literary history on hi his personal blog: Calai Deirel (The Literary Morning Star). He translated some world classic short stories and poems to Chin language. About his 400 writings, including articles, poems, and short stories had been printed in many magazines and journals of Chin language. He also has many other articles which are not printed yet, but are contributed to Chin online media such as Chinland Today (www.chinlandtoday.info) and Chin World (www.chinworld.info). About 400 of his articles can be seen on his personal blog, Calai Deirel (http://www.calaideirel.blogspot.com). References · Siang Lian Uk (Kianghrol), Eden Zunzam: Sonnets from Chinland, Tahan-Kalaymyo: Zolun Offset, 2014. · Kianghrol, Calai Zirnak Hmaihruai, Tahan-Kalaymyo: Zolun Computer and Desktop Publishing, 2011. · Klirlungz, Biazai Rianram, Tahan-Kalaymyo: Zolun Computer and Desktop Publishing, 2010. · Klirlungz, NauUmtu, Tahan-Kalaymyo: Zolun Offset, 2013. · www.chinlandtoday.info External links · http://www.calaideirel.blogspot.com · http://www.facebook.com/sianglianuk-kianghrol.html

09 January, 2024

Țah Hla

15 September, 2016

Maw Mipa

14 May, 2016

Tuini ah Pangpar pawl Ka Ngah

05 November, 2014

Roling Nun Bia

ROLING NUN BIA

04 November, 2014

Lolak (Zero)

LOLAK (Zero)

Thutiam

THUTIAM

Thlahnak Thucah

THLAHNAK THUCAH

Himi Te Lawng

HIMI TE LAWNG

Blogroll

Blogger news