Calai Deirel: Cangantui' Nunthuanthu Tawi

04 May, 2018

Cangantui' Nunthuanthu Tawi

Salai Siang Lian Uk Kianghrol

Salai Siang Lian Uk Kianghrol (August 18, 1988 ih suak) cu Chin mino lakih calai hmaihruaitu, mi tampi in Chin Calai Siangpahrang tiah an kawh mi a si. Chin Information Center for Terminology (Chin Infoterm) dintu a si ih, tuini tiang ah Chin ttong ih leh a harsa mi ttongfang a thawng tel in Chin ttong zirhliahnak le sersuahnak hna an ttuan rero. Amahte’n cabu pali, rualpi thawn pahnih, zuknung ih can mi nunthuleng pakhat, can-khat thuanthucawn (one-act play), nunthuleng tawi (short story), fimthiamnak, tthansohnak, biazai, biaknaklam le cahram phunphun 1,200 lenglo nganzotu a si ih, Chin nunphung kilhimnak le miphun tthansohnak hrangah pawlkom, awnmawi, calai le fimthiamnak lam thawn nasate’n a rak zuamtu le zuam rero laitu a si.

Hringnun le Fimthiamnak
Salai Siang Lian Uk Kianghrol hi a suahkeh hmin cu Biak Hming Siang Lian Uk a si ih 1998 August 18 ah Chinram, Falam peng, Darteti khua ah a suak. A pa Pu Ro Pum Thang hi hramthok tlawng uktu a si ih, a nu cu Pi Za Kip Par a si. A nu in kum hnih a ti hlan ihsin a thih san ruangah, a pi le tui’ a nu a rung si mi, a nui’ nau Pi Ngun Thawng Tlem in an zohkhen. Unau pasarih lakah upa bik sangtu a si.

A pa tlawng saya a ttuannak Hmawngkawn khua ah tlawng a kai thok. Hmawngkawn hi Hualngo ram, Myanmar le Mizoram ramri kiangih um a si. Phun hrek a ttheh hnu ah Zo Dihai khua ah a pa a tthawn ih, Zo Dihai ah phun khat a kai. Phun khat a t theh in an khua Darteti ah an tthawn sal ih, phun li tiang a kai. Phun riat tiang Falam Lailak Tlawng (Bualrawn Tlawng) ih a kai hnu ah, Lairawn ih Letpanchaung khua ah an vai. Kum tampi sung a pa a dam lo ruangah an neih thilri zate’n a cem thluh ih, Falam ih an inn le lo pawl zuar thluh in an vaihnak san a si. Phun hra cu Letpanchaung sub High School ihsin 2004 kum ah a ong. Phun hra camibuai a phit ttheh ah an sungkua in Tahan ah an vai ih tuini tiang an um.

Phun hra a on hnu ah innsang retheihnak ruangah phunsangtlawng peh thei lo in boarding school dangdang ah guide a ttuan. 2011 ah Yangon ah a suk ih Bethel Theological Seminary ah um in, Independent Presbyterian Church of Myanmar ih thla tin suak journal Thuthantu ah zohfeltu a ttuan. Himi hnattuan hi kum 6 sung a ttuan peh.

Phun hra a on hnu kum ruk, 2010 ah rualpi ttha pawl ih somdawlnak thawn Distance Education in phunsangtlawng a peh. English major in Master kai thei ding ah a qualify. Mandalay Phunsangtlawng, Distance Education ih Kalay Branch ihsin English Major ah qualify theitu umsun a si. Kalay Phunsangtlawng ah Master of Arts in English Literature and Linguistics a zir peh ih 2018 kum ah a ttheh.

A master thesis cu “A Comparative Study of An English Elegy ‘The Going’ by Thomas Hardy and A Falam-Chin Elegy ‘Zalem Rawn Kai Ka Thai’ by JC Kipling” a si. M.A. thesis ih Chin bezai research tuah hmaisabiktu a si ih, Chin calai hi M.A. level tiang ah zir tlak a si timi a langter duh ruangah a ngan mi khal a si.

Tlawng a ttheh vete’n Bethel Theological Seminary le Tahan Theological College ih Liberal Arts Program, Bachelor of English Department ah lecturer ah an ruai cih ih, tuini tiang a ttuan peh.

February 15, 2018 ah Mai Ni Vel Thluai thawn an nei aw ih, an nupa in Tahan ah an um.

Awnmawi
Salai Siang Lian Uk hi a nauhak lai ihsin awnmawi ngaina mi a si. Phun hnih a kai ihsin ttingttang tum a thiam thok ih, a nauhak deuh lai ihsin a u Si Eng Zi Em Mawi (Zite) ih solo ah ttingttang a tum sak ttheu. 2007 kum ah Klirlungz Awnmawi Band le calai rualpiza pawlkom ah a lut ih Lairawn ih miphun engtaiawknak a nasat zet lai ah, mipi hmai ah mai’ miphun hlasak ih rak ttang nasatu a si. 2012 ih Klirlungz album pahnihnak “Duhnak Tiamthu” khal ah hlasaktu pakhat a si.

“Ziangkim Na Hrang” le “Lei Sen Lamzin” hla phuahtu a si ih, Chin Phunpi Hla si ding tumtah mi “Ram Zalen, Chinram” phuahtu khal a si. 2015 kum ah Salai Van Lal Hum in sumpai a thawh ih Klirlungz in an rak thun. 2015 kum ihsin FM Bagan Radio ih Chin Program cun miphun picang pawl tican vekin, program thoknak ah “Ram Zalen Chinram” hi an suah ta ringring. 2018 ah Chin Pawlpi USA ih somdawlnak thawn Central Chin Pawlpi Kalay in an tawlrel ih Falam Phunsang Tlawngta Pawlkom in an sak sal.

Awnmawi lam ih casiar tam a si ruangah, Chin hla suakthar pawl review ngansak rerotu khal a si.

Calai
Salai Siang Lian Uk Kianghrol hi a pai’ kaihhruainak ruangah a nauhak lai ihsin casiar paih zet mi a si. Kum 12 a si ah Bible bu pum in a siarsuak zo. Phun riat a si ah Kawl bezai kalhmang phunphun thawn bezai a phuah thiam zo. Ca tampi a rak ngan ttheu nan, mekazin ih a kuat hmaisabik mi cu 2005 kum, December thla ih suak Vankau Arsi mekazin ah a si. A cafung hmin ah Kianghrol ti lawng reipi sung a hmang. Asinan lehhnu ah a hmin ngai tel in Siang Lian Uk Kianghrol tiah a run hmang sal.

2010 kum ah Klirlungz in English biazai kalhmang thawn Chin biazai ngan dan zirnak cabu “Biazai Rianram” an rak suah ih, Chin calai khawvel ah nasa zet in hmual a nei mi cabu ah a rung cang. Chin Literature Forum, Lairawn khal in Book of the Year ah a rak hril. Himi cabu ih ca ngan tam bik cu Siang Lian Uk Kianghrol a si.

2011 ah Presbyterian Youth Joint Conference, Chin Synod, in Siang Lian Uk Kianghrol ih cabu hmaisabik Calai Zirnak Hmaihruai (An Introduction to the Study of Literature) an rak suah. Himi cabu hi Chin ttong ih calai (literature) zirnak cabu suak hmaisabik a si. Calai ih sullam, biazai (poetry), thuanthucawn (drama/play), nunthuleng (novel), nganca mawi (essay), calai fakselnak (literary criticism), calai theory (literary theory), nunthuanthu (biography) le thutluang ziarang (prose style) pawl zirnak le simfiangnak cabu a si. Chin ttong in phunsangtlawng ih ca zir a theih tikah phunsangtlang kutkaih ih hman theih ding tiang ih ruahman mi a si ruangah, mipi zaran hrangah theihthiam a harsa deuh ih, a siartu pawl in calai training pe ding ih amah kawh phahnak ah an hmang ttheu.

2012 kum ah Calai Deirel (The Literary Morning Star) timi bulpak blog www.calaideirel.blogspot.com a tuah ih, tuini tiang ah Chin calai blog lakih siartu tambik pakhat a si lai.

2013 kum ah SalaiMai Entertainment le Klirlungz ttangrual in “Nau Umtu” timi nauhak bezai le thuanthu bu an rak suah. Nauhak pawl in an duh zet ih, tthal can nauhak Chin ca zirnak khal ah hman ttheu mi a si.

2014 kum ah The Chin Times USA in Siang Lian Uk Kianghrol ih cabu pahnihnak “Eden Zunzam: Sonnets from Chinland” timi a rak suah. Himi cabu ahhin sonnet bezai fing 225 lenglo a tel. Leitlun level ah sonnet bezai sawmnga ngan cin hi calai misa (bezaipu) ah siar an si zo. Eden Zunzam ahhin sonnet sequence (bezai pehzom aw) panga le crown sonnet lole sonnet corona (bezai fing khat ih cemnak catlang kha, a neta bezai ih thoknak catlang ah hman peh vivo mi), sonnet simfiangnak le thupelhsah (appendix) pawl an tel.

Sonnet sequence hmaisabik Eden Biathli ah sonnet 37 a um ih biaknak, fimthiamnak, lungput le nuncan ziaza thuhla pawl an si. A pahnihnak Eden Sunmang ah sonnet 32 an um ih ramkhel a hmuh dan le Chinram hrangih a sunmang pawl tarlangnak an si. A pathumnak Eden Hringnun ah sonnet 56 an um ih a bulpak nun, Chinram khawte ih a tthanlennak thuhla le Chin nunphung a ngainatnak le sunlawihnak thuhla pawl an si. A palinak Eden Lasi ah sonnet 43 an um ih fala pakhat ih mawinak le duhdawtnak ih thlumzia pawl tarlangnak an si. A panganak Eden Tahhla ah sonnet 43 an um ih thinlung kekkuai au-aw le mi vandua pakhat ih aihramnak pawl an si. Crown sonnet ahcun Chinram a duhdawtnak le Chinram hrangih a sunmang pawl tarlang an si.

2012 ihsin Chin mino pawl in leitlun calai santhuanthu an theih ding ruahsannak thawn Chinese calai, Iran calai, Greek calai, Italian calai, Arab calai, Hebru calai le Latin calai santhuanthu pawl a ngan ih 2014 ah www.calaideirel.blogspot.com ah a thlah.

2016 kum ah Calai Somdawl Pawlkom (USA) in ramtawih thuanthu a leh mi “Milai Sa-ei Huk Awn” an suah. Mipi duh co zet cabu ah a cang ih, a suah mi cabu lakah zuar nuam bik a si.

2017 ah Peter Dainty ih ngan mi “The Love of A King” cu “Siangpahrang Pakhat ih Duhdawtnak” ti’n a let ih Salai Lal Din Pui in a suah sak.

Tlawngta zirhnak ih hman ding ah
(1) Introduction to English Linguistics,
(2) Introduction to English Morphology,
(3) Introduction to English Novels
    (Study Guide),
(4) Introduction to English Poetry,
(5) Introduction to Pragmatics,
(6) Introduction to English Short Stories tivek cabu pawl tla English in a ngan zo.

2018 kum ih suah ding mi cabu khal tawlrel rero lai an si.

A blog ih siar theih mi cahram cu a tlangpithu in a hnuailam vekin an si.

(1) Khrihfa hrangih thazang laknak ding
    cahram (188),

(2) Innsang nun hrang thazang laknak
    cahram (117),

(3) Nun tthansohnak hrang cahram (106),

(4) Nun beidong lo ding ih thapeknak
    cahram (275)

(5) Leitlun miphun tin ih thuanthu
    roling (89),

(6) Calailam cahram (25),

(7) Christmas Cahram (47),

(8) Mi ropi pawl ih nunthuanthu (79),

(9) Leitlun rotling nunthuleng
    tawi pawl (35),

(10) Kawl ih ngan mi cahram (12)

(11) Cowboy thuanthu (8),

(12) Duhdawtnak cahram (36),

(13) Fakselnak (5),

(14) Hringnun hrang Thazang laknak
      cahram (63),

(15) Santhanthu cahram sau (4),

(16) Thehfimnak/knowledge cahram (44),

(17) Thuanthu (41),

(18) Ttongphungphai/Linguistics
     cahram (12)

(19) Hnihsuak capoh caham peh (58)

Le awnmawi, harhdamnak, journalism, kum thar, memoir, nauhak calai, ni hleice, thuanthucawn, thucah tivek cahram phunphun khal an um.

Bezai hi fing 400 lenglo a ngan nan, a kutsuak lak ih a sunsak dan an danglam ruangah a bu ih a suah hlan ahcun mipi ih hmuh lo ih ret a duh mi an tam sawn an um ih, a blog ah bezai fing (10) lawng a ret hrih.

Chin ttong ih suak mi mekazin, journal le thuthangca phunphun ah ca tampi a ngan ih, tuini tiang ah sutsuah zo mi cahram 700 lenglo a nei zo. Kawl ttong khal in biaknak lam cahram 50 hrawng a rak ngan dah zo. Sutsuah hrih lo mi siseh, sutsuah zo mi tthenkhat siseh, amai bulpak blog ah zoh theih in a ret ringring fawn.

Chin ttong ih thuthang ngan lam ah mi tampi kaihruaitu le zirhtu a si ih, tuini tiang ah a ttul dan ih zir in thuthang phunphun a ngan ttheu. Chinland Today Media ah admin ttuan phah in, amai’ bulpak blog le Chin thuthang website pakua ih thuthang le cahram pawl offline ih siar theih ding ah Chin News Reader android application rak tuahtu khal a si.

Cangvaihnak Dang
Phun hra a on vete’n phunsangtlawng a kai peh lohli thei lo nan, tlawngta pawlkom ah phur zet in a tel ttheu. Lairawn Zirsang Pawlkom ah central EC rei nawn a ttuan dah.

A din mi Chin Information Center for Terminology (Chin Infoterm) in workshop ttum hnih an nei zo ih, rinsan mi upa le hruaitu dangdang pawl thawn Chin ttongfang hlun hawlsuahnak le ttongfang thar sersuahnak hna an ttuan. A hleice in Lairawn tualsung media in Chin Infoterm ih hmalaknak hi an lungkimpi zet ih, ttongfang tampi an hmang cih hai.

Cozah in phun hrek ihsin phun hnih tiang Chin ca zir ding an tuah ttum ah nasa zet in a rak ttangtu a si ih, tu ih hman mi tualleng tlawng casiar cabu ih bezai tam sawn cu amai phuah mi an si.

UNICEF le cozah ttang tlang ih tuah mi tualleng tlawng casiar cabu hrang khal ah workshop le seminar tampi ah a tel ih, Chin (Falam) tualleng tlawng casiar cabu tuahnak ah thazang le nganca tam zet a thawhtu a si.

Chin miphun lakih harsatnak tuartu pawl bomnak ah pawlkom dangdang thawn ttang tlang in a ttuan rero zo ih, a ttuan rero lai fawn.

Calai Somdawl Pawlkom (USA) le Klirlungz ttang tlang ih tuah mi ram sung Chin Casiar Zuamawknak le Cangan Zuamawknak ah hruaitu a si ih, mino pawl in calai an thawt vivo theinak ding ah calai lam kaihhruainak le zirhnak khal a tuah ringring.

Tu ahhin Central Chin Pawlpi Mino (Kalay) ih sungttuan a si.

Amah contact theihnak:
Contact-
kianghrol88@gmail.com
http://www.facebook.com/sianglianuk-kianghrol.html
Tel: 09253874070
6/10 Tahan Ward,
Kalay, Myanmar.

References
Siang Lian Uk (Kianghrol), Eden Zunzam: Sonnets from Chinland, Tahan-Kalaymyo: Zolun Offset, 2014.

Kianghrol, Calai Zirnak Hmaihruai, Tahan-Kalaymyo: Zolun Computer and Desktop Publishing, 2011.

Klirlungz, Biazai Rianram, Tahan-Kalaymyo: Zolun Computer and Desktop Publishing, 2010. ·

Klirlungz, NauUmtu, Tahan-Kalaymyo: Zolun Offset, 2013.

www.chinlandtoday.info

http://www.calaideirel.blogspot.com

A Comparative Study of An English Elegy “The Going” by Thomas Hardy and A Falam-Chin Elegy “Zalem Rawn Kai Ka Thai” by JC Kipling.

No comments:

Ngantui' Thuhla

Salai Siang Lian Uk Kianghrol Introduction Salai Siang Lian Uk Kianghrol (born August 18, 1988) is a leading Chin (Falam) poet and literary contributor. In 2011 he published his first work Calai Zirnak Hmaihruai (An Introduction to the Study of Literature) and, in 2014 he published his second and major work Eden Zunzam: Sonnets from Chinland (The Attachment of Eden: Sonnets from Chinland) which contained over 200 sonnets and a crown sonnet. He also wrote a novel Khrih Riantu (A Man Who Serves Christ) which is not published but filmed, and some short stories and one-act plays, and contributed over 600 articles and poems without royalty fees. Life Salai Siang Lian Uk Kianghrol (born Biak Hming Siang LianUk) was born on August 18, 1988 at Darteti village, about 27 miles from Falam town of Chin State, Myanmar. His father, Ro Pum Thang, is a headmaster of primary school and his mother, Za Kip Par, had only a few school education. His mother died when he was two and his grandmother from his father looked after him. He is the second child of his parents, and has two sisters and three brothers. He started his school education under his father's school at Hmawngkawn village, a remote village in the western part of Chin State, near the Mizoram State of India. After attending Kindergarten at Hmawngkawn village, his family transferred to Zahau Dihai village. He attended first standard at Zahau Dihai and, his family transferred to Darteti village, his birthplace. He finished his primary education at Darteti, and he joined the Basic Education Middle School, at Falam. After he had finished Middle School, his family transferred to Letpanchaung village of Kalay township, Sagaing Division, Myanmar. He passed matriculation at Letpanchaung village, from the sub High School of No.2 Basic Education of High School, Kalaymyo. After he had sit matriculation exam, his family transferred to Tahan-Kalaymyo, and he lives there until today. After he had passed matriculation, he cannot join university because of poverty. He worked as students guide at boarding schools and hostels for some time. In 2011, he went to Yangon and worked as the de facto editor of Thuthantu journal, a church based monthly journal. Later, he became managing editor and he handles it until today. From Yangon and Tahan-Kalaymyo he also worked as a freelance journalist for some Chin social media. Six years after he passed the matriculation, with the help of some close friends, in 2010, he joined university with English major and qualified for post-graduate degree. He is now attending post-graduate at Kalay University, Sagaing Division of Myanmar. Salai Siang Lian Uk Kianghrol also composed some songs and he is the composer of the proposed Chin national anthem: Ram ZalenChinram (Chinland, A Land of Freedom). He is also a singer at Klirlungz music band and literary club. He uses his nickname Salai Mhingte for his musical activities. Salai Siang Lian Uk Kianghrol's early life was filled with many difficulties. With the death of his mother, he suffered lack of vitamins and depression. Because of his father's illness which lasted about six years, the property of his family were gone when he attend the final year of Middle School. Because of poverty, he surrendered many of his ambitions. In the end of 2012, he survived the motor-bike accident in which his friend was died. His feelings about the difficulties he faced can be seen in many of his literary works. Writing Career Salai Siang Lian Uk Kianghrol began to write from his early age. He had already read hundreds of books at the age of 16. He had read the whole Bible at the age of twelve. The knowledge he got from his reading made him wrote many manuscripts. However his first printed work was only appeared in the December issue of Vankau Arsi magazine (2005). He used 'Kianghrol' (walking stick) as his pen-name and, later, used only Salai Siang LianUk Kianghrol for his literary career. From that time, he constantly wrote poems and articles for many magazines and journals of Chin language. He wrote for his people because of patriotism as there is usually no royalty fee for writers of Chin language. As Chin people in Myanmar are only about five lakh and, as there is no common language, the readers of Chin literature, who faces poverty the most in the undeveloped country, cannot support the writers and publishers. They write and publish books and writings only for they love their people, and want to develop them. In 2010, a group of friends called Klirlungz, in which Salai SiangLian Uk Kianghrol is involved from 2008, published Biazai Rianriam (A Study of Poetry).[ In 2012, Klirlungz released their second album DuhnakTiamthu (The Oath of Love) in which Salai Siang Lian Uk Kianghrol involved and sung three songs. Klirlungz's first album Phunhnam Duhdawttu (Patriot) was released in 2004 but Salai Siang Lian Uk Kianghrol did not involve]. BiazaiRianram became the literary turnpoint, especially poetry, of Chin Literature and, the first book to introduced western poetry to Chin people. In 2011, the Presbyterian Youth Joint Conference, Chin Synod, published Salai Siang Lian Uk Kianghrol's first book Calai Zirnak Hmaihruai (An Introduction to the Study of Literature). The book was the first book to introduce world literature and literary genres, styles, and techiques and so on, to Chin people. In 2013, SalaiMai Entertainment published Klirlungz's second book, Nau Umtu (Nurse), a collection of nursery rhymes. In 2014, The Chin Times USA published Salai Siang Lian Uk Kianghrol's second and major work Eden Zunzam: Sonnets from Chinland (The Attachment of Eden: Sonnets from Chinland). The book contains five sonnet sequences and a crown sonnet or sonnet corona, and an introduction to sonnet, as appendix. The first sonnet sequence, Eden Biathli (The Story of Eden), contains a sequence of 37 sonnets and is about his view about religion, education, and moral values. The second sonnet sequence, Eden Sunmang (The Dream of Eden), contains a sequence of 32 sonnets and is about his political views and his dreams for Chinland. The third sonnet sequence, Eden Hringnun (The Life of Eden), contains a sequence of 56 sonnets and is about his personal life, his boyhood life, his rural life, and about his fondness of Chin culture. The fourth sonnet sequence, Eden Lasi (Angel of Eden), contains a sequence of 43 sonnets and is about the beauty of a lady, and the sweetness of love. The fifth sonnet sequence, Eden Tahhla (Lamentation of Eden), also contains a sequence of 43 sonnets and it describes a lamentation of a broken-heart, and the sigh of an unlucky person. The crown sonnet illustrated the poet's dreams and love for his native Chinland. From 2012 he compiled a brief history of Chinese, Iranian, Greek, Italian, Arab, Hebrew and Latin literature. In 2014 he posted this literary history on hi his personal blog: Calai Deirel (The Literary Morning Star). He translated some world classic short stories and poems to Chin language. About his 400 writings, including articles, poems, and short stories had been printed in many magazines and journals of Chin language. He also has many other articles which are not printed yet, but are contributed to Chin online media such as Chinland Today (www.chinlandtoday.info) and Chin World (www.chinworld.info). About 400 of his articles can be seen on his personal blog, Calai Deirel (http://www.calaideirel.blogspot.com). References · Siang Lian Uk (Kianghrol), Eden Zunzam: Sonnets from Chinland, Tahan-Kalaymyo: Zolun Offset, 2014. · Kianghrol, Calai Zirnak Hmaihruai, Tahan-Kalaymyo: Zolun Computer and Desktop Publishing, 2011. · Klirlungz, Biazai Rianram, Tahan-Kalaymyo: Zolun Computer and Desktop Publishing, 2010. · Klirlungz, NauUmtu, Tahan-Kalaymyo: Zolun Offset, 2013. · www.chinlandtoday.info External links · http://www.calaideirel.blogspot.com · http://www.facebook.com/sianglianuk-kianghrol.html

04 May, 2018

Cangantui' Nunthuanthu Tawi

No comments:

Blogroll

Blogger news