Robert Mugabe ih Țongkam Maksak pawl

Robert Mugabe ih Țongkam Maksak pawl

Robert Mugabe hi Zimbabwe ram kum 37 uktu, British kut hnuai ihsin Zimbabwe zalennak ngah ding ih zuamnak hotu a si.

A tir ahcun zalennak hotu ti'n mipi duh a hlawh zet nan amah in lalnak a ngah ringring theinak ding ah ralkap thazang a hman ruangah leitlun mipi le Zimbabwe ram mipi țhenkhat cun uktu țha lo tiah an run hmu sal.

Amah hi țong hmui thiam zet, anmah rak uktu le an ram thi le thau rak ei thluhtu Britain ram le vun rang pawl hua zettu, sex bangrep neihakwknak hua zettu, Roman Catholic thluntu, le a lalnak midang kian tumlotu a si.

Tu khal ah a tar zo nan a nupi in a aiawh ih president dinhmun a run luahnak theinak ding ah, Vice president rak țuan ringringtu a banter ti ih an zum ruangah ralkap in cozah thuneihnak an laksak.

A țongkam ti ih an rel țheu țhenkhat cu amai' țong mi taktak si lo in an puh men mi an si ve. A hnuai ihta pawl khal ah, a hleice in a thoklam le nelam cu an puh mi țongkam an si.

1. Fala dum tuk neih cu a țha lo. Țhenawk hnu khal ah meihol hmuh cun kan mangsuak ringring. 😂😝

2. Fala pawl, nan tlangval in Nui' Ni ah "Lungawiza Nui' Ni" ti ih duhsaknak an lo hlan lo ahcun nan hnawi fawpter nawn hlah uh.

3. Nan hmel a siat cun nan hmel a sia a si ko. sunglam mawinak tivek rel ruri țheu hlah uh. mipa pawl hi sunglam mawinak hmu thei ding in x-ray thawn an vak lo.

4. Țhitum puai 100 lai feh zo cing in single na si lai ahcun mandat thawn danglamnak nan nei lo.

5. Khuaizu hi banhla hnak in a thlum sawn ti ih zawng a bum theitu cun Roman father hnen khal ah condom a zawrh thei ding.

6. Na nun ah thil a feh tluang thok tinte'n Satan in 'ngaizawng fala' timi a lo pe țheu. 💃

7. Duhdawt mi ka farnu pawl, ruah sur can lawng ih 'ka lo ngai' timi ca a lo kuat țheutu cu va zum hlah uh, thawng nan si lo kha. 🌂🌂

8. Minung 15 luan in nan hnawi an fawp zo ahcun 'ka hnawi' ti hlah uh, 'kan hnawi' ti uh. In cawng uh, 'KAN HNAWI'. 🍼🍼🍶

9. "Neihawk hlan ah sex hman lo ding," ti țongkam hi ka thei ringring. Cumi hi Pathian ih khawkhan dan a si ahcun nan țhitawk ni ah zahmawh nan ngah ding. 😁 💑

10. Mipa in fala hnawi an fawp hi cu thil pangai a si, nauhak lai ihsi an rak zir cia mi a si. Asinan nunau in mipa zahmawh an fawp hi cu i buaiter. Khuitawk in si an zir? 🤗🤠😁😁

11. Ngaizawng țawl neih hi a tha zet ko. A buaithlaknak cu a țang ih na beh tikah a hnakruh pawl in na biang ah Addidas tacik a umter țheu. 😝😝

12. Fa von nunau khi va țihzah aw, ziangahtile sex hmang zo ti langsar zet cing ih mipi hmai ih tlanlen hi thil ol a si lo. 😂😂

13. Tulai fala țhenkhat cu ke in nuamnaitei' minute nga feh hman an tlin lo. Cuti cing in an tlangval cu ihkhun ah nazi pahnih sung an cangvaih thei an beisei. Nan duhamnak level hi zarh khat crusade tuah tlak a si. 😂😝

14. Phun thum ka kai lai ih ka ngaizawng in thlalang tel mi cafung zumnak a leihtu mipa i kop san hnu cun nunau pawl hi ka zum nawn lo rengreng. ✍💃👯

15. Sumpai lam ih tla se fawn si in ihkhun parih zei tuk luarkai mipa thawi' kopawk tluk ih nunau thinlung hnokbuaiter theitu zianghman a um lo. 🛌🛏🛋💑

16. Thil buaithlak bik cu minute nga hman ke ih feh thei lo kum 24 mi nunau in kum 40 mipa kha ihkhun ah nazi pakhat sung daih ding ih a beisei mi khi a si. 😝

17. Mawinak nei si ih thluak nei lo nunau pawl, nan zahmawh in nan aat man a kuan tam bik ding. 😂

18. Nupi na nei zo nan tlawngta nunau pawl in an lo hip thei lai ti na hmuhawk ahcun, na nupi kha tlawng form leih mai aw. 😂😂

19. Ni khatkhat ah nunau ih bawngbite phelh ngah ding hi mipa hmuahhmuah ih sunmang a si. Asinan thil phonak hmun ih zar a si lo can ih phelh kha an beisei mi a si. 👙👙

20. Na towel kha a zate'n duat zet in hmang aw. Ziangahtile tuini ih na taw na hnulnak zawn thawn thaisun ah na hmai na hnul thei. 😝

21. Tui kan san ahcun ngaizawng pawl in an "bulpak thil" zalen zet in an thamsak aw huahho nan, an phone cu an thamsak aw lo, ziangahtile "bulpak thil" a si ruangah a si. 📲📱

22. Duhdawt mi fala pawl, zakhmul metnak nan lei thei hlan ahcun selfie stick cu lei duh hlah uh. 📷

23. Anmai laih lo mi khur hman nunau in an ui ahcun mipa cun an paisa thu ih an tirhfak khal hi a mawihmang ko, ziangahtile cumi paisa ngah ding ah nasa zet in an rak zuam. 😝😝

24. A cancan ah na nu kuat lo ih paisa na rak hman cemnak fala pawl vun zoh kir awla bum-atawknak "dawi" timi hi a um taktak ti na theifiang ding. 😂😂😝😝

25. President Barack Obama in ka ram (Zimbabwe) ah sex bang aw neihawknak sianter i duh. Curuangah amah ra sehla nupi ah ka rak țhi hmaisa ke. 😄

26. Setan hman kha pathai-nuthai (gay) a si lo, taklawng ih um veve ah Adam pan lo in Eve a pan. Sex bang aw neihawknak cu ka duh lo lawlaw.

27. Archbishop Tutu (Nobel Remdaihnak Laksawng ngahtu Desmond Tutu, Africa ih Christian sakhaw hotu bik) in nuthai-pathai (gay) si hi a țha a ti. Asinan amah cun nupi ah nunau a țhi. Nuthai-pathai si hi a țha a ti ahcun nupi ah mipa a neih ta a țul. Bible simfiang thiam lo ih bishop țuan hnak cun a simfiang thiamtu kha bishop țuanter ding a si. Kan nunphung hi kan kilkhawi ding ih sex bangrep neihawknak cu kan zawiawi lo ding. Kan miphun hi cithlah pungawk vivo kan duh ih cumi ding cun nunau an țul. Mipa le mipa, nunau le nunau in a ngah lo. John le John, a ngah lo. Maria le Maria, a ngah lo. Vok ka ret khawm ih vokpa hman in voknu a theithiam. 😂😂

27. Inn pakhat ah mipa pawl kum nga sung kharhkhum in, fa pahnih nei ih ra suak sal ding ah na fial ih, cumi an tuahsuak thei lo ahcun, an lu kan tan sak ding. 😁

28. Kei hi tui san ih Hitler ka si. Hitler cun tumtah mi pakhat lawng a nei: a mipi hrangah dikfelnak (justice), mahte ukawk pumhlum theinak (sovereignty), le an zalennak pompinak le an thazunghram pawl parih canvo (rights for their resources) ngah ding kha a si. Hitler cu cuvek a si ahcun kei cu Hitler let hra ka si ding. Cumi cu kan dinpi mi a si. -2003

29. Vei tam tuk ka thih zo ruangah Jesuh ka hleih. Anih cu vei khat lawng a thi.

(Mugabe hi huatu le that tumtu a ngah zet ih, a thi zo ti'n vei tampi thuthang a um țheu. Asinan tuini tiang a dam ih tu ah kum 93 a si.)

30. Pa ralțha timi cu sungdok cing ih voih thawh ngamtu khi a si. 😄

31. Kuak timi cu cahnah thawn zial mi kuhsi a si ih, khatlam zim ah meisa a um ih, khatlam zim ah mi-aa a um. 👹☠💀

32. Kan me a hloh cun, kan venghnentei' rawl hmeh cu me sa rim a nam duh țheu. 😂

33. Thlangta Africa rammi pawl cun a thi zo mi vun rang minung pakhat ih lem cu an sit tlu ngam nan, a nungdam lai mi cu vei khat hman an beng ngam lo. Cuti cing in vun dum minung pakhat cu an rammi a si lo ruangah lungto in an deng that ngam lala fawn.

(Thlangta Africa le Zimbabwe hi British colony an rak si veve. Thlangta Africa ah vun dum le vun rang thleidanawknak nasa zet a rak um ih mi tampi an thih phah. Nelson Mandela ih zuamnak ruangah vun dum pawl in milai canvo an ngah sal. Asinan Robert Mugabe, vun rang le Britain hua zettu cun, an nunkhawm dan cu vun dum hrangah tluktlanawknak a um taktak hrih lo ti'n a hmu ih, a zokzet țheu.)

34. Journalist: Sir, kum 89 hi president hnațuan ihsi cawlhnak ding ah kum ropi zet ti'n na ruat lo sawm?
Mugabe: Himi thusuhnak hi British Siangpahrangnu (Queen Eluzabeth II) teh na rak sut dah maw? Asilole cuvek tahfung cu African hruaitu pawl hrang lawng ih hman ding saw?

(1980 ihsin Zimbabwe ram a uk ih, zohman kian duh lo in kum sawmthum luan a uk ruangah kum 89 a si lai ah journalist in himi thu a sut mi a si. Amah hi tu ah kum 93 a si ih Queen Elizabeth II hi kum 91 a si.)

35. Thusuttu: Pu President, ziangtikah Zimbabwe ram mipi pawl na mangțha ding?
Mugabe: Khuiah si an feh zik? 😝😂

36. Ungti (coconut) a pum ih dawlh ngamtu cun a tawkua a rinsan taktak tinak a si. 😝

37. African pawl in an ngaihsak mi ralrin peknak cu LOW BATTERY timi lawng a si. 😂😂

38. Rinsan a tlak mi vun rang milai cu a thi mi vun rang milai lawng khi a si. 😁

39. Thing kawhra hnah thawi' tuah mi hnipuan na hruh ahcun, me cu rualpi ah na hril lo ding. 😂😂

40. Himi dinhmun ih i rettu cu Pathian a si ruangah, MDC (elkalh party) le British si lo in, Pathian lawng in i țumter sal thei. 2008

41. Sex bangrep neihawk duhtu pawl cu uico le vok hnakin an siava deuh. Thil atthlak a si. Hivek sualnak ruangah Pathian in leitlun a hrem rero. 😁

42. Mawțaw var pawl in tyre dum an hman sung, rong dum hi vansiatnak ah hmang in rong var cu remdaih hnangamnak ih an hman sung, mo puai fehnak ah hnipuan var hmang tahrat in ruak vuinak ih hnipuan dum an hruh sung, le leiba kuan hrihlotu pawl "whitelist" lo ih an "blacklist" sung ahcun phunhnam thleidanawknak hi a reh dah lo ding. Asinan tissue var ih ka taw ka hruk sung ahcun ka poisa ve lo. Himi pakhat lawng hin ka lung a kim tawk zo.

43. Nunau țhenkhat ih ke cu thuzilzuang (rumours) vek an si, an kak darh kau vivo. 😝😂

44. Fala thenkhat cu gym an thleng dah lo lawlaw nan an taksa a fit zet. Ziangahtile mipa pakhat hnu pakhat am dawithlun kual vivo. 💃💃

45. Biakinn ah feh lo in TV ih biakkhawmnak rak zohtu pawl kha, vanram taktak nan thleng lo ding, vanram nomzia TV ih zohter nan si ve ding. 😂😂

46. Mipi umkhawmnak hmun ih fala pawl thinlung a romantic theinak um sun cu ATM cet kiang lawng a si. 💷💵💴💶

47. Nunau na si ih mipa na tihzah lo ahcun, na naunu pawl ih pasal neih puai ah rawl na zem țheu ding. 🍞🍔🍖🍗

48. Fala cuh aw vek men ah sual aw hlah uh. Kan ram ah fala mawi an tam tuk. Fala nan hawl hmuh thei lo asile ka hnenah bomnak i ra dil uh. 😂😂

49. Pathian hi thil sersuah thiam bik a si. Mipa hnakruh a la ih loudspeaker a tuah. 😂😂

50. Nunau in thla khat vei khat thi neih hi a buaithlak an ti ahcun, mipa pawl hnenah mipi lak ih zahmawh khong control a harzia sut ta hai seh. 😝😝

51. Fala pawl nanmahte'n kilkhawi aw țha uh. Tlangval pakhat in nan taksa a cen ding, nan hmin a seter ding ih, fala dang mawi zet nupi ah a țhit ih tlun ah, a piangthar daih tla a si thei. Cu bet ah, nan hmin kha kawhhran mipi hmai ih nunphuannak (testimony) ah a rel leh bet thei. 😄😂😝😁

52. Mipa cun zun an thawh hnu ah ziangtluk in thing rero khal hai sehla, a for neta bik cu an bawngbite ah a thleng thotho. 😝😝

53. Hnam dang fala na hnam asile zei zet in hnam tum aw, ziangahtile khami can ciah ahcun kan miphunpi aiawhtu na si.

A țongkam dang khal fuh zetzet an tampi nan, Zimbabwe ram santhuanthu, Africa le Britain pehparawknak, Robert Mugabe ih thuhla le ramkhel a fehpi dan tivek theih cia lawng ah a tican theih an theih. Simfiangnak sau zet thawn ngan ciamco ahcun siar a nuam nawn lo ding ruangah kan duhtawk hrih pei.

Hnihsuak 3

1. Evangelist hminthang pakhat ih fapa in a pai' phone a tham ih facebook ah "sklmtbnvcxzw" timi a post pang. Minute panga hrawng a rei tikah "Amen" timi comment 1,000 lai a um man. :P

2. Cozah in fa panga nei innsang cu an thlahlawh 50% a pung ding ti'n a phuang. Innsangpa cun a nupi hnenah, "Duat, ka fala thawn fasawn pakhat kan nei. Ka va hruai ding ih, kan fa pali thawn kom in panga an si ding," a ti. A fasawn a ra hruai ih inn a thlen tikah, an inn ah a fa pakhat lawng a rak tang. A nupi a sut tikah a nupi cun, "Khami thuthang theitu kha nangmah lawng na si lo pi. Nauhak pathum cu an pa cio in an ra hruai ve a si kha," a ti. :D

3. Lai pacang pakhat hi London ah a feh ih hotel ah a riak. Hotel ahcun zinghnam a um ih a ngaih lo zet ruangah hotel hnattuantu a phone. Asinan Mirang in zinghnam ziangtin an ko ti a thei lo. Curuangah, "Hello, do you know Tom & Jerry? Jerry is troubling us," a ti. :P

4. Mi tthenkhat cu, thluak neih lo hi thihnak a si lo timi fiangtertu ding ah an nung ve maimai a rak si. :D

5. Tlangval: Ka nun pumhlum hi na hrangah hlan ka duh.
Fala: Sorry. Laksawng tenau tuk ka cohlang dah lo. :D

6. Ka rualpa hi a aa tuk, "Khasuan sen (onion) lawng hi mitthli tlater theitu ei-in a si," a ti. Curuangah fim deuh seh tiah ungti (coconut) in a hmai ah ka den fukfi. :P

7. Pathian in thil a ti sual dah lo ti hi ka rak zum ringring nan, na hmel ka hmuh hnu hi cun ka ringhlel zik zuakzo thlang si. :P

8. Thlalang hi ttong thei le hni thei si sehla cun, thlalang na zoh ngam ka zum lo. :P

9. Nangmah vek hmel nei ve sehla cu "Hi" ti'n mi ka be lo ding, "Bo.." ti'n ka be thok ttheu ding. :P

10. Thinlung sibawi: Na thluak a aa a si hi.
Mina: Natnak poimawh dang teh ka nei maw?
Thinlung sibawi: Nei e. Na hmel a sia. :P

11. "Ziangti'n hitawk ah na ra thleng? Ramsa hmuan kulhnak a siat mawsi?" :P

12. Mawinak hi tidai si sehla, na hmel hi cu nelrawn ramcar a si tengteng ding. :P

13. Mi tinkim hin hmelsiat theinak canvo an nei cio, asinan nang cun midang canvo tiangtiang na va nekrawk. :P

14. Pathian in fimnak ruahpi a run surter lai ahkhan nithawng na rak khum kherkher a si awm hi. :P

15. Zohman in na tuah mi an theihthiam lo ruangah zungthiam (artist) na si tinak a si mai lo. :D

16. Na hmel ka zoh hin, oxygen kan hawp tlang veve mi hman hi ka bei a dong zo. :P

17. Thuron pakhat lo pek ka duh nan, a hminsinnak ding thluak na nei fawn si lo ih, buaithlak nasa si a! :D

Hnihsuak 2

1. Fala: Ka hmel hi a sia maw a ttha?
Tlangval: A pahnih in a dik nasa.
Fala: Cucu ziangmaw a san?
Tlangval: Na se ttha nasa tinak.

2. Ka nupi in hla a sak tinte'n hmuan ah ka feh ih hna ka ttuan ttheu. Ziangahtile venghnen pawl in kan nupa kan to aw ti ih an ruat ding ka phang. :P

3. Rualpiza group photo lak ding ih camera an lo pek tikah an lakah na hmel a se bik ti theithiam mai aw. :D

4. Mithiam pawl in nunau pawl ih thuthup an thuh dan kalhmang an hmusuak. Nunau pawl cun thuthup cu minung sawmli hnen lawng ah an sim ttheu, sawmli luan sim lo ding in an thup ti a si.

5. Pakhat pa in, "Jesuh kha tidai parah a feh thei. Kei khal fanghma parah ka feh thei. Fanghma ih zatek 98 khi tidai a si. Curuangah kei khal zatek 98 cu Jesuh ka si ve," a hei ti cuh :P

6. Na ttah can ah mi tamsawn in an lo ngaihven lo. Na harsat can khal ah mi tamsawn in an lo ngaihven lo. Asinan mipi lakah voih thawh awla, ngaihven na hlawh nasa ding. A zirh duh mi: voih hi a poimawh :P

7. Nauhak hmuhdan: Papai' rel mi hnihsuak ah, nunu a hni kurko a si ahcun mikhual kan nei tinak a si. :D

8. Sibawi: Nu Kai, nan pa hi a nat a bese tuk. Curuangah ihhmuh sii ka lo pe ding.
Nu Kai: Sibawipa, ni khat ah vei ziat a ei ding?
Sibawi: Nangmai' ei ding sawn a si. Nan pa a ihthah theinak ding ah nangmah in ihhmuh sii na ei a ttul.

9. Ka fala thawn kan tthenawk hnu ah thil tampi an danglam zo. Tthimnak ah, ka hmin, ka address le ka phone number tivek. :P

10. Rualvah thum in nelrawn ramcar ah lasi an tong ih, lasi in thil pakhat cio dil theinak a pe. Pakhat cun inn ih thlen ka duh, a ti ih a thleng cih. A pahnihnak khal in inn ih thlen a dil ih a thleng cih ve. A pathumnak cun a vun ruat ih, "Nelrawn ramcar ih mahlawng um cu lung a leng emai, ka rualpi pahnih kha hitawk ah ra thlenter sal aw," a ti ih an ra thleng sal cih.

11. Innsangpa in thuphan rel can ah "Kiling" ti ih awn thei mi cet a lei. Siimlam ah a fapa a ra tlung ih, "Tlawng na kai ttha maw?" a ti.
Fapa: Kai ttha e.
Cet: Kiling.
Fapa: Si lo. Zuknung ka zoh.
Cet: Kiling.
Fapa: Rualpi thawn beer kan in.
Pa: Ziangtin e? Nangmai' kum rual ka si lai ah zu hi ka dai lo hrimhrim.
Cet: Kiling.
Nu: Hahaha.... na fapa rori a si kha.
Cet: Kiling. :P

12. Thil buaithlak zet cu, sungdok lai ih awmnat hi a si. Khuh zik tinte'n ralrin a ttul. :P

13. Haa Sibawi: Ka thih tikah ka thlan ah haa lem suaisak ka duh.
Lunglam Sibawi: Ka thih tikah ka thlan ah thinlung lem suaisak ka duh ve.
Zahmawh Sibawi: Kei cu ka ruak urter ih, a vutcam khal hlonhlo a ttha ding a si cu. :P

14. Kuva ei, kuak fawh le khaini hmawm tthat lo thu hi hmun tinkim ah siar ding a um. Curuangah thutluknak hnget zet ka tuah: CA KA SIAR NAWN LO DING. :P

15. Lakphak dawr ah Tuluk pa thawn kan tong aw ih, kungfu a thiam le thiam lo thu ka sut. Anih cun, "Tuluk ka si ruangahmaw cumi i sut?" i ti. Cutikah kei cun, "Si hlah e. Na in mi kha ka lakphak a si i," ka ti. :P

Hnihsuak

1. "Duat, ka lo kawk ringring nan, ziangtin daite'n na um thei ringring?"
"I kawk tinte'n ek-inn ka kholh ttheu ih ka thinheng a reh mai."
"A va mak ve."
"Mak hlah e, na haa rawtnak fung thawn si lawm ek-inn ka kholh ttheu." :P

2. Sibawi: Thil ttihnung na tuah dah maw?
Mina: Aw, vei hnihkhat cu kan nui' kawknak awkam ka sawn phahphah. :P

3. Ziangah Pathian in Eve hnakin Adam a tuah hmaisa? Eve tuah hmaisa sehla cun, Adam a tuah zik ah cutin khatin a ttha deuh, cuvek khavek in tuah hlah, ti ih thuron pe zutzotu a um ding ih, a nin-um ding ti a thei. :P

4. Duhdawtnak tel lo in nun a theih lo an timi hi a si ngai pei maw? Oxygen hi a thupi sawn ko lo maw? :D

5. Ka nupi in a sexy thei deuhnak ding thil lei i fial ruangah, ka in ding ah beer ka va lei. :P

6. Nupa tawhawknak ah nupi ih ttongkam netabik kha pasal in a sawn sal a si ahcun, tawhawknak dang a thok lala tinak a si. :P

7. Nunau pakhat in taklawng in bank pakhat a suam ih, zohman in a hmel an rak hminsin lo. :P

8. Ziangruangah nunau hi bawhlung sit paih an mal? Thuamhnaw bangrep ciahciah hruh paihtu nunau 11 hawl kim ding hi thil olsam a si lo. :D

9. Mipa hi ningzah kan nei zet. Tthimnak ah nunau pakhat hi bikini thawn um sehla, a lang mi a taksa zawn zoh lo in, hnipuan ih khuhnak zawn fatakte lawng kan zoh ttheu. :P

10. Sai (vui) pahnih in taklawng ih um mi pacang pakhat an tong. An feh liam hnu ah sai pakhat cun, "Khatluk ih fate thawn ziangtin rawl khopkham a ei thei ti hi ka ruatsuak thei lo riai si," a ti. :D

11. Thangpi in, "Beer ahhin nunau thisen a tel a si tengteng ding. Ka in tam deuh tinte'n nin-um khop in ka ttong a tam ih, mawttaw ka khal ttha thei dah lo rengreng," a ti si cu. :D

12. Milai sa-ei ramthim pacang pakhat kha khawmpi zawh ve ding in an sawm. Rualpi pakhat lawng na hruai thei an ti. Asinan minung pahra a rak hruai. Curuangah an kawk. Cutikah anih cun, "Rualpi pakhat lawng si lawm ka rak hruai. Nanmah in ei-in mahte tumawk ding nan ti ruangah rawl ka rak keng cih a si hi," a ti. Dik ve viau :P

13. Ka ihnak pindan ah awn-ai lo te'n na rung lut ziaro. Cule, taklawng ih rak it ka ruangpum cu dimdawihte'n na run dai. Cu thluh ah na duhbiknak zawn lam na pan hriahhro. Na duhbiknak hmun na thlen in i zuk thok. Maw nang, kawngsang sualral! :P

14. Google hi nunau maw mipa a si? Nunau a si. Ziangahtile thil pakhat na vun hawl tinte'n, "Na ngan mi hi hiti deuh in teh a si maw?" ti'n thuron a lo pe ringring ding. :P

15. "Ka pu, nazi 4:23 ih thleng ding mi tlangleng khelh ka duh ih, na loram hi hel lo in, a lai ihsin ka feh thei pei maw?"
"Aw, ngah e. Ka cawcang sualral na ton ngah phei ahcun nazi 4:11 tlangleng hman na khelh thei ding." :P