Tirhfak maw Tirhsiang?

Tirhfak maw Tirhsiang?

Bus ka hngah lai ah ka kiang ah ttong awn ka thei.

"Vur sang kha a man ziangzat?"

"Za nga"

"Cumi hnak ih man ol um lo maw?"

"Um e. Za thum man a um," vur sang zuartu nauhak pa te cun thin sau hmel lemlo in a sawn.

Vur sang leitu pa te ka zoh tikah kum 13 mi hrawng a si. Mi neinung innsang an si ding ti a theihtheih cih. Asinan a tirh a fak nasa a si ko ding. A man ol mi a sut rero cuh! Pehparawknak kan nei lo nan an kiangkap ihsin keimahte'n ka rak ruat rero.

Vur sang zuartu pa te cu mi siattha te an si ti a theihtheih. Tawkfang ah an thil leiawk ding cu a remcang. Nauhak pa te cun za thum man vur sang a la. Cu thluh in a zalte sungih tangka za nga ca a phorh. 

Cu thluh ah, "Himi za nga hi la aw. I khirh kir duh hlah. Kannih kan lek lai ah nang cu thil na zuar a ttul ih ka lo lainat. Kei cu ka ngah mi sang leinak ding paisa ka hman lo asile ka nu in i kawk ding. Curuangah a man ol mi ka lo leinak a si. Nang tla vur sang za hnih man asilole thil dang pakhatkhat lei in ei ve aw," a ti.

A tir ih ka rak ruah dan ruangah ka ning a zak deuh. Hlawmawknak le ttawmawknak timi khal ka thinlung in a vun theithiam; lainatnak timi khal tel in.

Credit: Nyein Lae