Kan Thuanthu
Anih hi cu thinlung takih ka duh ruangah a si ko
ding, kan tonawk vete'n a thinlung duhzawng theihthiampi ding ih zuam
duhnak thinlung ka nei cih.
A thinlung sung thuk ih um mi
saduhthah le sunmang pawl thei ding in nasate'n ka zuam. Asinan cumi cu
har ka ti lo. Nuam ka ti zet sawn.
Sunsun zanzan a hnenih um, amah thawi' pehtlaihawk ka duh ringring.
Asinan zalen deuh ih um a duh can ahcun ka thlah zalen. A duhdan vekih
umter lunglen can a um ruangah har ka ti nan, khatlam ahcun a
lungawitertu si hi nuam ka ti lala.
Cuvekin fel zet le thinlung pitling zet nei vekin ka thei aw ko nan, a ttang sung ka thlen cun zianghman theithiam hrih lo nauhak vek ah ka cang ringring lala fawn. Naute in a nu a duhdawt vekin mawlmang zet in ka duhdawt. Anih cu ka nun pumhlum in ka ngaina, ka ttul ih ka tlaihsan.
Ka theihawk man hlan ah ka nun in amah a mamawh thu, ka nun hrangah amah lawng rori ka ruahsan thu ka rak sim man ringring. Cumi rel cu nuam ka ti tuk ttheu.
Ziangahtile ka dam sung in a kiangah ka um ding, ka duhdawtnak cu kumkhua in a hmun ding timi ka sim can ah a thin a nuam ih a mithmai khal a hahdam.
Hmaisalam ahcun ka ttang ih ka pom can ah keimai' duhdan hlir in ka rak pom lawk. Asinan tui ttum thlatang zan khat ih amah in i pom hnu ah zir thar mi ka nei. Amah in pom a duhdan ka zir ngah. A taksa ziangtivek ih dai a duh, ziangvekih dom a duh ti zirnak ah ka hmang.
Cumi hnu cun a taksa hi ka tep ngah taktak in ka thei. A taksa rim thaw zet khal ka nun famkimtertu ah a cang. Famkimtertu a si ruangah a tel lo cun a famkim nawn lo.
Tu ahcun ka thisen khawh aw lak ahhin amah hi a tel thlang. Ka lungtur tinkim khal ah amah a tel ve. Nun kan ttawm aw, thaw kan hip tlang ih sunmang kan hlawm aw thlang.
Ziangahtile ka nupi a si tengteng a ttul ti ka theifiang zo. A mit ka zoh, a hmel ka hmuh tinte'n a rung piangsuak lai ding mi ka fanaupawl ka hmu tel ringring. Ka duhdawt ti men hman in a daih nawn lo ka ti duh.
Diriam duahdo ko ih pom hnget, dimdawih cing ih pom tarh ringring ka duh. A hrangah rin tlak mi si ka duh ih si thei ding khal ka tum hnget. Ka parih tthum aw pumhlumtu a si khal ka duh.
Ziangahtile i duattu le zohkhentu ding a si ve.
#Bryan Adams ih "Have You Ever Really Love A Woman?" hla thinlung tontuarnak thawi' ngankhawm mi a si.
Cuvekin fel zet le thinlung pitling zet nei vekin ka thei aw ko nan, a ttang sung ka thlen cun zianghman theithiam hrih lo nauhak vek ah ka cang ringring lala fawn. Naute in a nu a duhdawt vekin mawlmang zet in ka duhdawt. Anih cu ka nun pumhlum in ka ngaina, ka ttul ih ka tlaihsan.
Ka theihawk man hlan ah ka nun in amah a mamawh thu, ka nun hrangah amah lawng rori ka ruahsan thu ka rak sim man ringring. Cumi rel cu nuam ka ti tuk ttheu.
Ziangahtile ka dam sung in a kiangah ka um ding, ka duhdawtnak cu kumkhua in a hmun ding timi ka sim can ah a thin a nuam ih a mithmai khal a hahdam.
Hmaisalam ahcun ka ttang ih ka pom can ah keimai' duhdan hlir in ka rak pom lawk. Asinan tui ttum thlatang zan khat ih amah in i pom hnu ah zir thar mi ka nei. Amah in pom a duhdan ka zir ngah. A taksa ziangtivek ih dai a duh, ziangvekih dom a duh ti zirnak ah ka hmang.
Cumi hnu cun a taksa hi ka tep ngah taktak in ka thei. A taksa rim thaw zet khal ka nun famkimtertu ah a cang. Famkimtertu a si ruangah a tel lo cun a famkim nawn lo.
Tu ahcun ka thisen khawh aw lak ahhin amah hi a tel thlang. Ka lungtur tinkim khal ah amah a tel ve. Nun kan ttawm aw, thaw kan hip tlang ih sunmang kan hlawm aw thlang.
Ziangahtile ka nupi a si tengteng a ttul ti ka theifiang zo. A mit ka zoh, a hmel ka hmuh tinte'n a rung piangsuak lai ding mi ka fanaupawl ka hmu tel ringring. Ka duhdawt ti men hman in a daih nawn lo ka ti duh.
Diriam duahdo ko ih pom hnget, dimdawih cing ih pom tarh ringring ka duh. A hrangah rin tlak mi si ka duh ih si thei ding khal ka tum hnget. Ka parih tthum aw pumhlumtu a si khal ka duh.
Ziangahtile i duattu le zohkhentu ding a si ve.
#Bryan Adams ih "Have You Ever Really Love A Woman?" hla thinlung tontuarnak thawi' ngankhawm mi a si.
No comments:
Post a Comment