Bawipa ah Na Lungawi Aw
Hmailam ruahsannak tampi nei in tlawng akai rero. Asinan lamzin ih a feh lai ah lektthi tha cak zet ih zawh mi lektthik hri cat in a tlak ngah pang ih a thi.
Inn ih a um men lai ah khuitawk ihsin a ra ti theih lo mi cerek pakhat ruangah a nunnak a liam.
Hnattuan ihsin inn a ra thlennak a rei hrih lo. “Ka lu a na tuk, a na tuk!” tiah a au rero. Zato ah an fehpi nan a nun an run man nawn lo.
A harhdam zet ih khualtlawng ding in timlamnak a nei rero nan, tuizing ah a ihnak ihsin a tthangharh nawn lo.
Kum 19 lawng a si lai nan malaria ruangah a nunnak a liam.
A rawl ei mi ah tur a tel pang ih, siivai phunkim in an run tum nan a ngah nawn lo. Natnak nasa zet tuar in a thi.
A tha neih hmuahhmuah suah in naute a sang rero ih, naute cu nungdam in a suak nan, anih cu a fa ih hmel ziangtik hman ah a hmu ngah nawn lo ding.
Mutthai lei fial mi nauhakte cu lamzin ah mawttaw in a pah ngah pang ih a thi.
Ka ra tlun len thil tampi ka lo sum ding tiah innsang a sim cia nan, a hnattuannak cabuai ah rin lo pi’n a tlu thutthi ih a nunnak a liam ta.
Innsang zate’n nuam zet in hnihsuak an sai vialvo rero nan, sathaufar pakhat ruangah an inn a kang ih an zate’n an nunnak a liam.
Ram hrangah nasa zet in hna ka ttuan ding tiah ralkap a ttuan nan, ral an do hmaisabik ih bomb a pal ngah pang ruangah a nun a cem ta.
Hivek thilthleng hi tufang khal ah leitlun ah an um rero ih, an um rero lai fawn ding. Himi nganca siar thei dinhmun ih na din lai ahcun, na thi hrih lo tinak a si ih, Pathian hnenah lungawithu sim ding tampi na nei tinak a si.
Pathian thangtthat na cawlh can cu, na thihnak in hram a thlak thok can a si ve.
No comments:
Post a Comment