14 October, 2017

Ziang A Va Si Khalle

Ziang A Va Si Khalle

Himi nganca hi Mother Teresa in Culcutta khawpi ih a inn phar ah a tar mi a si. A ngantu hi Dr. Kent M. Keith a si.

Hivek lungput neitu lawng hin midang hrangah an nun an rak pe thei ding ti a fiang. Ka ruat tam sinsin le ka duh deuhdeuh. Siar ve hnik aw. 

Minung pawl hi talhton ih thuhla ruatnak cang thiam lo, sirhsan nei ih thil thlir thiam lo, le mai' hmakhua lawng sialtu an si.
Ziang a va si khalle, duhdawt thotho hai ko aw.

Thil ttha na tuah tikah, minung pawl cun nangmai' hmakhua sial thup duhnak na neih ruangah na tuah ti'n an lo rel se ding.
Ziang a va si khalle, thil ttha cu tuah thotho ko aw.

Mi hlawhtling na si ahcun, rualpi dik lo le doral taktak pawl na ngah ding.
Ziang a va si khalle, hlawhtlin cu tum thotho ko aw.

Tuini ih na tuah mi thil ttha cu thaisun ah hngilh a si ding.
Ziang a va si khalle, thil ttha cu tuah thotho ko aw.

Thinlung tlaitluannak le mi frank na sinak cu olsamte'n dotu le siatsuahtu a lo neitertu an si.
Ziang a va si khalle, tlaitluang in frank thotho ko aw.

Khawruahnak picang bik neitu mi picang bik pawl khal mi tenau bik le lungput fiak bik pawl in an kap that thei.
Ziang a va si khalle, picang zet in thu ruat thotho ko aw.

Kum tampi cem ih na dinsuah mi inn khal zan khat thilthu ah a siat thei.
Ziang a va si khalle, na inn cu dinsuak thotho ko aw.

Minung pawl hi bom an ttul taktak, asinan na bom tikah an lo dodal tla a si thei.
Ziang a va si khalle, bawm thotho hai ko aw.

Leitlun hrangah na neih mi ttha bik pe awla, anih cun na haa hmai a lo sirhbal sak ding.
Ziang a va si khalle, leitlun hrangah na neih mi ttha bik cu pe thotho ko aw.

Dr. Kent M. Keith ih "The Paradoxical Commandments."


No comments: