07 November, 2017

Bawhlung Sit ih Buainak

Bawhlung Sit ih Buainak

Bawhlung sit can ih buainak tuah ttheu pawl hi English cun "football hooligan" tiah an ko. Buainak tuah ttheutu pawl ih thuhla kha "Football Hooliganism" an ti.

Bawhlung sit lai ih buainak ah a langsar bik cu Heysel Buainak a si. 1985 May 29 ahkhan Belgium ram, Brussels khawpi ih Heysel Stadium ah Liverpool le Juventus cu European Cup final an sit. An sit hlan ah an team hnih in Heysel Stadium hi a ttha tawk lo, an saknak a rei tuk zo, tiah thuhla an theh lut nan committee in an thuhla theh luh mi a cohlang lo.

Bawhlung an sit lai ah fan veve karlak ah buainak a suak. Liverpool fan bur khat in Juventus fan bur khat tonak an va luhcilh. Juventus fan pawl sahimnak hawl ih an tlan lai ah stadium phardawl a cim ih Italy le Belgian miphun 39 an thi.

Himi ruangah UEFA cun England ram ih bawhlung club hmuahhmuah cu can bikhiah um lo in European bawhlung zuamawknak ih tel thei lo ding ah dan a tat. Neta ah dan a tat mi cu kum 5 sung ah a tthum sak ih, mawhphurtu bik Liverpool club cu kum 10 sung dan a tat. Asinan lehhnu ah Liverpool cu kum 6 lawng ah a tthum sak sal.

Himi ttum ah Liverpool fan tthenkhat cu Juventus fan pawl khal sualawknak ah an tel ih lungto in mi an deng, hriamhrei dang khal an hmang tiah an ti ve. Midang pawl cun timlamnak a ttha tawk lo, Belgian thuneitu pawl in mipi an kil neh lo, buainak kham thei ding in palik an tam tawk lo, tivek in an sim.

Ziang a va si khalle, himi ttum ih buainak ruangah tuini tiang ah Italy ram ahcun English bawhlung fan pawl cu mi ttihnung ti'n an hmu ringring lai. English bawhlung fan pawl beer an in khawm men mi siseh, mai' ttan mi club sunlawihnak hla an sak tivek men khal thil ttihnung ah an ruat ringring lai.

"Football Hooliganism" hi England ah a um hmaisa bik ti a si. Bawhlung sit rak sersuaktu an si rual in, thlirtu mipi ih buainak tuah hmang hmaisa bik khal an si. Asinan tui san ahcun England hnak in ram dangdang ah mipi buainak a tam sawn thlang.

Bawhlung fan ih buainak tuah hmang mi bur hi club tampi ih fan ah an tel ttheu. Cumi lak ah Manchester United fan lak ih Red Army le West Ham United fan lak ih Inter City Firm hi an rak lar zet dah (Buainak tuahtu mi bur khi English in 'Firm" tiah an ko). Asinan nasa zetzet ih dan tatnak, mipi ding ih zoh awi lo stadium, sualnak rak tuahzotu pawl a bur ih toter awilonak, CCTV hmang ih kilnak tivek pawl ruangah tu ahcun an cangvai thei tuk nawn lo. Ziangahtile buainak tuahtu kha kum tampi sung bawhlung sit zoh lo ding tivek in dan an tat ttheu. England ahcun buainak tuahtu mipi hi bawhlung sit thawn a pehpar mi hmuahhmuah ah tel thei lo ding in kum 10 tiang dan an tat thei.

Siar bet țul mi

1. https://www.google.com/url?q=https://en.m.wikipedia.org/wiki/Football_hooliganism_in_the_United_Kingdom&sa=U&ved=0ahUKEwih4Iqf0KbXAhWIJ5QKHfeOCa0QFggLMAA&usg=AOvVaw2AvmFVtE8LBXnBukXPAljF

2. https://www.google.com/url?q=https://en.m.wikipedia.org/wiki/Football_hooliganism&sa=U&ved=0ahUKEwih4Iqf0KbXAhWIJ5QKHfeOCa0QFggSMAE&usg=AOvVaw0JVOdbjjFqn2Yg95hptzGO

3. https://www.google.com/url?q=http://www.telegraph.co.uk/football/2017/06/06/england-fans-given-life-bans-fa-tougher-line-hooliganism/&sa=U&ved=0ahUKEwih4Iqf0KbXAhWIJ5QKHfeOCa0QFggUMAI&usg=AOvVaw0Nv6Q8iDBQWjxO3IawW3Lt

4. https://www.google.com/url?q=http://www.mirror.co.uk/news/uk-news/latest-banning-order-figures-reveal-9324163&sa=U&ved=0ahUKEwih4Iqf0KbXAhWIJ5QKHfeOCa0QFggXMAM&usg=AOvVaw3pqOuQ4ULvEhsTD_yrdb9v

5. https://www.google.com/url?q=http://www.dailymail.co.uk/news/article-4174908/Twelve-hooligans-BANNED-football-matches.html&sa=U&ved=0ahUKEwih4Iqf0KbXAhWIJ5QKHfeOCa0QFggdMAU&usg=AOvVaw1mzozK7e02IMBRehPlOfvk

6. https://www.google.com/url?q=http://home.bt.com/news/on-this-day/may-31-1985-english-football-teams-banned-from-europe-after-heysel-stadium-deaths-11363984048674&sa=U&ved=0ahUKEwih4Iqf0KbXAhWIJ5QKHfeOCa0QFgggMAY&usg=AOvVaw3N-K9Mw-JXJETyyBNIV8gm

7. https://www.google.com/url?q=https://en.m.wikipedia.org/wiki/List_of_hooligan_firms&sa=U&ved=0ahUKEwjpyov70KbXAhWHj5QKHbntBasQFggUMAI&usg=AOvVaw2voRLSE7iZGgfUyZuUkKDS

8. https://www.google.com/url?q=http://thefirms.co.uk/7-dangerous-british-hooligan-firms/&sa=U&ved=0ahUKEwjF2KCO0abXAhUCpJQKHeHJBloQFggRMAI&usg=AOvVaw0qFJjv1Vv7Sj_xQxshZFIU


No comments: