Ram Tangrual Pawlkom - United Nations Organization

Ramtamhuap Pawlkompawl

1. Ram Ttangrual (United Nations/UN)

(a) Dungkhar
            Din Ni                                                 -October 24, 1945
            Dintu Ram zat                                          -Ram 51
            Sungtel si dingih dilnak thehlut caan reibik    -China (Tuluk)
            (1950 ihsin dilnak a thehlut thok ih 1971 lawngah sungtel ah lakluh a si.)
            Tui caan sungtel ram zat                      - Ram 192
            Sungtel ram lut netabik                        - Montenegro
            Veto thuneihnak neitu rampawl          - USA, Britain, France, China, Russia
            Zung ~ongpawl                                  - English, France, Chinese, Spanish, Arabic
            Myanmar sungtel a luh ni                    - April 19, 1948 (ram 58-nak)
 

(b) Dinnak San
(i) Leitlun remdaihnak le himdamnak `unghmun ding ih kilkhawi ding in le, do-ramh-awknakpawl cingfel tlang ding in;
(ii) Leitlun remdaihnak a `hansoh-hngelhngeh theinak dingah ram pakhat le pakhat ong aw le nel aw zetih pehtlaih aw thei ding in;
(iii) Ramtamhuap sumtuahnak lam le zatlanglam thubuaipawl cinfelnak ah siseh, milai canvo dinhmun `hangso-kaisang vivo dingih tuah`uannak ah siseh, mipa, nunau, miphun, `ong, sakhuanak tivek thleidannak um lo ih bangranawk theinak ding in;
(iv) A tlun ih tumtahmipawl thlengkim ding in rampawl in an zuamnakpawl an kekar dan a rualtheinak ding ah zatehuap pawlkom pakhat si thei ding in.
 

(c) Ram ~angrual Tiamkamca ih Thuhla Bulhrampipawl
(i) Ralbuainak cakkhai ihsi humhim aw ding in,
(ii) Mipa le nunau ti um lo, ram picang le ram tenau ti um lo in milai canvo bulhram pawl le a tluktlang aw mi canvopawl an neih mi ngaihlu ding in,
(iii) Zatlannaklam dinhmun sang vivo ding ih tha pe ding in,
(iv) Leitlun remdaihnak le himdamnak `unghmun ding ih kilkhawi ding in,
(v) Mitin in hlawknak an ngahtheinak ding ah ramkiphuap pawlkompawl dinsuak ding in.
 

(d) Ram ~angrual ih Daan Bulhrampawl
(i) Sungtel ram zate in thuneihnak hrampi neitu ram an si hai ih, an dinhmun a bangrep thluh.
(ii) Sungtel ram hmuahhmuah in Tiamkamca sungih telmi thutiampawl rinumte’n thlun ding a si.
(iii) Rampawl in anmah ih danglamnak um mi pawl kha remdaihnak a um mi kalhmang thawi’ cingfel ding in an zuam ding a si.
(iv) Ram ~angrual Pawlkom cun ziang mi ram ih ramsung thuhla hman ah a va hrolhlut aw                   ding a si lo.
(v) Rampawl in Ram ~angrual Pawlkom bombawi ding in an zuam pei.
 

(e) Pawlkom ih Sutpipawl
(i) Huapkip Tonkhawmpi (General Assembly)
(ii) Humhual Khonsil (Security Council)
(iii) Ramtamhuap Thu`hen Zung (International Court of Justice)
(iv) Kilkhawinak Khonsil (Trusteeship Council)
(v) Sung`uan Zung (The Secretariat)
(vi) Sumtuahlam le Zatlanlam Khonsil (Economic and Social Council)
 

(f) Sung`uan-Huapkip (Secretary- General) ~uantupawl
            Hmin                         Ram               ~uancam
(i) Trygve Lie                          Norway           February, 1946 ihsin November, 1952
(ii) Hammarskjold                   Sweden           April, 1953 ihsin September, 1961
(iii) U Thant                            Myanmar         November 1961 ihsin December, 1971
(iv) Kurt Josef Waldheim        Austria             January 1972 ihsin December, 1981
(v) Perez de Cuellar                 Peru                 January, 1982 ihsin December 1991
(vi) Boutros Boutros-Ghali      Egypt               January, 1992 ihsin December, 1996
(vii) Kofi Annan                      Ghana              January, 1997 ihsin December, 2006
(viii) Ban Ki Mon                    S. Korea          January, 2007 ihsin Tuini tiang
 

(g) Ram ~angrual ih Rolung Kumsawmbipawl
1975-1985       Minu Canvo lam Kumsawmbi
1985-1994      Asia le Pacific Hmunram Thiar`hawnawknak le Pehtlaihnaklam Kumsawmbi
1988-1997      Leitlun Nunphun ~hansohnaklam Kumsawmbi
1990-2000      Ramtinhuap Colony Cindan ~hiathlohlam Kumsawmbi
1990-2000      Ramkiphuap Daanlam Kumsawmbi
1990-2000      Ralthuam ~hiathlohnaklam Kumsawmbi Pathumnak
1990-2000      Africa Cetlam ~hansohnak Kumsawmbi Pahnihnak
1990-2000      Ramkiphuap Khuarel Cakkhaipawl Malternak Kumsawmbi
1991-2000      Africa Thiar`hawn-pehtlaihawknaklam Kumsawmbi Pahnihnak
1991-2000       Ram ~angrual ~hansohnak Kumsawmbi Palinak
1991-2000       Rittheihthil Hmanpengnak Do-cimihlam Kumsawmbi
1995-2005       Ram ~angrual ih Milai Canvolam Zirhawknak Kumsawmbi
 

(h) Ram ~angrual ih Ni Thupi le Zarh Thupi Pawl
March              8          Ramtinhuap Minupawl Ni
March              21        Ramtinhuap Vun rong dang Miphun  Thleidanawk Rehternak Ni
March              23        Leitlun Nikhaw Ni
April                7          Leitlunhuap Harhdamnak Ni
May                 3          Leitlunhuap Ca lam Zalennak Ni
May                 15        Ramtamhuap Innsang Ni
May                 17        Leitlunhuap Pehtlaihawknaklam Ni
May                 31        Leitlunhuap Kuak Hrial Ni
June                 4          Ramtamhuap Nauhak Zohsiat-serhsat Rehternak Ni
June                 5          Leitlunhuap Kiangkap Kilkhawi Ni
June                 26        RamtamhuapRittheihthil Hmanpengnak le Dankalh Zuarnak Cimihter Ni
July                  11        Leitlunhuap Mipum Ni
September       8          Ramtamhuap Siarnganthiamnak Ni
October           1          Ramtamhuap Kumtarpawl Ni
October           5          Leitlunhuap Zirhtupawl Ni
October           9          Leitlunhuap Carek Ni
October           13        Ramtamhuap Khuarel Cakkhai ~humsuknak Ni
October           16        Leitlunhuap Tirawl Ni
October           24        Ram ~angrual Ni
November       20        Africa Cetlam Dinsuah Ni
December        1          Leitlunhuap AIDS Do Ni
December        3          Ramtamhuap Kuttualleisampawl Ni
December        5          Ramtamhuap Zatlang Cawisannak Tlawmngai Suahtupawl Ni
December        10        Ramtamhuap Milai Canvo Ni
 

2. Ram ~angrual Kuthnuai ih um mi Pawlkompawl
 

A. ~hansohnaklam le Siahrelh-sumlam Pawlkompawl
 

(i) Ram ~angrual Himhawltupawl hrang Mangki Bawipi Zung (United Nations High Commissioner for Refugees/UNHCR)
            #Leitlun hmunkip ih himhawltu miharsapawl hrangih thil `ul bulhram pi pawl tawlrelsaktu le bawmtu ding ih dinmi a si. Zunghrampi umnak Switzerland, Geneva.
           
(ii) Ram ~angrual Ramtamhuap Nauhakpawl hrang Siahrelhsumlam Pawlkom (United Nations International Children Emergency Fund/ UNICEF)
            # Ram `hangso lai pawl ih nu le nauhakpawl `hansoh-harhdamnak hrang bawmtu ding ih dinmi a si. Zunghrampi cu USA ih New York ah a um.
 

(iii) Ram ~angrual ~hansohnaklam Duanruahmannak (United Nations Development Programme/ UNDP)
            # Bulpak pakhat cio sumlut a malmi rampawl hrangih a `ulsammi sumtuah lam, zatlannak lam sumhram le thil `ul bulhrampawl bom ding a tumtah.
 

(iv) Ram ~angrual Sumdawnnak & ~hansohnaklam Tonkhawmpi (United Nations Conference on Trade & Development/ UNCTAD)
            # A bang aw lo mi zatlang nundan le sumtuahdan kalhmangpawl karlak ih leitlunhuap sumdawnnak khaiso ding in, kilkip sumdawntonawknak lam lungkimnak tuah thei ding ih relrem ton sak ding in, hmunramhuap sumtuahnak lam pawlkompawl le cozahpawl karak ah sumdawnnak le `hansohnak fehpidan a bangrep theinak dingih relkhawmnak thawi' hna`uan tlang ding in tumtahnak a nei. Zung bulhram cu Switzerland ram, Geneva khawpi ah a um.
 

(v) Ram ~angrual Ramtamhuap Rit-theih-thil Herhawinaklam Ruahmannak (United Nations International Drug Control Programme  UNDCP)
            # Ramtamhuap rit-theih-thil herhawinak ih hmaihruai ding in, rit-theih-thil hmannak le zuarleinak dinhmun zoihnitnak tuah ding, rit-theih-thil herhawinaklam lungrualnak hrang lungkimcapawl cangsuak thei dingih normawhnak tuah ding in, tumtahnak a nei. Zung bulhram cu Austria ram, Viena khawpi ah a um.
 

(vi) Leitlun Ei-in Ruahmannak (World Food Programme- WFP)
            # Cakkhai dinhmun a tongtu hmunrampawl le khuarellam siatralnak (natural disaster) a tuartu hmunrampawl runsuahnak lam le bombawinaklam `uanrianpawl nasa sinsin ih `uansuah theinak hrang tumtah ih dinsuah mi pawlkom a si. Zung bulhram cu Italy ram, Rome khawpi ah a um.
 

(vii) Ram ~angrual Mipum hrang Siahrelhsum (United Nations Fund for Population-UNFPA)
            #United Nations Fund for Population Activities ti khal in theih a si. UNDP hnuai ih a um mi pawlkom a si. 1969 kum ih din mi a si. Innsang khawkhannak (family planning), nupawl nun himnak hrang, le nupasinak hman ruangih a kai aw thei mi natnakpawl khamnak tivek harhdamnak lam hrang bombawitu ding ih din a si. Ram `hangso lai le `hangso zo pawl ih mipum tam-le-mal buainak um mi pawl thuhla cinfel bawm, mipa le nunak karlak fimthiamnak thlauthlakawknak tivek um mi reh ding ih tawlrel ding (minu canvo khaisannak lam) tivekpawl khal a tumtah fawn.
 

(viii) Ram ~angrual Nunaupawl hrang Siahrelhsum (United Nations Development Fund for Women – UNIFEM)
 

B. Hliakhlainak le Zircinh-nak lam Pawlkawm
 

(1)  Ram ~angrual Zircinh-nak le Hliakhlainak Zirthlurhtlawng (United Nations Training & Research Institute - UNITAR)
Ram `angrual pawlkom ih hna`uan a sawt theinak ding ah ramtamhuap hna`uantupawl le palaipawl a `ul mi zircinh-nak petu pawlkom a si. Zung umnak cu Switzerland ram, Geneva khawpi ah a si.
 

C. Pehzom Pawlkompawl
 

(1) Leitlun Sumdawn Pawlpi (World Trade Organization - WTO)
Ramtamhuap sumdawnnak a herhawitu pawlkom pi a si. Sumdawnnak lam lungkimtlangnak le lungkimcapawl a tawlrel sak. Sungtel rampawl ih sumdawnnak lam `uanreldanpawl le cazinpawl a zohfel sak. Sumdawnnak lam elbuaiawknakpawl a cinfel sak. Zung `humawknak hmun cu Switzerland ram, Geneva khawpi a si.
 

(2) Ramtamhuap Atomic Thahram Agency (International Atomic Energy Agency - IAEA)
Atomic thahram remdaihnak lam ih hmang ding in le minung himnak siatsuah lo ding ih kilkhawi ding ah dinsuah mi pawlkom a si. Zung `humawknak cu Austria ram, Viena khawpi a si.
 

(3) Leitlun Nikhaw Pawlpi (World Meteorological Organization - WMO)
Leitlun pumpi ih nikhaw umtudan zohfelnak hna`uan lam `hangsoter ding in le, nikhua ruangih a thleng thei mi siatralnakpawl hrangah damkhan ih rak ralring thei dingin sungtel rampawl pakhat le pakhat bawm aw ton ding in dinsuah mi a si. Zung `humawknak hmun cu Switzerland ram, Geneva khawpi a si.
 

(4) Leitlun Fimvarnak Neihthillam Pawlpi (World Intellectual Property Organization - WIPO)
Fimvarnak hmangih polsuah mi khawruahnakpawl le thil thar pawl ru tahrat in ram dangdang ih sumhawltupawl dawnkham thei ding in, fimvarnak neihthilpawl (intellectual properties) kha ramtamhuap daan hmang ih kilkhawi thei ding ih dinsuah mi a si. Zung `humawknak hmun cu Switzerland ram, Geneva khawpi a si.
 

D. Pawlkom Hleice Pawl
 

(1) Leitlun Harhdamnak Pawlpi (World Health Organization - WHO)
Leitlun ram tin ih minung harhdamnak dinhmun pawl a `habik dinhmun tiang ih hlangkai ding ah dinsuah mi a si. Zung `humawknak hmun cu Switzerland ram, Geneva khawpi a si.
 

(2)  Ram ~angrual Fimthiamnak, Dengfelphung le Nunphung lam Pawlpi (United Nations Educational, Scientific and Cultural Organization - UNESCO)
Fimthiamnak, dengfelphung le nunphung pawl hmangin ram khat le ram khat pehtlaih-`uantlangnak um vivo ter ding tumtah ih dinsuah mi a si. Zung `humawknak hmun cu France ram, Paris khawlipi a si.
 

(3) Ei-in le Cicin lam Pawlpi (Food and Agricultural Organization -FAO)
Leitlun ram tin ih loram, thingram le nga-kaih rian pawl ihsin zuarsuah thilri pung vivo ding in le, khawte lam ih umtupawl ih hringnun kaiso vivo ding ih tawlrel ding ah dinsuah mi a si. Zung `humawknak hmun cu Italy ram, Rome khawlipi a si.
 

(4) Ramtamhuap Hna`uantu Pawlpi (International Labour Organization - ILO)
Leitlun ram tin ih hna`uantupawl an hna`uan dinhmun `hangso vivo ding in le, an hringnun dinhmun khal `hangso vivo ding ih zohkhentu ah dinsuah mi a si. Zung `humawknak hmun cu Switzerland ram, Geneva khawlipi a si.
 

(5)Ramtamhuap Tipithuanthum Sumdawnnak Pawlpi  (International Maritime Organization - IMO)
Ramtamhuap sumdawnnak ah thleidanawknak um lo ding in le, khuahkhirhawknak kalhmang hmang lo ding ih dawnkham ding in, tipithuanthum par sumhawlnak ah bangranawklonak a um mi pawl cingfel ding in le, tipithuanthum borhbahnak kilkhawi ding ih dinsuah mi a si. Zung `humawknak hmun cu Britain ram, London khawlipi ah a si.
 

(6) Ramtamhuap Thuthangpehtlaih Dingkhawm (International Telecommunication Union - ITU)
Thuthang le pehtlaihawknak kalhmang hmuahhmuah dikdawh felfai zet ih hmang thei ding in le, `hangso vivo ding ih sawmsotu ding ah dinsuah a si. Zung `humawknak hmun cu Switzerland ram, Geneva khawlipi a si.
 

(7) Leitlun Careklam Dingkhawm (Universal Postal Union - UPU)
Ram ~angrual ih palaizung hleice a si vekin cakuatpawl, parcel-pawl ramtamhuap ih kuatawk ton theinak umsun a si tiah sungtel rampawl in an pom hai. Zung `humawknak hmun Switzerland ram, Bern khawpi a si.
 

(8) Ram ~angrual Cetlam ~hansohnak Pawlpi (United Nations Industrial Development Organization - UNIDO)
Himi pawlpi cun ram `hangso rerolai pawl kha ningthiamphung (technology) lam bomnak pe in ramtamhuap cetlam `uankhawmnak um thei ding in a tawlrel. Ram `hangso rero lai pawl ih cam-rei hnianghnarnak a umter thei ding mi ruahmannakpawl hrangah sumpai a bawm. Zung `humawknak cu Austria ram, Viena khawpi a si.
 

(9) Ramtamhuap Vanzam Veivah Kilkhawilam Pawlpi (International Civil Aviation Organization - ICAO)
Vanzam veivahnak ah mipi siseh, vanzam siseh himnak um ton veve in le, `hansohnak um vivo ding ih hlangkaitu ah dinsuah mi a si. Zung `humawknak hmun cu Canada ram, Montreal khawpi a si.
 

(10) Ramtamhuap Siahrelh Sumpai (International Monetary Fund - IMF)
Sungtel rampawl ramtamhuap sumpai thuhla ah tuah`uankhawm ding in, sumpai hngelhngehnak um ding in le, ramtamhuap sumdawnnak karhzaiter vivo ding ih dinsuah mi a si. Zung `humawknak cu America Dingkhawm Ram, Washington DC khawlipi a si.
 

(11) Ramtamhuap Dinsuahsalnak le ~hansohnak Bank (International Bank for Reconstruction & Development - IBRD)
Ram `hangso rero lai pawl ih sumtuahnak lam `hansohnak ruahman mi hrangah sumpai cawih ding in le, ningthiamphung lam bomnak pe ding ih dinsuah mi a si. Zung `humawknak cu America Dingkhawm Ram, Washington DC ah a si.
 

(12) Ramtamhuap Thu`hen Zung (International Court of Justice)
Ram ~angrual hrangih pawlkom thupibik pakhat a si. Sungtel ram hmuahhmuah cu himi thu`hen zung thawn an pehpar cih. Asinan ram pakhat kha himi thu`hen zungih thubuai hun thlen tengteng ding cun hranhram ih nor awi a si lo. Thu`hennak zungpibik cu Netherlands ram, The Hague khawpi ah a um.
 

E. Hmunramhuap Mangkizungpawl
                       
(1) Ram ~angrual Asia le Pacific lam Sumtuahnak le Zatlanglam Mangkizung (United Nations Economic & Social Commission for Asia & Pacific - ESCAP)
 

(2)Ram ~angrual Europe-huap Sumtuahlam Mangkizung (United Nations Economic Commission for Europe - ECE)
 

(3) Ram ~angrual Nitlaklam Asia-huap Sumtuahlam & Zatlanglam Mangkizung (United Nations Economic & Social Commission for West Asia- ESCWA)
 

(4) Ram ~angrual Africa-huap Sumtuahlam Mangki-zung (United Nations Economic Commision for Africa - ECA)
*Hminsin: Ram ~angrual ih Sung`uan-Huapkip hi a tlangpithu in ram tenau asilole ralbuainak thuhla lam ih a lailak ih dingtu ram (neutral state) tivek ihta hril an si tlangpi. Ram thacak pawl ihsi hril a si ahcun buainak tampi a suah thei ruangah a si. Sung`uan Huapkip lakah Dag Hammarskjold le Kofi Annan tei' pahnih in Nobel Remdaihnak Laksawng an ngah.