Calai Deirel: Hebru Calai Romual VI (San Thar Calai)

22 May, 2014

Hebru Calai Romual VI (San Thar Calai)

Hebru Calai Romual

Bung VI

San Thar Calai

Hebru calai thuhla rel tikah Yiddish ttong ih nganmi calai khal telh phah a ttul. Hebru le Prussian ttong rawi aw ihsi ra suak Yiddish ttong hi leitlun ram tin ih vak darh Jew miphun tamsawn hman mi ttong a si. A hleice in zabi 20 thok pek hrawngah phei cun a tthangso zet. Asinan Israel ram a din hnu cun Hebru ttong kha tlang ttong ih an hman ruangah a tha a mal vivo. Asinan England, American, Poland le Russia tivek ram dangdang ih a um mi Jew pawl cun Yiddish ttong le calai an hmang tamsawn. Curuangah Yiddish Calai khal Hebru Calai phun khat ah a telvenak a si.

Yiddish Calai

Sholem Jacob Abramovitch (1835-1917) hi Hebru le Yiddish calai khapa ti ih kawh lawng hman an duhtawk lo ih ‘pubik’ ti tiangin an ko ttheu. A cafung hmin cu Mendele a si. Russia ram ah a um ih a hmaisa ahcun Hebru Calai a luhcilh. Lehhnu ah Yiddish calai a buaipi leh. Russia ram ih ceng Jew miphun pawl ih hringnun pawl kha nunthuleng le nunthuleng tawi hmang in a tarlang.

Y. L. Peretz (1852-1915) khal Hebru calai buaipi phah in Poland ram ah Yiddish calai bulhram dinsuaktu a si. Calai relbawldan ah Mendele le Peretz hnakih cuangmuar deuh an timi Sholem Aleichem (1859-1916) cu Ukraine ramkulh (Soviet Union kuai hlan) ih piang Jew miphun a si. A hmin ngai cu Sholem Rabinovitch a si. Hnihsuaklam rim nam nunthuleng tawi tam zet a ngan. Sholem ih Yiddish calai cu Hebru calai hman ah nehnang a nei ban tiah an ti.

A dang nunthuleng ngantu pakhat Sholem Asch (188-1957) cu Poland ram ih piang a si. 1920 ah America ah a tthawn ih American rammi sinak khal a nei. Zabi 20 sung Jew miphun cangantu lakah nunthuleng nganthiam lam ih hminthang zet a si. Cuvek thotho in America rammi sinak nei Jew miphun canganthiam hminthang zet dang pakhat cu Y. J. Singer (1893-1944) a si. Poland ram ih piang a si ih Poland ram ih hlansan Yiddish thuanthu pawl a thei tam in a nehsawh zet (Martin Seymour-Smith, Guide to Modern World Literature, Wolf Publishing Ltd., London, 1973). Anih hi nunthuleng nganthiam ruangih hminthang a si.

Yiddish ttong ih biazai phuah lar hmaisatu cu Simon Samuel Frug (1860-1916) a si. Thlanglam Russia ah a piang. A tir ah Russian ttong in bezai a phuah ih hmin tla a ngah man ve.1888 ihsin Yiddish biazai a buaipi thok. Yiddish biazai hmaihruaitu a si ti a theih. Asinan English ttong hmang phunhnam pawl in Yiddish biazai an hmeltheihnak bik cu Morris Rosenfeld (1862-1923) ih bezai pawl in a si bik. A nauhak lai ah Russia ah a tthanglian ih cuihnu ah Poland ram ah a ceng. Lehhnu ah England le America ram pawl ah a vakkual vivo. London khawpi nisuahlam misiattha veng ih a um lai ah misiattha pawl ih hringnun cu fiang zet in a hmu ngah. Amah khal misiattha pakhat a si ve. America ram a thlen hnu, “Misiattha Veng ihsi Zaihla” (Songs from the Ghetto) timi bezai bu a suah (1898) hnu lawngah a nun a semrem deuh sal.

Israel ram sungih um, Yiddish ttong ih bezai phuahtu cu 1913 ah Lithuania ram ih piang Abraham Sutzkever a si. 1941 hlan deuh, Russia ram ih Jew miphun nunphung darhzai ding ih cangvaihnak ah a tel dah. Russia le Poland ah a um dah ih 1950 kum ah Israel ram ah a ra tthawn (Martin Seymour-Smith).

Hebru San Thar Calai

German khawruahphung mithiam (philosopher) Moses Mendeshohn (1729-86) in Jew miphun zalennak sualsuak ding cun Hebru ttong lar tharter sal kha a bulhram thupi a si tiah a rak forh hai. Leitlun Ralbuai I lai ah phei cun Israel ram ding thei ding ih cangvaihnak a nasa sinsin. Curuangah Eleizer Ben Yehudah (1858-1922) in san thar le san hlun Hebru Dictionary a tawlrel thok. Hebru calai khal himi san hrawng ihsin a thar thok sal.

Hebru calai santhuanthu lamtluan kan zoh asile 1882-1905 sung hi Romantic (suangtuahlam uar deuh) calai san ah ret a theih. 1905-18 kum sung cu Jew miphun hrangih Israel ram din ding thu ah suangtuahnak le a tak ih thilthleng an danglamzia an theihfiang san a si. Himi lai ih an ramkhel hnok zet zul in an calai lamzin khal a hnok celcel ve. Netalam ah san thar Hebru calai lam an run pan vivo. Asinan Israel ram an din zawng ah Leitlun Ralbuai II a thleng. Nazi phungthluk kutthak tuar in Jew miphun minung million tampi a burbur ih thah an tuar tikah Hebru calai ih kengkawhdik (realism) calai cu a rong a thim nasa. Riahsiatnak le vanduainak lam hlir a hoi ti theih a si.

Romantic calai ih hohatu cu Moshe Smilanski (1874-1950) a si. Anih cun Israel ram rak dintu, hlan san minung pawl ih ton mi harsatnak pawl tarlang in cui’ minung pawl ih mihuaisen lungput an neihzia thangtthatnak lam a ngan deuh bik. Joseph Chaim Brenner (1881-1921) cu Israel ram dinsuak ding ih an buai rero lai, an thuhla a curcuduk lai hrawng boruak ih calai relbawldan tarlang aiawhtu calai minung a si. 1921 ih Arab buainak a suah lai ah phiarthah a tong. Brenner hi Jew miphun in Europe khawmualpi ih an ton mi harsatnak le nomnak pawl kha kengkawhdik (realism) cindan thawi’ pholangtu a si. Cuihnu ah Israel ram din an tum thu ih, mai’ bulpak hlawknak rak ngaihventu pawl ih lungput dokalh deiret siahnak thuhla pawl khal a ngan. A ngan mi nunthuleng pawl cu nunthuleng ngandan kalhmang nganlam ih cungcuannak nei hranpa an si lo nan suangtuahnak thuhla menmen pawl hlonhlo ding ih forhfialnak lam ah ram an la zet.

Shmuel Yosef Agnon (1888-1970) cun Jew miphun pawl Europe khawmual ih an vahvaihnak thuhla a ngan. Bible sungih Jew pawl nelrawn ramcar ih an vahvaihnak thuhla kha a casiartu pawl in an mangsuak thei zet ti a si. 1966 kum ah Nobel Calai Laksawng a dong. Cuihsi cun theihlar a si vivo. Hitivek, nunthuleng nganlam ih hminthang cangantu pawl hi Russia ram ih piang an si deuh hai. 1908 hrawngah Israel ram thar an din tum mi densen in Israel khurkhua ah inn-lo thar an din hai. Asinan tthenhrekkhat cu Israel ram a dinsuah hnu lawng ih ra kir khal an um ve.

San Laita ah Hebru ttong in khawvel lam biazai (sakhuanaklam si lo) cu biaknak lam biazai thawn a rak keuh tlang ve. Asinan 1,300 kum ihsin zabi 19 hrek tiang ah Hebru biazai ti ih sal tlak a um cuca lo ti a si (Martin Seymour-Smith). Hebru biazai a rung par suahsalnak cu Yehudah Leib Gordon (1830-92) ih biazai ihsin a thok. Asinan santhar Hebru calai dinsuaktu bezaipu cuangmuar pathum cu Chaim Nachman Bialik, Shaul Tchernikhovski le Zalman Shneour tla an si.

Bialik (1873-1934) hi Russia ah a piang. A bezai pawl ah palbeh-ttawnhremnak sung ihsi talsuahnak hmuihmel an lang. A nauhak lai ah Talmud cabu thawi’ tthanglian asinan lehhnu ah Talmud cabu sungih biazai kalhmang, relbawldan sung ihsin a talsuak ti a theih. 1924 ah Israel ram ah a va vai ve. Jew miphun pawl in Hebru calai le nunphung parsuahsalnak ding hrang ih hmaihruaitu a si tiah an pom.

Tchernikhovski (1877-1943) khal Russia ram ih piang thotho a si. Siibawi a si ih, a thih tiang siibawi ttuan in a pum a cawm. Amai’ paihzawng a si mi canganlam khal ah taimak a suah ve ih, Greek calai mithiam ropi Homer le English calai mithiam ropi Shakespeare ih kutsuak pawl Hebru ttong in a let. Cuihlei ah bezai khal a phuah fawn.

Zalman Shneour (1887-1959) ih phuah mi bezai pawl cu mahte sersuah mi kalhmang hranpa (bulpak kutsuak sinak hmelhmang) a um lemlo hmang. Asinan a bezai pawl an ttha thei zet ti a si. Hebru calai tidan kelte’n hmailam thilthleng ding phuansuahcianak tuah a paih ve ih, Nuclear Bomb rung um leh ding thu khal a rak simsung cia ti a si. A bezai pawl lakah a no lai ih a ngan mi pawl an tthabik ti a si.

1,900 kum ih piang Avraham Shlonsky cu Russia ram ih tthanglian a si ih, a bezai khal ah Russian bezaipu Mayakovsky ih kutneh a lang ve. Russia ram ih an san thar biazai cangvaihnak a uar ruangah an tidan cawng in san thar Hebru bezai a phuah ve. Asinan, kalhmang hlun thlun ih a phuah mi bezai pawl an tlamtlingbik tiah fakseltu pawl in an sim.

No comments:

Ngantui' Thuhla

Salai Siang Lian Uk Kianghrol Introduction Salai Siang Lian Uk Kianghrol (born August 18, 1988) is a leading Chin (Falam) poet and literary contributor. In 2011 he published his first work Calai Zirnak Hmaihruai (An Introduction to the Study of Literature) and, in 2014 he published his second and major work Eden Zunzam: Sonnets from Chinland (The Attachment of Eden: Sonnets from Chinland) which contained over 200 sonnets and a crown sonnet. He also wrote a novel Khrih Riantu (A Man Who Serves Christ) which is not published but filmed, and some short stories and one-act plays, and contributed over 600 articles and poems without royalty fees. Life Salai Siang Lian Uk Kianghrol (born Biak Hming Siang LianUk) was born on August 18, 1988 at Darteti village, about 27 miles from Falam town of Chin State, Myanmar. His father, Ro Pum Thang, is a headmaster of primary school and his mother, Za Kip Par, had only a few school education. His mother died when he was two and his grandmother from his father looked after him. He is the second child of his parents, and has two sisters and three brothers. He started his school education under his father's school at Hmawngkawn village, a remote village in the western part of Chin State, near the Mizoram State of India. After attending Kindergarten at Hmawngkawn village, his family transferred to Zahau Dihai village. He attended first standard at Zahau Dihai and, his family transferred to Darteti village, his birthplace. He finished his primary education at Darteti, and he joined the Basic Education Middle School, at Falam. After he had finished Middle School, his family transferred to Letpanchaung village of Kalay township, Sagaing Division, Myanmar. He passed matriculation at Letpanchaung village, from the sub High School of No.2 Basic Education of High School, Kalaymyo. After he had sit matriculation exam, his family transferred to Tahan-Kalaymyo, and he lives there until today. After he had passed matriculation, he cannot join university because of poverty. He worked as students guide at boarding schools and hostels for some time. In 2011, he went to Yangon and worked as the de facto editor of Thuthantu journal, a church based monthly journal. Later, he became managing editor and he handles it until today. From Yangon and Tahan-Kalaymyo he also worked as a freelance journalist for some Chin social media. Six years after he passed the matriculation, with the help of some close friends, in 2010, he joined university with English major and qualified for post-graduate degree. He is now attending post-graduate at Kalay University, Sagaing Division of Myanmar. Salai Siang Lian Uk Kianghrol also composed some songs and he is the composer of the proposed Chin national anthem: Ram ZalenChinram (Chinland, A Land of Freedom). He is also a singer at Klirlungz music band and literary club. He uses his nickname Salai Mhingte for his musical activities. Salai Siang Lian Uk Kianghrol's early life was filled with many difficulties. With the death of his mother, he suffered lack of vitamins and depression. Because of his father's illness which lasted about six years, the property of his family were gone when he attend the final year of Middle School. Because of poverty, he surrendered many of his ambitions. In the end of 2012, he survived the motor-bike accident in which his friend was died. His feelings about the difficulties he faced can be seen in many of his literary works. Writing Career Salai Siang Lian Uk Kianghrol began to write from his early age. He had already read hundreds of books at the age of 16. He had read the whole Bible at the age of twelve. The knowledge he got from his reading made him wrote many manuscripts. However his first printed work was only appeared in the December issue of Vankau Arsi magazine (2005). He used 'Kianghrol' (walking stick) as his pen-name and, later, used only Salai Siang LianUk Kianghrol for his literary career. From that time, he constantly wrote poems and articles for many magazines and journals of Chin language. He wrote for his people because of patriotism as there is usually no royalty fee for writers of Chin language. As Chin people in Myanmar are only about five lakh and, as there is no common language, the readers of Chin literature, who faces poverty the most in the undeveloped country, cannot support the writers and publishers. They write and publish books and writings only for they love their people, and want to develop them. In 2010, a group of friends called Klirlungz, in which Salai SiangLian Uk Kianghrol is involved from 2008, published Biazai Rianriam (A Study of Poetry).[ In 2012, Klirlungz released their second album DuhnakTiamthu (The Oath of Love) in which Salai Siang Lian Uk Kianghrol involved and sung three songs. Klirlungz's first album Phunhnam Duhdawttu (Patriot) was released in 2004 but Salai Siang Lian Uk Kianghrol did not involve]. BiazaiRianram became the literary turnpoint, especially poetry, of Chin Literature and, the first book to introduced western poetry to Chin people. In 2011, the Presbyterian Youth Joint Conference, Chin Synod, published Salai Siang Lian Uk Kianghrol's first book Calai Zirnak Hmaihruai (An Introduction to the Study of Literature). The book was the first book to introduce world literature and literary genres, styles, and techiques and so on, to Chin people. In 2013, SalaiMai Entertainment published Klirlungz's second book, Nau Umtu (Nurse), a collection of nursery rhymes. In 2014, The Chin Times USA published Salai Siang Lian Uk Kianghrol's second and major work Eden Zunzam: Sonnets from Chinland (The Attachment of Eden: Sonnets from Chinland). The book contains five sonnet sequences and a crown sonnet or sonnet corona, and an introduction to sonnet, as appendix. The first sonnet sequence, Eden Biathli (The Story of Eden), contains a sequence of 37 sonnets and is about his view about religion, education, and moral values. The second sonnet sequence, Eden Sunmang (The Dream of Eden), contains a sequence of 32 sonnets and is about his political views and his dreams for Chinland. The third sonnet sequence, Eden Hringnun (The Life of Eden), contains a sequence of 56 sonnets and is about his personal life, his boyhood life, his rural life, and about his fondness of Chin culture. The fourth sonnet sequence, Eden Lasi (Angel of Eden), contains a sequence of 43 sonnets and is about the beauty of a lady, and the sweetness of love. The fifth sonnet sequence, Eden Tahhla (Lamentation of Eden), also contains a sequence of 43 sonnets and it describes a lamentation of a broken-heart, and the sigh of an unlucky person. The crown sonnet illustrated the poet's dreams and love for his native Chinland. From 2012 he compiled a brief history of Chinese, Iranian, Greek, Italian, Arab, Hebrew and Latin literature. In 2014 he posted this literary history on hi his personal blog: Calai Deirel (The Literary Morning Star). He translated some world classic short stories and poems to Chin language. About his 400 writings, including articles, poems, and short stories had been printed in many magazines and journals of Chin language. He also has many other articles which are not printed yet, but are contributed to Chin online media such as Chinland Today (www.chinlandtoday.info) and Chin World (www.chinworld.info). About 400 of his articles can be seen on his personal blog, Calai Deirel (http://www.calaideirel.blogspot.com). References · Siang Lian Uk (Kianghrol), Eden Zunzam: Sonnets from Chinland, Tahan-Kalaymyo: Zolun Offset, 2014. · Kianghrol, Calai Zirnak Hmaihruai, Tahan-Kalaymyo: Zolun Computer and Desktop Publishing, 2011. · Klirlungz, Biazai Rianram, Tahan-Kalaymyo: Zolun Computer and Desktop Publishing, 2010. · Klirlungz, NauUmtu, Tahan-Kalaymyo: Zolun Offset, 2013. · www.chinlandtoday.info External links · http://www.calaideirel.blogspot.com · http://www.facebook.com/sianglianuk-kianghrol.html