Calai Deirel: Latin Calai Romual II (Roman Sanphung Mithiam pawl)

22 May, 2014

Latin Calai Romual II (Roman Sanphung Mithiam pawl)

Bung II

Roman Sanphung Mithiam pawl

“Calai sanphung ah Sanphung ngantu pawl kan telh a ttulnak san cu, sanphung timi hi calai ih ruang-am hlun pakhat a si ruangah a si.” Mya Than Tint

A veihnihnak Punic Doawknak (BC 218- 201) san ah Fabius Pictor in Roman sanphung kha Greek ttong in a rak ngan. Anmah Latin ttong ih sanphung ngantu cu Cato (BC 234 -149) a si (M. Cary and T.J. Haarhoff). Ramkhellam mithiam khal a si ih, Roman Hrilhoturam san ah Consul khal a rak ttuan dah. Punic Doawknak san lai ah Carthage ram siatralter ding ih forhfialtu pakhat a si. Amah thawi’ hmin bang aw tupa pakhat a neih ruangah anih hi Cato Upa (Cato the Elder), a tupa cu Cato Nauta (Cato the Younger) tiah an ko ttheu. Cato Nauta hi Julius Caesar thawi’ sanzul, Julius Caesar dokalhtu pakhat a si.

Sanphung ngan tikah cui’ sanphung thilthleng sung ih mah rori a teltu cun mai’ dinhmun le ttan lam ngaihthah a harsa deuh ttheu. Cato khal Roman lamttang a si ruangah a a ngan mi sanphung khal bulpak rim a nam ding, ttanlam nei in a ngan ding ti zum theih a si. Asinan himi ruahdan hi a dik thluh hranpa cuang lo.

Ziangruangahtile ttanlam nei lo ih cangantu Julius Caesar vek khal an um ve ruangah a si. Ral do lam ih mihrat khawkheng Julius Caesar (BC 102-44) hin Gaulic Ral a do thuhla a rak ngan. A tumtah mi cu a uk mi Roman miphun pawl in a tuah mi a dikzia an hmuhthiam theinak ding ah a si. Asinan mah le mah porhawknak a telh lo; thuhla dik lo ther tel tivek khal a hmang lo. Curuangah Cato hnak cun a cuangmuar deuh ti a theih (John Macy).

Caesar ih nganmi Gaulic Ralbuai sanphung cabu ih thupitnak cu, calai mit in kan thlir asile, a thutluang zening (prose style) ruang khal ah a si. Fiangfel le tluangtlamtei’ a nganthiam ruangah Nitlaklam ram ih phunsangtlawng pawl in Latin ttong zirthoknak cabu ah an hmang. Tlawng ih zirlai bu a si ttheu phah thawn, Latin ttong ih ngan mi cabu ahcun siar hlawhbik a si ti a theih ding. Khatlam ah sanphung mit thawi’ thlir caan ah bulpak hmuihmel a lang tam deuh. Thilthleng rahsuah (effect) le thlennak san le vang (cause) thuhla a ngandan ah bulpak ziarang a ret thupi tuk deuh. Curuangah santhar sanphung tahfung pawl thawi’ tah ding ahcun, sanphung cabu ttha ti ih hmaihngalpi ciamco ding cu a si ve ce lo (Mya Than Tint).

Caesar hi Roman sanphung ah tluktu um lo khop in a lar. Ral nehtu ropi a rak sinak hin mipi thinlung a neh zet. Cutin, Caesar timi hmin khal, thlahsin sungkaw hmin pakhat men a rak si nan, a hminthantuk ruangah, lehhnul am minunpawl in Caesar ti cu ‘uktu/siangpahrang’ timi sullam nei in an run hmang. Caesar hnulam ih Roman siangpahrang, German siangpahrang le Russian siangpahrang pawl khal in an hmin ah Caesar an run bet ttheh mi zoh in Caesar ih ropitzia cu a thlamphai theih. Sanphunglam mithiam tampi le Shakespeare tivek calai mithiam ropi pawl khal in Caesar cu an fak thei zet. Cutluk ih mi ropi cu BC 44 ahkhan Brutus le phunhnamveitu mallai in an phiarthat. Nehtu ropi Julius Caesar vek hman minung mallai ih an phiarthah mi ruah tikah leitlun hringnun hi mi capoh a va hmang ve ti ih ruat caan a um phah ttheu (Mya Than Tint).

Kalhmang nei zet ih sanphung ngantu mithiam cu Caesar thawi’ sanzul Sallust (BC 86-34) a si. Sallust hin Africa tipikap hmun le ram a do ih Numidia ram a neh tikah cumi ram uktu bawi a ttuan. BC 44 ih Caesar a thih tikah a hnattuan cawl in inn ah a um ih sanphung le calai dangdang a hliakhlai, a ngan. Sanphung a ngan tikah thuhlangh (facts) pawl an dik le dik lo cekfel ding in somdawltu tla a ruai. A nganmi lakih pahnih cu an lar zet. Pakhat cu BC 67 kum ah Roman pawl kut sung ram Africa ramkulh kha, sualral zet ih a rak uktu Mi-uk Catilline ih miphiarnak thu a si. A dang pakhat cu Numidia siangpahrang ih ukmi ramkulh thuhla a si. Caesar le Sallust ih ngan mi sanphung pawl cu Roman Kumpiram an karhkauter vivo dan a si bik. Caesar in saklam ram an nor thu a ngan ih, Sallust in thlanglam ram an nor thu a ngan. Sallust hi thutluang nganthiam zet a si ih, thuanthucawn vekih mi hip thei zet si ding in a nganthiam ti a si (Mya Than Tint).

Kumpiram zatehuap ih Roman kumpi siangpahrang hmaisabik a simi Augustus Caesar le Latin calai mithiam Cicero pawl vanglai ah sanphung mithiam Livy (BC 59-AD17) a suak. Rome khawpi a din thok ihsin amai’ san tiang ih Roman sanphung a ngan. A bu in bu 142 a um ih, bu 35 cu tuini tiang an um lai. Greek sanphung mithiam Polybius ih kutsuak sirhsan in a ngan ih, a dang a khonkhawm bet mi pawl a belhsah. Tuini ih kan mitthlam sungih lang mi BC san ih Roman Kumpiram ih hmelhmang tam zet cu Livy ih rak phosuah mi vekin an si. Amai’ kutsuak hi dunglam kan thlir theinak durbun a si bik.

Sallust le Livy vekih hminthang sanphung mithiam pakhat leh cu Tacitus (55-120) a si. A no lai can ah thurelthiamnak (oratory) lam a zir hnu ah, danthiam (lawyer) ttuan in a pum a cawm. England tikulh uktu a pu Agricola ih fanu thawn an nei aw ih England ah a ceng dah. Cuihnu ah Germany ram lam ah a feh. Roman kut sung ih Germany ramkulh pakhat ah Consul (thutthentu bawibik) a ttuan. Germania timi, German miphun pawl ih pupa Teuton pawl thuhla a ngan mi, hi German miphun sanphung ih bulhram ttha zet a si. Roman siangpahrang Tiberius san ihsin Nero siangpahrang (14-68) san tiang thlurh vivo nak sanphung le, Galba san ihsin Domitian san (69-97) tiang thlurhnak sanphung ti’n, sanphung pahnih a ngan.

Tecitus hi nunthuanthu(biography) ngan lam khal ah mi hmaisa pakhat a si. A pu Agricola ih nunthuanthu a ngan. Lehhnu ah Greek mithiam Plutarch tivek canganthiam pawl khal in Tecitus ih dungthlun in nunthuanthu an run ngan ve. Cu bang in Roman sanphung mithiam Suetonius (75-150) khal in Siangpahrang Caesar ih nunthuanthu a run ngan (John Drink Water).

Tui’ kan san ahcun mi tamsawn cun Latin ca kan thiam lo tikah English ttong ih ngan mi pawl siar an hlawhsawn thlang. English ttong thawi’ Roman Kumpiram le an kumpi siangpahrang thuhla nganmi ahcun a larbik le thupibik ih an ruat mi cu sanphung mithiam ropi Edward Gibbon ih ‘Roman Kumpiram Siatralnak le Tluksiatnak’ timi cabu a si. Zabi 18 cem zawng ah a ngan. Lehhnu ah mithiam pawl in rem ttul mi rem, bet ttul mi bet, le hlon ttul mi hlon ih an run thuam tthat vivo phah thawn Gibbon ih sanphung cabu hi tuini tiang ah a cuai thei ngaingai lo.

Tacitus in, “Sanphung ih ttuanvo cungnungbik cu hminsin a phu mi hmuahhmuah hrelh nei lawi’ telh ttheh ding khi a si,” timi thuken thawn sanphung a rak ngan. Roman sanphung mithiam pawl hin anmai’ buaipi mi san thilthleng pawl lakah telh a phu mi hmuahhmuah an telh thei lo a bang nan, an san lai ih an dinhmun vun ngaihruat sak ahcun an fak um zet thotho a si kan ti thei.

No comments:

Ngantui' Thuhla

Salai Siang Lian Uk Kianghrol Introduction Salai Siang Lian Uk Kianghrol (born August 18, 1988) is a leading Chin (Falam) poet and literary contributor. In 2011 he published his first work Calai Zirnak Hmaihruai (An Introduction to the Study of Literature) and, in 2014 he published his second and major work Eden Zunzam: Sonnets from Chinland (The Attachment of Eden: Sonnets from Chinland) which contained over 200 sonnets and a crown sonnet. He also wrote a novel Khrih Riantu (A Man Who Serves Christ) which is not published but filmed, and some short stories and one-act plays, and contributed over 600 articles and poems without royalty fees. Life Salai Siang Lian Uk Kianghrol (born Biak Hming Siang LianUk) was born on August 18, 1988 at Darteti village, about 27 miles from Falam town of Chin State, Myanmar. His father, Ro Pum Thang, is a headmaster of primary school and his mother, Za Kip Par, had only a few school education. His mother died when he was two and his grandmother from his father looked after him. He is the second child of his parents, and has two sisters and three brothers. He started his school education under his father's school at Hmawngkawn village, a remote village in the western part of Chin State, near the Mizoram State of India. After attending Kindergarten at Hmawngkawn village, his family transferred to Zahau Dihai village. He attended first standard at Zahau Dihai and, his family transferred to Darteti village, his birthplace. He finished his primary education at Darteti, and he joined the Basic Education Middle School, at Falam. After he had finished Middle School, his family transferred to Letpanchaung village of Kalay township, Sagaing Division, Myanmar. He passed matriculation at Letpanchaung village, from the sub High School of No.2 Basic Education of High School, Kalaymyo. After he had sit matriculation exam, his family transferred to Tahan-Kalaymyo, and he lives there until today. After he had passed matriculation, he cannot join university because of poverty. He worked as students guide at boarding schools and hostels for some time. In 2011, he went to Yangon and worked as the de facto editor of Thuthantu journal, a church based monthly journal. Later, he became managing editor and he handles it until today. From Yangon and Tahan-Kalaymyo he also worked as a freelance journalist for some Chin social media. Six years after he passed the matriculation, with the help of some close friends, in 2010, he joined university with English major and qualified for post-graduate degree. He is now attending post-graduate at Kalay University, Sagaing Division of Myanmar. Salai Siang Lian Uk Kianghrol also composed some songs and he is the composer of the proposed Chin national anthem: Ram ZalenChinram (Chinland, A Land of Freedom). He is also a singer at Klirlungz music band and literary club. He uses his nickname Salai Mhingte for his musical activities. Salai Siang Lian Uk Kianghrol's early life was filled with many difficulties. With the death of his mother, he suffered lack of vitamins and depression. Because of his father's illness which lasted about six years, the property of his family were gone when he attend the final year of Middle School. Because of poverty, he surrendered many of his ambitions. In the end of 2012, he survived the motor-bike accident in which his friend was died. His feelings about the difficulties he faced can be seen in many of his literary works. Writing Career Salai Siang Lian Uk Kianghrol began to write from his early age. He had already read hundreds of books at the age of 16. He had read the whole Bible at the age of twelve. The knowledge he got from his reading made him wrote many manuscripts. However his first printed work was only appeared in the December issue of Vankau Arsi magazine (2005). He used 'Kianghrol' (walking stick) as his pen-name and, later, used only Salai Siang LianUk Kianghrol for his literary career. From that time, he constantly wrote poems and articles for many magazines and journals of Chin language. He wrote for his people because of patriotism as there is usually no royalty fee for writers of Chin language. As Chin people in Myanmar are only about five lakh and, as there is no common language, the readers of Chin literature, who faces poverty the most in the undeveloped country, cannot support the writers and publishers. They write and publish books and writings only for they love their people, and want to develop them. In 2010, a group of friends called Klirlungz, in which Salai SiangLian Uk Kianghrol is involved from 2008, published Biazai Rianriam (A Study of Poetry).[ In 2012, Klirlungz released their second album DuhnakTiamthu (The Oath of Love) in which Salai Siang Lian Uk Kianghrol involved and sung three songs. Klirlungz's first album Phunhnam Duhdawttu (Patriot) was released in 2004 but Salai Siang Lian Uk Kianghrol did not involve]. BiazaiRianram became the literary turnpoint, especially poetry, of Chin Literature and, the first book to introduced western poetry to Chin people. In 2011, the Presbyterian Youth Joint Conference, Chin Synod, published Salai Siang Lian Uk Kianghrol's first book Calai Zirnak Hmaihruai (An Introduction to the Study of Literature). The book was the first book to introduce world literature and literary genres, styles, and techiques and so on, to Chin people. In 2013, SalaiMai Entertainment published Klirlungz's second book, Nau Umtu (Nurse), a collection of nursery rhymes. In 2014, The Chin Times USA published Salai Siang Lian Uk Kianghrol's second and major work Eden Zunzam: Sonnets from Chinland (The Attachment of Eden: Sonnets from Chinland). The book contains five sonnet sequences and a crown sonnet or sonnet corona, and an introduction to sonnet, as appendix. The first sonnet sequence, Eden Biathli (The Story of Eden), contains a sequence of 37 sonnets and is about his view about religion, education, and moral values. The second sonnet sequence, Eden Sunmang (The Dream of Eden), contains a sequence of 32 sonnets and is about his political views and his dreams for Chinland. The third sonnet sequence, Eden Hringnun (The Life of Eden), contains a sequence of 56 sonnets and is about his personal life, his boyhood life, his rural life, and about his fondness of Chin culture. The fourth sonnet sequence, Eden Lasi (Angel of Eden), contains a sequence of 43 sonnets and is about the beauty of a lady, and the sweetness of love. The fifth sonnet sequence, Eden Tahhla (Lamentation of Eden), also contains a sequence of 43 sonnets and it describes a lamentation of a broken-heart, and the sigh of an unlucky person. The crown sonnet illustrated the poet's dreams and love for his native Chinland. From 2012 he compiled a brief history of Chinese, Iranian, Greek, Italian, Arab, Hebrew and Latin literature. In 2014 he posted this literary history on hi his personal blog: Calai Deirel (The Literary Morning Star). He translated some world classic short stories and poems to Chin language. About his 400 writings, including articles, poems, and short stories had been printed in many magazines and journals of Chin language. He also has many other articles which are not printed yet, but are contributed to Chin online media such as Chinland Today (www.chinlandtoday.info) and Chin World (www.chinworld.info). About 400 of his articles can be seen on his personal blog, Calai Deirel (http://www.calaideirel.blogspot.com). References · Siang Lian Uk (Kianghrol), Eden Zunzam: Sonnets from Chinland, Tahan-Kalaymyo: Zolun Offset, 2014. · Kianghrol, Calai Zirnak Hmaihruai, Tahan-Kalaymyo: Zolun Computer and Desktop Publishing, 2011. · Klirlungz, Biazai Rianram, Tahan-Kalaymyo: Zolun Computer and Desktop Publishing, 2010. · Klirlungz, NauUmtu, Tahan-Kalaymyo: Zolun Offset, 2013. · www.chinlandtoday.info External links · http://www.calaideirel.blogspot.com · http://www.facebook.com/sianglianuk-kianghrol.html

22 May, 2014

Latin Calai Romual II (Roman Sanphung Mithiam pawl)

Bung II

Roman Sanphung Mithiam pawl

No comments:

Blogroll

Blogger news